Sakaraya 9:14 - ALLALA KUMƐ

¹⁴ Mari si bɔ gbɛ rɔ wole, ala mɔgɛnu kuma. Ala kalabɛn mɛnsan si ta tiila a ma iko banda-nyin-masɔgɛ. Ma Tigi Mari si kɛlɛ-buri fɛ. A si na tiriya iko fɔnyɔ min bi yɛlɛla a ma.

Sakaraya 9:14 ပူးပေါင်းရင်းမြစ်များ

Yobu 37:9

Alla si a ma, fɔnyɔ ni bɔ a lamara tinɛ, kimɛ fanan ni bɔ a bɔ tinɛ.

Yaburi 18:14

Mari ya san-sɛran lakɛ n yogenu ma iko kalabɛn ka anu tanyɛnsɛn.

Yaburi 18:15

Mari nyɛɛra a yogenu ma tumɛ min ka anu makuma, ma ya kɔgɔ-yi dumɛ-kole anubɛ dugu-kurukɛ-tinɛ yen ma yɛ la.

Aiseya 18:3

Duninya mɔgɛ bɛɛ, wo ni wo yɛ lata. Falafalɛ min bi tamasereyɛ la, wo ni wo yɛ lakalan wo ma kɔnkɛnu kuma. Wo ni wo tole masɔ buru-fɛ-kan la.

Aiseya 21:1

Sarakanɛ le kɛ la Babilɔn wara-koe rɔ. Kasarɛ si na firifirila iko tɔnkɔlɔn ka bɔ nyamani-makilannɛ do rɔ.

Aiseya 27:13

Wo tele-nyɛrɛ wa ke, buru-kan si bɔ min bi mɔgɛnu takelela ka bɔ Asiriya anubɛ Iyipiti nyamanɛnu tɔ, kɛlɛ tara minnu na, kɔni. Anu si na Mari bato Yerusalɛm soe burɔ ata kɔnkɔ-sɛnimɛ kuma.

Aiseya 30:30

Mari si a ma, bɛɛ ni a nyɛrɛ kuman-kan-makilannɛ lamɔɛn. Bɛɛ si ata diminya-sɛnbɛ lɔn. A ta-mɛlɛn wo, a fɔn-digidigi-wa wo, a banda-kolo-wa wo, a gbɔrɔndɔ-yi wo, bɛɛ si wo yen a yɛ la.

Aiseya 31:5

Mari si to firifirila Yerusalɛm kuma ala mɔgɛnu kandan tinɛ iko kona ye firifirila ala dannu kuma nya min.

Aiseya 66:15

I ma Mari yen nala tɛ la a bolo? Marita kɛlɛ-dannu bi nala kirindi la anu bolo iko fɔn-digidigi-wɛ. A si a yogenu tɔrɔ ata fondo-bɔ-belebele la. A si anu tɔrɔ ta-mɛlan la.

Habakuku 3:11

Ila banda-nyin-masɔgɛ-mɛnsan tenbi tiila a ma, ado anu bi malan-malanna, wo kɔma, tele anubɛ karɛ tora sɔni anu gbɛ rɔ.

Habakuku 3:14

Anuna kɛlɛ-dannu nara ma kan ma tumɛ min iko fɔnyɔ ka ma ranyɛnsɛn, anu bara anu nyɛrɛ kɔrɔbi iko minnu bi bolo-kolɔnnu tɔrɔla dogɔn tɔ kɔnɔ ila banda-nyin-masɔgɛ donta anuna kɛlɛ-den-kunyɛ rɔ pirin!

Sakaraya 12:8

Wo wati wa ke, ale Mari si Yerusalɛm kɛnu nakanan. Hali minta ma gbɛlɛ, wo kole si gbɛlɛya iko Mansa Dawuda. A kegeyɛnu si sɔ kɛlɛ-dannu yarɔ iko ale Marita melika ye a mala nya min, Alla, kɔni.

Sakaraya 14:3

Wo kɔma, Mari si ta sibole kɛnu kɛlɛ iko a duruta a mala nya min nun.

Sakaraya 2:5

I ni a fɔ a ye fanan ko Mari nyɛrɛ ko ale si ma ta-belebele la soe wola foolɛ rɔ iko tarɛ, alako a ni a kandan. A ko ale nyɛrɛ anubɛ ata wan-takɛ si a mayigi nyɔ.”

Matiyu 24:31

Buru-wɛ si fɛ. N si nna melikanu nata duninya-tonko-nanɛ bɛɛ rɔ. Anu si nna mɔgɔ-yabɔnɛnu nadɛn ka bɔ duninya-tonko-nanɛ bɛɛ rɔ.

Matiyu 28:20

N bara anu karan koe min bɛɛ la, wo ni anu karan ko anu ni koe wo bɛɛ bira. Ado nfan, wo ni wo hɛnkili to kɛ ko, n si to wo fɛ tumɛ bɛɛ ha wati-laban.”

Romu 15:19

N ya tamaserenu anubɛ kabana-ko-sɛnbɛmɛnu kɛ Allata Ni-Sɛnimɛta sɛnbɛ fɛ. Woletɔ ka a dabira Yerusalɛm ha ka ta ke Ilirikim nyamanɛ rɔ, n bara tagama wo bɛɛ rɔ Kirasitita kibara-nyimɛ lake-koe la.

Hiburunu 2:4

Wo wati nyɛrɛ rɔ, Alla ya kabana-koe anubɛ kɛwɔli-sɛnbɛma-su-siyaman kɛ. A ya ata sereyɛ labɔ gbɛ rɔ kabana-koe wonu fɛ. A ya ata Ni-Sɛnimɛta kɔ-fannu fanan tafara iko a di a ye nya min.

Yasowa 10:42

Yasowa anubɛ ala kɛlɛ-dannu ya sɛnbɛ sɔrɔn kɛlɛ-wa-kelan wo rɔ bawo Isirɛlata Mari Alla ya kɛlɛ wo kɛ anu ye.

Lankɛnimayɛ 6:2

N ya so-gbɛ do yen. Min siginɛ a kuma, kalabɛn ye wo bolo. Alla ya mansaya-fulɛ di wo ma. A bɔra iko mɔgɛ min duruta nɔlɛ kɛla.