Sakaraya 8:13 - ALLALA KUMƐ

¹³ A ko fɔlɔ nun, sibolo-gbɛrɛnu kɛnɛna anu nyɔgɔn dankala ko, “Alamɛ i kasarata iko Yuda anubɛ Isirɛla nyamanɛ kasaranɛ nya min.” Kɔnɔ a ko ale si wo kisi wo ma. Wo kɔma, ale sibolo-gbɛrɛ kelan wonu si duwa anu nyɔgɔn ye ko, “Alamɛ wo sabatira iko Yuda anubɛ Isirɛla sabatinɛ nya min.” Woletɔ wo ni wo kerinteya. Wo kana kilan.

Sakaraya 8:13 ပူးပေါင်းရင်းမြစ်များ

Yaburi 44:16

bawo ma gboyanɛ ma yoge minnu ye, wonu bi ma manyinina ka yɛlɛn ma ma.

Yaburi 72:17

I ni a ma, mansɛ tɔgɛ kana tunu mumɛ! I ni a ma, a mankan ni to warala iko tele. Alamɛ sibole bɛɛ ya Alla madiya ko a ni ata duwɛ layigi anu kuma iko a ya duwɛ di mansɛ wo ma nya min. I ni a ma, anu ni to Alla matarala alako mansɛ wo sewanɛ ni to.

Yaburi 79:4

Sibolo-gbɛrɛ minnu bi mala foolɛ rɔ, wonu bi ma mɔɛnna. Anu bi yɛlɛnna ma ma ka ma manyini.

Aiseya 43:28

Mala mɔgɔ-banu ya a bato tinɛ latinya. Ka a tɛgɛ koe wonu ma, a ya kasarɛ lana male Isirɛla mɔgɛnu kuma. A ya a ma, male ala mɔgɛnu tora yarabiyi rɔ.

Yɛrɛmaya 24:9

A ko a ye kasarɛ min sigila wo ma, wo si a ma, duninya mumɛ bɛɛ ni kilan. Mɔgɛnu si wo mayɛlɛn. Anu si wo ma yɛlɛnma-fan la. Anu si wo tɔgɛ ma dankali-kɛ-fan la.

Yɛrɛmaya 25:18

N ya do di wole, Yerusalɛm kɛnu ma anubɛ Yuda nyamanita-mɔgɛ toenu, a mansa wo, a mɔgɔ-ba wo. N ya wo ma le alako yan kasaranɛ ni to. Mɔgɛnu ba anu tinya-bole mafɛlɛn, anu kuma si tɛgɛ. Wo si a ma, mɔgɛnu ni anu mamɔɛn ka anu tɔgɛ ratɛgɛ dankali-kɛ-tinɛ, ado a ye wo nya na le ha bi.

Yɛrɛmaya 26:6

Ni wo tora murutiyɛ kɛ kun na, a ko a ya ala Fani-Bɔn tinya Sailo soe burɔ nya min nun, a ye a Bato-Bɔn fanan tinyana wo nya na le, ado duninya-mɔgɛ bɛɛ si Yerusalɛm soe tɔgɔ ratɛgɛ dankali-kɛ-tinɛ.

Yɛrɛmaya 29:18

A ko a si kɛlɛ anubɛ kɔnkɛ anubɛ kirayɛ ma anu gben-fan la, ado sibolo-gbɛrɛnu ba anu yen tumɛ min, anu kuma si tɛgɛ wao! Mɔgɛnu si anu manyini ka anu tɔgɛ ma dankali-kɛ-fan la.

Yɛrɛmaya 33:24

mɔgɛnu bi a fɔla ko ale Mari ara Isirɛla anubɛ Yuda min yabɔ, a ara wonu boloka. A ya nde, Yɛrɛmaya manyinika ni n ya wo lamɔɛn de! Woletɔ a ko mɔgɛnu yigi-tɛgɛnɛ ala mɔgɛnu na. Anu ma anu miri anu ma bɔnsɔn la lefan!

Yɛrɛmaya 42:18

“Mari Isirɛlata Alla ko iko a fonde bɔra Yerusalɛm kɛnu kuma nya min, ni wo tara Iyipiti nyamanɛ rɔ, a fonde ye bɔla wo kan ma wo nya na le. A ko min ba wo yen, wo kuma si tɛgɛ. Mɔgɛnu si wo bira boloko-yogomɛ-kɛ ka wo tɔgɛ ma dankali-kɛ-fan la. A ko wo ti kan-tinɛ kɛ yen tun!

Yɛrɛmaya 44:12

Wole Yuda mɔgɛ toe minnu bara Iyipiti sigi-koe latɛgɛ, a ko fɔ a wa a yen, wo damasi ara kasara. A kina wo, a denni wo, wo kunyɛ si to kɛlɛ anubɛ kɔnkɛ bolo Iyipiti nyamanɛ rɔ yan. Mɔgɛnu ba wo yen tumɛ min, anu si anu bole sa anu dɛ la ka kawa. Mɔgɛnu si wo mayɛlɛn ka wo tɔgɛ ma dankali-kɛ-fan la.

Yɛrɛmaya 44:22

Bi, wola nyamanɛ ye tonbonyɛ le la gbɛ! Mɔgɔ sigini sa a rɔ. Mɔgɛnu ba nyɔ yen, anu si anu bole sa anu dɛ la ka kawa. Anu si wo tɔgɛ ma dankali-kɛ-fan la bawo Mari ti ke a munyuna wola karagbɛlɛya-koe kɛnu kɔrɔ muk!

Nimisa Koe 4:15

Mɔgɛnu bi anu masɛgila anu na. Anu bi a fɔla ko, “Wo kɔsɔnɛ. Wo kana tugu ma la.” Woletɔ anu ya anu bɔ Yerusalɛm soe burɔ ka to yilan-yilanna sibolo-gbɛrɛnu tɛma minnu fanan ya a fɔ ko, “Wo ni wo bɔ mala nyamanɛ rɔ.”

Isikiyɛli 34:26

“N si duwa anu ye, ado anu si taran nna kɔnkɔ-sɛnimɛla foolɛ rɔ. Anu makoe wa bila bandɛ la tuma-wo-tuma, n si bandɛ lana anu ye.

Isikiyɛli 37:11

Wo bɛɛ kanɛ a la, Alla ya a fɔ n ye ko, “Ile hadama-dan, Isirɛla mɔgɛ bɛɛ mani de iko kole wonu. Anu bi a fɔla ko anu bara gbala, ado yigi-wo-yigi sa anu bolo tun. Anu na ara to dogbe!

Isikiyɛli 5:15

“Nde, Mari wa diminya wo ma ka wo tɔrɔ, sibolo-gbɛrɛ minnu bi wola foolɛ rɔ, wonu kun ma si kɔ. Anu si nyima wo rɔ ka wo rasɛ.

Daniyɛli 9:11

Male Isirɛla mɔgɛ bɛɛsi ya ila tɔnnu tinya. Anu ma sɔn ila kumɛ birala mumɛ! Ma ara hakɛ kɛ i la, woletɔ ita wɔli-kɛla Nɛbi Musa ya dankɛ minnu sɛbɛ ata buku rɔ, ile le ya a ma, dankɛ wonu ya ma dama bira.

Maika 5:7

Isirɛla mɔgɛ toe minnu bi tola, wonu si bui ma yogenu ma tiriya iko bandɛ si bui dugi ma nya min bawo wo tungu sigini ma mɔgɛ la fɔ Mari.

Sɛfanaya 3:16

Wo wati ye nala, mɔgɛnu si a fɔ Yerusalɛm kɛnu ye ko, “Wole Yerusalɛm kɛnu, wo kana kilan yisi-tinya bolo.”

Sɛfanaya 3:20

A ko wo wati ma fɛ-yan tun. Wola mɔgɛ min bɛɛsi ra ara nyɛnsɛn nun, a ko a si wo damasi kundɛn anu barɛ tun. A ko a si a ma, wo mankan ni ta wuu! A ko a si a ma, wo wara-koe ni ta yarɔ tun! Mari kan le kɛ la de!

Hegayi 2:19

Wo ma a yen? Dɔn-fen sa wo bolo. Hali wola nɔnbɔ-kurinu anubɛ wola toro-kurinu anubɛ wola ɔlifi-kurinu sa gbɔla. Kɔnɔ ka a dabira kaka ma, Mari si ata duwɛ layigi wo kuma.”

Hegayi 2:5

Wo bɔra Iyipiti tumɛ min, n ya a fɔ ko n bi wo fɛ, ado n bi wo fɛ wo nya na le fanan, yɔ! N ti bɔ wo fɛ. Wo kana kilan.”

Sakaraya 1:19

Ale melika min bi ko-rayirɛ kɛ kɔrɛ yirala n na, n ya wo manyinika tun, n ko, “Kere kɛnu kɔrɛ ye kama wo?” Ale ko, “Wonu denu bi duninya-fanka-tiginu tamasereyɛ la min bara a ma, Yuda anubɛ Isirɛla nyamanita-mɔgɛnu anubɛ Yerusalɛm so-burɔ-mɔgɛnu ta ara nyɛnsɛn.”

Sakaraya 14:11

Mɔgɛnu si sigi lafɛrɛ rɔ Yerusalɛm soe burɔ. Yerusalɛm kasara-ko-kuma fenfen ti taran mɔgɛnu da rɔ tun.

Sakaraya 8:15

Kɔnɔ a ko kaka, wo kana kilan bawo wo miriyɛ ye a bolo ka duwa Yerusalɛm anubɛ Yuda kɛnu ye.

Sakaraya 8:9

Mari Sɛnbɛ-Bɛɛ-Tigi ko wa wo kerinteya. Nɛbinu ya kumɛ minnu fɔ Bato-Bɔn kurukɛ wati rɔ nun a kurɛ la, wo ye kuma kelan wo le lamɔɛnna kaka.

Sakaraya 9:13

A ko a si wole Yuda mɔgɛnu ma ata kalɛ la. A ko wole Isirɛla mɔgɛnu si ma kalɛ wo bɛn la. A ko a si wole Yerusalɛm mɔgɛnu nawɔli ka wo ma kɛlɛ-den-kɛndɛ la Kirikinu kan ma.

1 Kɔrɛnti 16:13

Wo ni wo ya lakalan ka wo sɔ dɛnkɛninyɛ rɔ yiri! Wo ni wo kerinteya ka wo sɛnbɛ don.

Kalesiya 3:14

Wo bɛɛ mara le alako male fanan ni Allata Ni-Sɛnimɛ sɔrɔn dɛnkɛninyɛ fɛ iko Alla ya lanyiri kiri ma ye nya min nun. Alla ya lanyiri min kiri Iburayima ye, sibolo-gbɛrɛnu fanan ni lanyiri kelan wo sɔrɔn ka a tɛgɛ Yisa Kirasiti ya min ma ma ye.

Tɔn-Fɔɛ-Fila-Nyɔgɛ 26:19

A si sɛnbɛ di wole Isirɛla bɔnsɔn ma. A si a ma, wole Isirɛla bɔnsɔn si tɔgɔ-nyimɛ sɔrɔn duninya ma ka matɔgɔlɛ anubɛ gbiliyɛ di wo ma ka tenbi bɔnsɔn doinu na. A si wo ma mɔgɔ-sɛnimɛnu na ka wo ma a halala-mɔgɛnu na iko a ara lanyiri kiri wo ye nya min.”

Tɔn-Fɔɛ-Fila-Nyɔgɛ 28:37

Ni nyɔ-mɔgɛnu ya wo tɔrɔ-nya yen, anu ti sisi wo mafɛlɛnna. Anu si wo manyini ka wo lafɛya bɛrɛkɛ!