Sakaraya 9:17 - ALLALA KUMƐ

¹⁷ Nyamanɛ wo si kinya ka diya dɔgɔma-ma-de! Wola dɔn-fannu anubɛ wola minni-fannu si wola fonikenu tagbɛlɛya.

Sakaraya 9:17 ပူးပေါင်းရင်းမြစ်များ

Yaburi 144:12

Mala dannu tenbi fonikeyɛ rɔ, i ni a ma, anu ta ni gbɛlɛya iko kɔlɔma. Mala dunmusinu ni kinya iko sɛnbɛrɛn-kɔn minnu bi mansɛla bolɔn rabirala.

Yaburi 145:7

Anu si ila ko-nyimɛ wara-koe fɔ ka to bɛti bɔla ila wɔli-nyimɛla ko la.

Yaburi 27:4

N bara Mari manyinika ko kelen pe lela ko ma. N bi nyinina wo le ma a bolo, wo le, ka n siyi-tele mumɛ bɛɛ dunu Mari Bato-Bɔn la. Wo si a ma, n ni to kawala ata nyimayɛ ma nyɔ rɔ ka to hɛnkili sɔrɔnna a bolo.

Yaburi 31:19

Ile ye ko-nyimɛ min bɛɛsi lamarala i gbiliyalɛnu ye, wo kin. Mɔgɛ bɛɛ ya ila ko-nyima-kɛ lɔn. Minnu lara i la, i ye wonu birala a kin na!

Yaburi 36:7

E, Alla, ila keninteya-dannatɛgɛbɛlɛ sɔnkɔ ti sɔrɔn. Ma lakanannɛ i kanban kɔrɔ.

Yaburi 45:2

Ile mansɛ kin hadama-dan bɛɛ ko, ado i kusan kumala. I wara ban duwɛ sɔrɔnna Alla bolo bui!

Yaburi 50:2

Yerusalɛm soe min kin, Allata waan ye malanna wo kuma.

Yaburi 86:15

Kɔnɔ ile n tigi, ila keninteyɛ kolo, ado i kinikinite. I munyara, i nyimayanɛ, ado i lanaya-tigi.

Yaburi 86:5

E, n tigi, i nyimayanɛ ma ye, ado i ye ma makotola. Minnu bi i madiyala, ila hinɛ ye wonuna ko la.

Yaburi 90:17

Alamɛ ma diyara n tigi, mata Alla ye. Ni ma ya ma bole don ko-wo-ko rɔ, alamɛ wo sabatira.

Bɔ-Koe-Iyipiti 15:11

“E, Mari, nfen sifa ye duninya rɔ mɔgɛnu si min bato iko ile Mari. Yon sɛninyanɛ iko ile? Ma si i tanto ila kɛwɔli-makilannɛnuna ko la. Yon si ke kabana-koenu kɛla iko ile?

Keninteya-Siginu 5:10

Nna kei mafɛlɛn di kinyɛ bolo, ado a kolo gbɛlɛ. Hali i wa kei mɔgɔ waga tan nabɔ, ale nyɔgɔn sa wonu tɔ.

Keninteya-Siginu 7:9

I dɛ-burɛ tuninyanɛ iko baan-kura-yi. Nba, ni tonyɛ le wo la, alamɛ baan-kura-yi wo kerita n diyana-mɔgɛ kun na iko yi. A ni tenbi a da-gbolo filɛ tɛma ka ke a nyinnu ma.

Aiseya 33:17

Wo si mansɛ yen gbiliya-wɛ rɔ tun. Ala nyamanɛ kolo dɔgɔma-ma-de!

Aiseya 63:15

Mari, i kolan layigi ma ma dugi ma. I tenbi ita sɛninya-tina-makawanɛ rɔ, i miri ma ma. Ita keninteya-belebele-wɛ ye mintɔ? Nfenna i ye ita keninteyɛ anubɛ ita kinikinɛ dogonna ma ma?

Aiseya 63:7

A di n ye, n ni Marita keninteya-dan-natɛgɛbɛlɛ wara-koe fɔ. N si a tanto ka a tɛgɛ a ara min bɛɛ kɛ ma ye. A ara fen-nyima-siyaman di ma ma. A ara Isirɛla mɔgɛnu bira a kin na! Mari ara ata kinikinɛ yira ma la. A nyimayanɛ ma ma dɔgɔma-ma-de!

Yɛrɛmaya 31:12

Isirɛla mɔgɛnu si sewa-sigi sa Yerusalɛm kɔnkɔ-sɛnimɛ kuma. Anu sewanɛ bawo Mari ara anu kɔ, a fui-fen wo, a nɔnbɔ-gbɔ-yi wo, a ɔlifi-tulu wo, anubɛ a kolo-fannu. Anu si ma iko yi siginɛ sɛnɛ min kɔrɔ, anu ti nanparan-wo-nanparan sɔrɔn tun.

Yɛrɛmaya 31:14

Sarakɛ ti dasa saraka-masɔlɛnu bolo. Ala mɔgɛnu si fa fen-diyamɛnu na, ale Mari ye minnu dila anu ma, kɔni. Mari kan le kɛ la.

Yowɛli 2:26

Kɔnɔ a ko dɔn-fan ra si boroko-baraka wo gba ma, kurukurun ti a ban, tarali ti a ban. Wo si a ma, wo ni ale wota Mari Alla tanto. Ale ara kabana-koenu kɛ wo ye. Sibolo-gbɛrɛkɛ-mɔgɛnu ti anu yɛ layigi wola sole rɔ tun.

Yowɛli 3:18

Mari ko wo wati si a taran, kɔnkɛnu yamatogonnɛ ki-fannu na. I tara kɔnkɔ-wo-kɔnkɔ ma, i si kolo-fannu taran nyɔ, wo si minnu burun. Yi-worɔn min bɛɛsi ye Yuda nyamanɛ rɔ, wo bɛɛ la si fa yi la tɛf! Tenke do si bɔ Mari Bato-Bɔn la ka yigi lɛɛ do rɔ min tɔgɛ Akasiya lɛɛ.

Yɔni 1:14

Ale min keleta Kumɛ, wo mara mɔgɔni-fin la. A sigira ma tɛma. Ma ya ala gbiliyɛ yen. A fanɛ hinɛ anubɛ tonyɛ la. Gbiliyɛ wo, Allatalata Den kelen pe le ale la min kɛ, a ya wo sɔrɔn a Fa bolo.

Yɔni 3:16

Alla le ya duninya keni ha a ya ala den-kei kelen pe ni. Mɔgɔ-wo-mɔgɔ wa dɛnkɛninya a ma, wo ti halaki fɔ ka habadan-nimayɛ sɔrɔn.

Romu 5:20

Nɛbi Musata tɔn-kitabu nara le alako mala ko-yogomɛnu si bɔ gbɛ rɔ nya min. Kɔnɔ hakɛ warata nya min, Allata hinɛ fanan warata ka tenbi wo la!

Romu 5:8

Ma di Alla ye nya min, a ara wo yira ma la bawo ma ye hakɛ-tigiyɛ la wati min, Allata-Mɔgɔ-Yabɔnɛ fagara ma ye.