Sakaraya 8:12 - ALLALA KUMƐ

¹² A ko wo si wola fui-fannu fui wo fanbolo. A ko wola ki-fannu si nanfa kubukubu! Wola dugi si nɔrɔn ki-fannu kɔrɔ, ado bandɛ si na! A ko a si duwɛ kɛnu di wole, ata mɔgɛnu ma minnu tonɛ gbɛ!

Sakaraya 8:12 ပူးပေါင်းရင်းမြစ်များ

Ko-Dabirɛnu 26:12

San wo la, Isiyaka ya sɛnɛ sa nyɔ. A ya sugi min nyɔgɔn fui, Marita duwɛ yigira a kuma. A ya wo nyɔgɔn kɛmɛ sɔrɔn.

Ko-Dabirɛnu 27:28

“I wa ila sɛnɛ sa kan-bo-kan, alamɛ duri tora yigila a kuma ka a sabati. Alamɛ Alla ya ila fui-fannu anubɛ ila nɔnbɔ-gbɔɛnu nasabati.

1 Mansɛnu 17:1

Nɛbi do bɔra Tisiba soe burɔ Kaliyadi nyamanɛ rɔ. A tɔgɛ le Ilaya. Nɛbi wo tara a fɔ Mansa Ehabu ye ko, “N bi Isirɛlata Mari Alla-nimɛ min batola, n bara n keli wo tɔgɔ rɔ ko duri ti yigi, bandɛ ti na san-dande kɛ kɔrɔ Isirɛla nyamanɛ kɛ rɔ yan fɔ nde, Ilaya wa a fɔ ko bandɛ ni na.”

Yaburi 72:3

Alamɛ ala nyamanɛ sabatira. Alamɛ ala mɔgɛnu mara mɔgɔ-latelennɛnu na.

Yaburi 85:12

Mari si ma lasabati, ado mala duginu si nɔrɔn ki-fannu kɔrɔ.

Hɛnkilimaya-Kumɛnu 19:12

Ni mansɛ diminyara i ma, wo mani de iko yarɛ tenbi bɔrɔndɔ-bɔrɔndɔla kɔnɔ ni a sewara i la, wo mani de i ye iko banda-kun-fɔlɛ.

Aiseya 30:23

Kɔnɔ wo wa wola fui-fannu fui tumɛ wo rɔ, Mari si bandɛ lana alako anu ni nanfa kubukubu! Binyɛ si boroko-baraka wola kolo-fannu ye.

Aiseya 61:7

Wola miliyɛ si a laban wo bolo fen-tigiya-wa-belebele ma. Fen-tigiyɛ wo si a ma, wo ni sewa-belebele-wɛ kɛ. Mari si wola nyamanɛ kɛ nyɔgɔn fila di wo ma tun. Tɛtɛgɛ-wo-tɛtɛgɛ ti taran wola sewɛ la muk!

Yɛrɛmaya 31:12

Isirɛla mɔgɛnu si sewa-sigi sa Yerusalɛm kɔnkɔ-sɛnimɛ kuma. Anu sewanɛ bawo Mari ara anu kɔ, a fui-fen wo, a nɔnbɔ-gbɔ-yi wo, a ɔlifi-tulu wo, anubɛ a kolo-fannu. Anu si ma iko yi siginɛ sɛnɛ min kɔrɔ, anu ti nanparan-wo-nanparan sɔrɔn tun.

Isikiyɛli 34:28

Sibole minnu ma nde, Alla lɔn, wonu ti anu kankan wo rɔ tun, ado sogo-nyɛɛnɛnu ti anu faga tun ka anu dɔn. Anu si to lafɛrɛ rɔ. Mɔgɔ-wo-mɔgɔ ti anu kumakɔ.

Isikiyɛli 36:12

N si nta Isirɛla mɔgɛnu nasɛgi anuna nyamanɛ rɔ tun. A si ma anu halalɛ la, ado n ti sɔn anuna dannu ni kɔnkɔ tun!

Isikiyɛli 36:30

N si a ma, anuna sɛnita-fannu anubɛ anuna ki-fannu ni sabati alako anu kana na yarabi sibole doi wonu yala kɔnkɔ-fitinɛ bolo.

Isikiyɛli 36:9

N bi anu fɛ, yɔ! N si a ma, anuna dugi ra ni sin tun ka suginu fui anu tɔ.

Hoseya 13:3

Ka a tɛgɛ wo ma, anu si tunu yen, iko duri. Anu si ma iko fɔrɔn, fɔnyɔ ye tala min na. Anu mani de iko ta-sisi min bi bɔla nyandan-bɔn kuma.

Hoseya 14:5

N si diya wole, Isirɛla mɔgɛnu ye iko bandɛ wa kɛ dugu-gbalanɛ ma. Wo si ma iko kɔlɔma min bara fere bɛrɛkɛ! Wo si banban iko Lɛbanan kɔlɔma min suli yiginɛ pon!

Yowɛli 2:19

Wo kɔma, Mari si a fɔ wo ye ko a si dɔn-fan anubɛ minni-fan anubɛ tuli di wo ma min si na wo wasa. Wo si a ma, sibolo-gbɛrɛ doinu ti wo ma yɛlɛnma-fan la tun.

Yowɛli 2:22

Mari si a fɔ kolo-fannu ye ko, “Wo kana kilan. Bin-fɛrɛntoe le dugi ma. Kɔlɔmanu si gbɔ. Ki-fannu si gbɔ tisikiri!”

Saraka-Masɔlɛnuta Tɔnnu 26:3

“Ni wo ya nna tɔn damasi bira a kila-bɛrɛbɛrɛ fɛ, n ti bandan ko-nyimɛ kɛla wo ye.

Sɛfanaya 3:13

Wole Isirɛla mɔgɛ toe minnu bi tola wo niyi la yan tɔ, wo ti ko-yogoma ma mɔgɛ la, wo ti foninya fɔ, ado wo ti yanfa don. Wo si sigi yisi-kimɛ rɔ. Mɔgɔ-wo-mɔgɔ ti wo maban.

Hegayi 1:10

Woletɔ bandɛ sa nala. Fenfen ti sabati a kilɛ fɛ!

Hegayi 2:18

Wo ara ban Marita Bato-Bɔn kurunna bi. Ka a dabira bi karɛ kɔnɔntɛ tele mogan-ni-nanɛ kɛ ma, wo si a dan-nafarɛ yen. Wo ni wo miri bi tele ma.

Hegayi 2:19

Wo ma a yen? Dɔn-fen sa wo bolo. Hali wola nɔnbɔ-kurinu anubɛ wola toro-kurinu anubɛ wola ɔlifi-kurinu sa gbɔla. Kɔnɔ ka a dabira kaka ma, Mari si ata duwɛ layigi wo kuma.”

Sakaraya 8:6

Ale Mari Sɛnbɛ-Bɛɛ-Tigi ko wole, Isirɛla mɔgɛ toe min tonɛ, wo si wo miri ko, ko le min ti ke mala kɔnɔ ko-wo-ko sa nyɔ ale Mari si kuri min ma.

Malakayi 3:11

A ko a ti sɔn tunbinu ni wola ki-fannu tinya. Wola ki-fannu si gbɔ tisikiri!

Matiyu 6:33

Wo ni Allala mansayɛ anubɛ ata telenbagayɛ fɔlɔn nyini. Wo kɔma, ale ni na to fan kɛ bɛɛ dila wo ma.

1 Kɔrɛnti 3:21

Woletɔ mɔgɔ-wo-mɔgɔ kana a nyɛrɛ wasi ko a ye kun-tigi do le fɛ bawo wotɛ le fan damasi la.

Tɔn-Fɔɛ-Fila-Nyɔgɛ 32:2

Nta karan si bui iko banda-yi. A si sigi mɔgɔ yisi rɔ iko kunbi si sigi binyɛ la nya min. Nta kumɛ si na iko banda-tɔnɔnamɛ. Nta kumɛ manɛ le iko bandɛ min si ki-fan-yi sa a rɔ.

Tɔn-Fɔɛ-Fila-Nyɔgɛ 33:13

Musa duwara Yusufula den-kemini filɛ wonu bɔnsɔn-mɔgɛnu ye ko, “Alamɛ Mari ya banda-siyaman nana wola dugi rɔ biribiri! Alamɛ Mari ya a ma, wola kɔlɔnnu anubɛ wola tenkenu kana gbala mumɛ!

Tɔn-Fɔɛ-Fila-Nyɔgɛ 33:28

Wole Yakoba kegeyɛnu, wo si to yisi-kimɛ rɔ. Wo sigi-bole ra si bɛn wo ma lanyiri-nyamanɛ wo rɔ. Fenfen ti ban wo bolo. Wo si dɔn-fen siyaman sɔrɔn. Duri si to yigila wola ki-fannu kuma tuma-wo-tuma.

Yemesi 3:18

Nyimayɛ ye tɔnɛ min nabɔla, kɛlɛ-makimalɛnu denu ya wo ki. Tɔ-a-la, yisi-kimɛ si tɛgɛ nyɔ.