Sakaraya 8:23 - ALLALA KUMƐ

²³ Mari Sɛnbɛ-Bɛɛ-Tigi ko wo wati wa ke, sibolo-gbɛrɛ mɔgɔ tan si Yahudiya mɔgɔ kelen madiya ko, “Ma ye a fɛ ka ta i fɛ bawo ma ya a lamɔɛn ko Alla ye Isirɛla mɔgɛnu fɛ.”

Sakaraya 8:23 ပူးပေါင်းရင်းမြစ်များ

Ko-Dabirɛnu 31:41

San mogan kɛ mumɛ bɛɛ kɔrɔ, i ye a mala n na ka le. N wɔlita i ye san tan-ni-nani ila dunmusu filɛ kɛnuna ko la. N wɔlita i ye tun san wɔrɔ kɔrɔ alako n ni nta kolo-fen-sugi sɔrɔn. Hali wo, i tora n sarɛ mayigi-ni-yɛlɛ kɛla iko siyaman.

Ko-Dabirɛnu 31:7

Wo fa ara n yanfa ka to n sarɛ mayigi-ni-yɛlɛ kɛla iko siyaman. Kɔnɔ Alla ma sɔn wo fa ni ko ma n na.

2 Mansɛnu 2:6

Nɛbi Ilaya ya a fɔ Nɛbi Ilaisa ye tun ko, “To yan, Mari wara n nata Yorodan bɛ fɛ.” Kɔnɔ a ko, “N bara n keli wobɛ Mari-nimɛ ye, n ti to yan!” Wo le mara anuna tɛ la.

1 Ko-Kɔrɔta-Karan 12:18

Tiriyɛ wo rɔ, Marita sɛnbɛ yigira Amasayi kuma. Wo ya a fɔ ko, “Yɛsila den Dawuda, ile halalɛ le male la. Alamɛ wobɛ i dɛnbɛnɛnu wara-koe tara yarɔ, ado Alla ye i fɛ.” Dawuda ya anu sɛnibɔ ka anu ma ata kɛlɛ-den-kunyɛnu na. Min kolo wo ko, tɔ-a-la, ale Amasayi mara mɔgɔ bi-sawɛ kun-tigi la.

2 Ko-Kɔrɔta-Karan 15:9

Mɔgɔ-siyaman bɔra Ifɛrɛm bɔnsɔn-nyamanɛ anubɛ Manasa bɔnsɔn-nyamanɛ anubɛ Simiyɔn bɔnsɔn-nyamanɛ rɔ ka ta anu sigi Mansa Esa wara nyamanɛ rɔ bawo anu bara a yen ko Mari ye a fɛ. Mansa Esa ya mɔgɛ kɛnu kundɛn anubɛ Bɛnyamɛ anubɛ Yuda bɔnsɔn nyamanita-mɔgɛnu.

Ɛsita 8:17

Anu ya mansɛla kɛdi kɛ karan kan tinɛ min bɛɛ rɔ, Yahudiyanu ya tolon-belebele-wɛ ladan ka ladiyɛ kɛ nyɔnu tɔ. Mɔgɔ-siyaman ya anu sibole yɛlɛma ka ma Yahudiya la bawo bɛɛ ara fɔlɔ kilanna Yahudiyanu na.

Yobu 19:3

Tuma-wo-tuma, wo ye n mɔɛnna. Wo ti miliya n mɔɛn tinɛ lefan!

Makawandili Kumɛnu 11:2

I ni ila wodi lamara kan-tina-siyaman tɔ bawo i ma a lɔn kasarɛ ye bɔla kan bara la.

Aiseya 3:6

Wati ye nala, kebilɛ do si a fɔ anu kebila-nyɔgɛ do ma ko, “Fɛrɛya-bɔɛ ye i bolo min kɛ, a bɛnta, ile ni ma mala mansɛ la yakɔrɔ-mamɔ-wati kɛ kɔrɔ.”

Aiseya 4:1

Wo wati wa ke, musu wɔrɔnfila si kei kelan bi. Anu si a fɔ ko, “Ma si ke ma nyɛrɛ dunɛ la le kɔnɔ a di ma ye ma ni sigi i tɔgɛ rɔ alako ma kana to ma furubɛlɛ la.”

Aiseya 45:14

Mari ye a fɔla Isirɛla ye ko, “Iyipiti anubɛ Itiyopiya fen-kolomɛnu si ma wole Isirɛla halalɛ la. Sabiya kemini-ferengben-bɛnu si ma wola yɔɔnnu na. Anu kirinɛ si bila wo fɛ yɔlɔkɛ la. Anu si anu du wo ye ka a fɔ anu dɛ la ko, ‘Alla ye wo fɛ. Ale le kelen pe ye Alla la.’ ”

Aiseya 45:24

Minnu ba na, wonu si a fɔ ko nɔlɛ anubɛ sɛnbɛ ye ale Mari kelen pe le bolo. A ko ale Mari wa gboya minnu ye, wonu si tɔrɔ yarabiyi bolo.

Aiseya 55:5

Wo ma sibole minnu lɔn kɔrɔma la, wo si wonu kele kan-tina-kelen, ado sibole minnu ma wo lɔn, wonu burimatoe si na wo wara. Kɛ damasi si ma bawo wole Isirɛlata Mari Alla-sɛnimɛ le wara gbiliyɛ di wo ma.

Aiseya 60:14

Mɔgɛ minnu bara i matanban nun, wonu si anu maburun i kɔrɔ. I sɔgɛ labɔnɛ minnu na, wonu si na anu sa i kin kɔrɔ. Wonu si i kele ko, “Marita So-Karantan.” Wonu si i kele fanan ko, “Isirɛlata Alla-sɛnimɛ warɛ,” Yerusalɛm, kɔni.

Aiseya 60:3

Sibolenu si na ita wan-takanɛ wo kɔrɔ. Mansɛnu si na ita banda-ka-da-kurɛ mafɛlɛn tinɛ.

Aiseya 66:18

Mari ko a ya anu miriya-yoge anubɛ anu kɛ-nya-yoge lɔn. Woletɔ a ko a ye nala anu tɔrɔla. A si kan-siyamɛ-mɔgɛnu nadɛn kan-tina-kelen ala gbiliyɛ yen-koe la.

Maika 5:5

Ata mansayɛ si yisi-kimɛ lana Isirɛla mɔgɛnu tɛma. Asiriya kɛnu ba na bui mala nyamanɛ kɛ ma tumɛ min ka mala soenu tarɛ-dɛ keri, ma si mala kɛlɛ-kurugbɛnu nata anu kɛlɛ tinɛ.

Sɛfanaya 3:19

A ko a na-wati ma fɛ-yan tun. A ko minnu bara wo rasɛ nun, a si wonu tɔrɔ. Fɛɛ ye minnu kian la, a ko a si wonu nakanan. Kɛlɛ tara min damasi la, a ko a si na wonu damasi la tun. A ko a si anuna miliyɛ yɛlɛma anu ye gbiliyɛ la. Duninya mumɛ bɛɛ si anu gbiliya.

Yilan-Yilan Koe 14:22

nba, anu do-wo-do ti don Kenan nyamanɛ rɔ. Anu damasi ya nna ta-waan wo yen serr! Anu ya kabana-ko-siyaman yen n ya min ma Iyipiti anubɛ n ya min ma wula-da-rakolɔn rɔ. Anu ya a yen, n ya n munyu anu kɔrɔ iko siyaman. Hali wo, anu ma sɔn ka nta kumɛ bira.

Luka 8:44

A nara nyama tɛma Yisa kɔma ka a bole tugu Yisala duruku-da-gbole la. Ala kirayɛ ya a boloka tiriya!

Kɛwɔlɛnu 19:12

Hali ala pɔkitanɛnu anubɛ ala wɔli-kɛ-durukinu, anu ba ta wonu na kirayatoenu ma, anu si kɛndɛya. Nyina-yogenu si bɔ anu fɛ.

1 Kɔrɛnti 14:25

A si a sɔ ala ko-dogonnɛnu na. Wo kɔma, a si a nyɛnkin ka Alla bato ka a sɔ a la ko, “Tonyɛ le, Alla ye wo tɛma yan!”

Yasowa 8:35

Yasowa ya tɔn wo bɛɛ karan min sɛbɛnɛ Musa bolo mɔgɛ bɛɛ yala, hali musinu anubɛ dennɛnu anubɛ anuna sundan minnu bi anu tɛma.