Sakaraya 8:22 - ALLALA KUMƐ

²² Mari ko fanka ye sibolo-gbɛrɛ minnu na, wo siyaman si na a bato tinɛ Yerusalɛm soe burɔ ka a manyinika ata duwɛ wara-koe la.

Sakaraya 8:22 ပူးပေါင်းရင်းမြစ်များ

Yaburi 68:30

I ni Iyipiti makuma min nyɛɛnɛ iko yi-mɛlɛ tenbi sɔnfɔn-kurinu tɛma. I ni sibole doinu makuma minnu nyɛɛnɛ iko turɛnu bi mɔgɛnu tɛma nya min. Anu makuma ha anu ni anu sa i kɔrɔ ka wodi-gbɛ ma anu madiyali-kɛ-fan la. Kɛlɛ di minnu ye, i ni wonu tanyɛnsɛn.

Aiseya 2:2

“Wati si na, Marita Bon-Sɛnimɛ sɔnɛ kɔnkɛ min kuma kɛ la, wo si ma kɔnkɔ-layan-bɛ la ka tenbi kɔnkɛ bɛɛsi la mɔgɛ bɛɛ yala. Sibolo-gbɛrɛ bɛɛ si na ke nyɔ.

Aiseya 2:3

Anu si na a fɔ ko, ‘Ma ni Marita kɔnkɛ yɛlɛ wona ka ta ke Marita Bon-Sɛnimɛ ma, Isirɛla mɔgɛnuta Alla, kɔni. Ma si tagama nya min, Mari si wo yira ma la iko a ye nyinina a ma nya min. Marita karan si bɔ Yerusalɛm. A si kuma ata mɔgɛnu ye nyɔ le.’

Aiseya 25:7

Anu tenbi nyɔ, Mari si yisi-magboyɛ bɔ anu ya-denkɛ rɔ iko banda-finyɛ wa bɔ tele ya ma.

Aiseya 49:22

Ma Tigi Mari ya a fɔ male ata mɔgɛnu ye ko a wa a kɔɛn keri sibolo-gbɛrɛnu ye tumɛ min, wonu si na anuna dannu na i ma tun.

Aiseya 49:6

Mari ara a fɔ n ye ko, wɔli-belebele ye nde, ata wɔli-kɛlɛla ko la. Isirɛla mɔgɛ toe minnu tonɛ, a si wonu nasɛgi anuta gbiliyɛ rɔ kɔnɔ min kolo wo ko, a ko anu si ma waan la sibolenu ye alako duninya mumɛ la ni kisi.

Aiseya 55:5

Wo ma sibole minnu lɔn kɔrɔma la, wo si wonu kele kan-tina-kelen, ado sibole minnu ma wo lɔn, wonu burimatoe si na wo wara. Kɛ damasi si ma bawo wole Isirɛlata Mari Alla-sɛnimɛ le wara gbiliyɛ di wo ma.

Aiseya 66:23

Bɛɛ si na Mari bato tinɛ. Anu si to nala a batola Karɛ-Kurɛ-Ladɛn kuma anubɛ Sulen-Tele bɛɛ ma.

Yɛrɛmaya 4:2

Ni wo ya wo keli Mari kelan rɔ, wo kɔma ka lanyiri wo kanbali, sibole bɛɛ si duwɛ sɔrɔn wo lela ko la, ado anu si to ale Mari matɔgɔla ala ko-ladannɛnuna ko la.

Maika 4:2

Anu si a fɔ ko, ‘Ma ni Marita kɔnkɛ yɛlɛ wona ka ta ke Marita Bon-Sɛnimɛ ma, Isirɛla mɔgɛnuta Alla, kɔni.’ Anu si a fɔ fanan ko, ‘Ma si tagama nya min, Mari si wo yira ma la iko a ye nyinina a ma nya min.’ Anu si a fɔ tun ko, ‘Marita karan si bɔ Yerusalɛm, a si ata mɔgɛnu karan kan min.’

Maika 4:3

“Mari si kɛlɛ-nyɔgɔnyɛ ban duninya-mɔgɛnuna kun-tiginu tɛma. Mari si yisi-kimɛ lana anu tɛma ha anu si anuna faannu yɛlɛma sɛni-kɛ-dɛɛnu na. Anu si anuna tanbɛnu yɛlɛma wɔrɔtɛnu na. Woletɔ duninya-mɔgɛnu ti anu tabɛn kɛlɛ-kɛ-koe ma anu nyɔgɔn kan ma tun!

Hegayi 2:7

A si duninya-mɔgɛnu tamaga ka anuna fen-kolomɛnu nana Bato-Bɔn kɛ la. Ata gbiliyɛ si taran nyɔ.

Sakaraya 14:16

Sibolo-gbɛrɛ-toe minnu bi tola anu niyi la, san-bo-san, wonu si ta Yerusalɛm Mari Sɛnbɛ-Bɛɛ-Tigi bato-tinɛ ka a gbiliya iko mansɛ. Anu si Lele-Sɔɛ-Ladɛn kɛ anu nyɔgɔn fɛ.

Sakaraya 8:21

Soe doinu si a fɔ soe doinu ye ko, “Ma ye tala Mari Sɛnbɛ-Bɛɛ-Tigi bato-tinɛ ka a manyinika duwɛ wara-koe la. Ma ta ma nyɔgɔn fɛ.”

Kalesiya 3:8

Allala kitabu ya a labɔ gbɛ rɔ ma ye bi ma, ko Alla si sibolo-gbɛrɛnu fanan natelen a nyɛrɛ ye dɛnkɛninyɛ fɛ. Wo le ya a ma, Alla ya kibara-nyimɛ wo fɔ Iburayima ye. A sɛbɛnɛ ko Alla si ata duwɛ kɛ duninya-mɔgɛ bɛɛ ye Iburayima baraka rɔ.

Lankɛnimayɛ 15:4

Mari, yon ti kilan i la? Yon si a ban ila gbiliya-fɔ-koe ma? Ado nfan, i kelen pe le sɛnima. Sibole bɛɛ si na ka batolɛ kɛ i yakɔrɔ bawo mɔgɛ bɛɛ ara ila telenbagaya-kɛwɔlɛnu tayen.”

Lankɛnimayɛ 21:24

Sibolenu si tagama ata waan rɔ. Duninya-mansɛnu si na a sanba ka bɔ anuta nɔnfulinu tɔ.