Sakaraya 9:16 - ALLALA KUMƐ

¹⁶ Wo tele nyɛrɛ wa na, Mari wota Alla si wole, ala mɔgɛnu nakisi iko saga-fɛ-biralɛ si ala sagɛnu nakisi nya min. Wo si malan ata nyamanɛ kuma iko kuru-da-gbɛlɛmɛnu.

Sakaraya 9:16 ပူးပေါင်းရင်းမြစ်များ

Yaburi 100:3

Bɛɛ ni a lɔn wo ma ko Mari le Alla la. Ale le kelen pe ya ma dan, ado a halalɛ le male la. Ata mɔgɛ le male la, ado ma ye ata saga-wɔrɛ rɔ.

Bɔ-Koe-Iyipiti 28:21

Wo ni kuri wonu sigi iko Isirɛla bɔnsɔn tan-ni-filɛ tɔgɛ ye nya min. Bɔnsɔn tan-ni-filɛ kelen-kelennamɛ-bɛɛsi tɔgɛ ni sɛbɛ kuri kɛnu ma.

Bɔ-Koe-Iyipiti 28:9

“Wo ni kuru-da-gbɛlɛ fila bi minnu tɔgɛ ɔnikisi ka Isirɛla bɔnsɔn-mɔgɔ tan-ni-fila tɔgɛ sɛbɛ wonu ma.

Aiseya 40:10

Ma Tigi Mari ye nala maralɛ-kɛla sɛnbɛ la. A ara mɔgɛ min kunyɛ bɔ birɛ rɔ, a si na wonu na.

Aiseya 54:12

A si ila kan-tina-layan-bɛnu sɔ kuru-da-gbɛlɛnu na minnu wulennɛ pui! A ko a si i don-dɛnu nadan kuru-da-gbɛlɛnu na minnu silɛ ye tiila a ma iko tɛ. A si ila tarɛ sɔ kuru-da-gbɛlɛ-su bɛɛ la.

Aiseya 60:14

Mɔgɛ minnu bara i matanban nun, wonu si anu maburun i kɔrɔ. I sɔgɛ labɔnɛ minnu na, wonu si na anu sa i kin kɔrɔ. Wonu si i kele ko, “Marita So-Karantan.” Wonu si i kele fanan ko, “Isirɛlata Alla-sɛnimɛ warɛ,” Yerusalɛm, kɔni.

Aiseya 60:3

Sibolenu si na ita wan-takanɛ wo kɔrɔ. Mansɛnu si na ita banda-ka-da-kurɛ mafɛlɛn tinɛ.

Aiseya 62:3

Wole, ata mɔgɛnu si ma Mari kɔɛn rɔ iko mansaya-fula-hakikɛ.

Yɛrɛmaya 23:3

A ko ala mɔgɛ toe minnu tonɛ, a si wonu kundɛn ka bɔ nyamani-gbɛrɛnu tɔ, a ya anu nakɛ a rɔ kan min. A ko a si anu nana anu benbanuna nyamanɛ rɔ. Anu si yiri furr, ka nyamanɛ kɛ lafa pen!

Yɛrɛmaya 31:10

Wole nyamani-gbɛrɛkɛ-mɔgɛnu, wo ni wo tole masɔ Mari kan la. Wo ni kilayɛ kɛ lake yi-kɔgɔma-mɔgɛnu ma. Ale Mari ko a ara ata mɔgɛnu tanyɛnsɛn kɔnɔ a si anu kundɛn tun. A si anu fɛ-bira iko saga-kandannɛ si ala sagɛnu fɛ-bira nya min.

Yɛrɛmaya 31:11

A ko a ara Isirɛla mɔgɛnu kunka ka anu kunyɛ bɔ gbaran rɔ sibolo-fankalamɛ bolo.

Isikiyɛli 34:11

“Nde, i Tigi Mari ya a fɔ ko iko saga-fɛ-biralɛ si ala saga-tanyɛnsɛnnɛnu nadɛn nya min, nde nyɛrɛ si nna sagɛnu nyini ka anu fɛ-bira wo nya na le. Anu ta ara nyɛnsɛn kan tinɛ min bɛɛ rɔ kasara-tele ma, n si anu kundɛn ka bɔ nyɔnu tɔ.

Isikiyɛli 34:31

N Tigi Mari ko wole min bi ata sagayɛ la, ata mɔgɛ le wole la. Wole fananta Alla le ale la.

Maika 5:4

A si ata mɔgɛ kɛnu fɛ-bira iko saga-fɛ-biralɛ si ala sagɛnu fɛ-bira nya min. Mari nyɛrɛ si wo fanka-makawanɛ anubɛ gbiliyɛ di a ma ka wonu fɛ-bira. Ata mɔgɛ kɛnu si sigi lafɛrɛ rɔ ka taran anu diya bawo duninya-mɔgɛ bɛɛ si a lɔn ko mansa-makawanɛ le ale la.

Maika 7:14

I yandi Mari, i ni ma ila mɔgɔ-yabɔnɛ kɛnu ye iko saga-fɛ-biralɛ. Ma ye dugi min tɔ kaka, dugu-hakika ma wo la. I yandi Mari, a ma, ma ni ta ma sigi Basan nyamani-hakikɛ rɔ anubɛ Kaliyadi nyamanɛ iko ma benbanu ya a ma nya min wati-tenbinɛ.

Sɛfanaya 3:20

A ko wo wati ma fɛ-yan tun. Wola mɔgɛ min bɛɛsi ra ara nyɛnsɛn nun, a ko a si wo damasi kundɛn anu barɛ tun. A ko a si a ma, wo mankan ni ta wuu! A ko a si a ma, wo wara-koe ni ta yarɔ tun! Mari kan le kɛ la de!

Hegayi 2:23

Wo tele wa ke tumɛ min, nta wɔli-kɛlɛ Sarababulu si ma nta mansa-yabɔnɛ la. Ale le si ma wo kun-tigi la nde, Mari ya ale min yabɔ.” Wo kɔma, Nɛbi Hegayi ya Mari kuman-kan wo latenbi Isirɛla mɔgɛnu ma.

Sakaraya 10:6

Mari ko a si a ma, Yuda mɔgɛnu ta ni gbɛlɛya. A ko a si Isirɛla mɔgɛnu kunyɛ bɔ gbaran rɔ. A ko a si kinikini anu ma ka na anu na anu barɛ tun. A ko a si ma iko a ma anu kɔn tele-kelen-bɛrɛni! A ko anuta Mari Alla le ale la. Ale le si anu madiyali-kan lamɔɛn.

Sakaraya 8:23

Mari Sɛnbɛ-Bɛɛ-Tigi ko wo wati wa ke, sibolo-gbɛrɛ mɔgɔ tan si Yahudiya mɔgɔ kelen madiya ko, “Ma ye a fɛ ka ta i fɛ bawo ma ya a lamɔɛn ko Alla ye Isirɛla mɔgɛnu fɛ.”

Luka 12:32

“Wole, nna saga-kurun-nɛ, wo kana kilan bawo wo Fa fonde ara sa ka mansayɛ di wo ma.

Yɔni 10:27

Nna sagɛnu si anu tole masɔ n kan la. N ya anu lɔn, ado anu si bila n fɛ.