Sakaraya 9:2 - ALLALA KUMƐ

² hali Hamati soe min bi Hadiraki wo dafɛ. Hali anu hɛnkili kolo nya-wo-nya, a si tɔrɔyɛ lana Taya anubɛ Saidon soenu ma fanan.

Sakaraya 9:2 ပူးပေါင်းရင်းမြစ်များ

1 Mansɛnu 17:9

“Ta Sarɛfati min bi Saidon soe bolɔn do rɔ. N bara a fɔ kɛɛ-musi do ye nyɔ ko a ni i de-nyini nyɔ rɔ.”

2 Mansɛnu 23:33

Iyipiti Mansa Niko nara ale bira Ribila soe burɔ Hamati nyamanɛ rɔ. Wo le ya a ma, aleta mansayɛ banta Yerusalɛm soe burɔ. Mansa Niko kɛ ya a ma, Yuda nyamanita-mɔgɛnu ya duti di ale ma. A ya a ma, anu ya wodi-gbɛ labɔ minna gbiliyɛ anubɛ fui-fen bɔrɔ bi-loli rakɛn. A ya a ma, anu ya sɛnɛ fanan nabɔ minna gbiliyɛ anubɛ fui-fan bɔrɔ talɛ rakɛn.

2 Mansɛnu 25:21

Anu ke anu na Ribila soe burɔ Hamati nyamanɛ rɔ, Babilɔn mansɛ ya Yerusalɛm kɛ wonu gbesi ka anu faga. Kɛlɛ tara Yuda mɔgɛnu na ka le.

Yɛrɛmaya 25:22

Taya so-tigi anubɛ Saidon so-tigi wo, nyamani-tigi minnu bi Mɛdetereniyan kɔgɔ-yila-foolɛ rɔ wo,

Yɛrɛmaya 47:4

Filisitinuna nyamanɛ kasara-wati ara ke. Minnu tora anu niyi la ka Saidon anubɛ Taya kɛnu dɛnbɛ, wonu nato-wati ara ke. Mari ko ale nyɛrɛ si Filisitinu halaki, minnu bɔra Kariti nyamanɛ rɔ, kɔni.

Yɛrɛmaya 49:23

Mari ya kɛ le fɔ Damasika kɛnuna ko rɔ. Hamati so-burɔ-mɔgɛnu wo, Arapadi so-burɔ-mɔgɛnu wo, wonu kun ma si kɔ ka a tɛgɛ anu bara yisi-tinya-kumɛ min namɔɛn. Hɔnya ye tugula anu kan ma iko gboron-gboronna-yi. Sulen sa anu ma.

Isikiyɛli 27:1

Mari ya a fɔ nde, Isikiyɛli ye ko,

Isikiyɛli 28:1

Mari ya a fɔ n ye ko,

Isikiyɛli 28:12

“Ile hadama-dan, ile fanan ni saya-sigi sa i sɛbɛ-kuna-wɛ la ka a tɛgɛ Taya mansɛ kɛ laban-bole ma. Nde, wo Tigi Marita kumɛ kɛ latenbi ko ale Taya mansɛ, ko-latelenni-misalɛ le ale la nun. A hɛnkili ye nun, ado a mafɛlɛn di.

Isikiyɛli 47:16

Wo kɔma, wo le ye tala a labilala Bɛrotati soe anubɛ Sibarayim soe ma. (Soe wonu bi Damasika anubɛ Hamati nyamanɛnu tɛma le.) Wo kɔma, dan wo le kunyɛ tara a labɔ Tikɔn soe ma min bi Hɔran sigisɔn dan la.

Emɔsi 1:3

Emɔsi ya Mari kuman-kan latenbi ko, “Wole Damasika kɛnu, wo ara hakɛ dan-natenbi, ado a ko a si wo tɔrɔ, yɔ! Wo ara Kaliyadi nyamanita-mɔgɛnu bira boloko-yogomɛ-kɛ.

Emɔsi 6:14

“Mari Sɛnbɛ-Bɛɛ-Tigi nyɛrɛ-nyɛrɛ le ya kɛ fɔ ko a si kɛlɛ-dan donu nabɔ nyamani-gbɛrɛ rɔ ka na bui wole, Isirɛla mɔgɛnu ma ka wola nyamanɛ bi wo bolo. Anu si bɔ wo birala Lɛbanan kɔnkɛnu kɔrɔ ha ka ta ke Kɔgɔ-Dalɛ dan ma. Anu si wo damasi bira tɛrr!”

Hɔbadaya 1:20

Isirɛla mɔgɛ minnu siginɛ kantɔ-wara la nun, wo yogenu nara anu bira ka ta anu na pon! Kɔnɔ Marita mɔgɛnu si na hɔrɔyɛ rɔ ka anu sigi kantɔ-wara la ka nyamanɛ wo nɔ. Anu si ta anu yoge kɛlɛla Finisiya nyamanɛ rɔ ka anu bira ha ka ta ke Sɛrɛfati soe burɔ. Minnu biranɛ Yerusalɛm nun, wonu fanan si na hɔrɔyɛ rɔ ka anu sigi Saradasi soe burɔ. Wonu fanan si ta Yuda nyamanɛ dugula wara la ka wonuna soenu bi anu bolo.

Yilan-Yilan Koe 13:21

Mɔgɔ-ba tan-ni-filɛ kɛnu bɔra Paran wulɛ rɔ ka ta Kenan nyamanɛ mafɛlɛn tumɛ min, anu ya Kenan nyamanɛ mafɛlɛn fɔlɔn Sini wulɛ rɔ dugula wara la. Anu tara a mafɛlɛnna dugula wara la ha Anaki bɔnsɔn-mɔgɛnu bi Hiburɔn soe burɔ kan min. Anu ya Anaki kebilɛ min taran nyɔ, wonu kunba, anu yan, anu sɛnbɛ kolo. Anuna kebila-kunyɛnu tɔgɛ le kɛnu na, Ahiman wo, Sɛsayi wo, Talamayi wo. (Hiburɔn soe kina Sowan soe ko min bi Iyipiti nyamanɛ rɔ, san wɔrɔnfila.) Anu tara Kenan nyamanɛ lakɔrɔsila fanan kantɔ ha Rihobu soe burɔ min bi Hamati kɔnkɔ-gbɛran wara la. Anu sɛgimatoe belenta nɔnbɔ-gbɔɛ tɔnsɔn kelen tɛgɛla ka wonu bi. Anu ya nɔnbɔ-tɔnsɔn min tɛgɛ, wo gbili. Ka a tɛgɛ ata gbiliyɛ ma, fɔ anu ba a kiri kɔlɔma ma. Mɔgɔ fila si kɔlɔma wo bi ka a sa anu kanban-kunyɛ ma. (Anu ya nɔnbɔ-gbo-tɔnsɔn wonu sɔrɔn fole min na, anu ya fole wo tɔgɔ sa Tɔnsɔn Fole.) Anu nara toro-gbɔɛ anubɛ kɔlɔma-gbɔɛ donu fanan na min tɔgɛ pamakarani.