Sakaraya 7:5 - ALLALA KUMƐ

⁵ A ko n ni a fɔ saraka-masɔlɛnu anubɛ mɔgɛ bɛɛ ye ko anu ya sunyɛ don min kɛ ka di a karɛ loli nyɔgɛ anubɛ a karɛ wɔrɔnfila nyɔgɛ ma san bi-wɔrɔnfilɛ kɛ kɔrɔ, anu ma wo kɛ ale Mari ye.

Sakaraya 7:5 ပူးပေါင်းရင်းမြစ်များ

2 Mansɛnu 25:23

Kɛlɛ-den-kunyɛ anubɛ kɛlɛ-dan minnu ya anu buri kɛlɛ kɔrɔ, wonu ya a lamɔɛn min kɛ ko Yuda nyamanɛ tora Mansa Kɛdalaya bolo, anu tara kofu a ma Misipa soe burɔ. Minnu tara kofu Mansa Kɛdalaya ma, wonu tɔgɛ le kɛnu na, Nɛtanayala den Sumanyila wo, Kareyala den Yohenan wo, Tanhumɛtila den Sɛraya min bɔra Nɛtofa soe burɔ wo, anubɛ Yeyasanaya min bɔra Meyaka soe burɔ.

2 Mansɛnu 25:25

Kɔnɔ san wo karɛ wɔrɔnfila nyɔgɛ ma, Nɛtanayala den Sumanyila kɛ, wo tara mɔgɔ tan la a bolo Misipa ka Kɛdalaya faga nyɔ. Sumanyila kɛ, mansa-bon-kɔrɛ-dan do le ale la. A benba tɔgɛ Ilasama. Babilɔn mɔgɛ anubɛ Yuda mɔgɛ minnu siginɛ Mansa Kɛdalaya fɛ, anu ya wonu fanan faga.

Aiseya 43:23

A ko ma ara ma ban nala saraka-sagɛnu na minnu bi mintanna a ye. Ma ma sɔn a gbiliyala sarakɛnu na tun. A ko ale ma dunu sa ma kuma ka to ma manyinikala sɔli-fannuna ko ma. A ma to ma fɔrɔsɛla isɛnti mintan ko ma ka ma labandan wola ko la,

Aiseya 58:3

Mɔgɛnu bi a fɔla ko anu bi sunyɛ donna tele donu tɔ kɔnɔ Alla sa anu denkunna. Anu ko anu bara anu famayigi Mari gbiliya tinɛ kɔnɔ Alla sa anu mafɛlɛnna. Kɔnɔ Mari ko min di wole ye, wo ye wonu denu mala tele wonu tɔ. Wo ye wola wɔli-kɛ-dannu kensunna.

Yɛrɛmaya 25:11

Nyamanɛ mumɛ bɛɛ kasaranɛ si to. San bi-wɔrɔnfila dɛgɛdɛgɛ, wobɛ wo dan-masa-nyɔgɛnu bi Babilɔn mansɛ kɔrɔ.

Yɛrɛmaya 29:10

Mari ko Babilɔn si to sɛnbɛ rɔ san bi-wɔrɔnfila kɔrɔ. San bi-wɔrɔnfilɛ wo wa ban tumɛ min, Mari ko a si na wo wara Babilɔn nyɔ. A si ala lanyiri latɔnbagaya ka sɛgi wo la Yerusalɛm wulɔn.

Yɛrɛmaya 52:12

Mansa Nɛbukanasala mansayɛ san tan-ni-kɔnɔntɛ, a karɛ loli, tele tan nyɔgɛ ma, ale Nɛbukanasala mɔgɔ-ba do donta Yerusalɛm soe burɔ, ado ala kɛlɛ-den-kunyɛ le fanan. Wo tɔgɛ le Nɛbusaradan.

Hoseya 7:14

Wo ma n matara wo yisi la fɔ ka wo nyɛrɛ gbesi dugi la ka belenna dila iko Alla-lɔnbɛlɛnu bi a mala nya min. Wo tenbi n matarala dɔn-fen-koe la, wo ye belenna wo mafarafarala iko kafirinu. Mɔgɔ-murutiyani-bɛrɛbɛrɛ le wo la.

Sakaraya 1:12

Wo kɔma, Marita melika kumara Mari Sɛnbɛ-Bɛɛ-Tigi ye. A ko, “A ara san bi-wɔrɔnfila bɔ dɛgɛdɛgɛ, i fonde bɔnɛ Yerusalɛm soe anubɛ soe doinu kuma Yuda nyamanɛ rɔ. I fonde bɔnɛ si to kɛnu kuma ha muntuma?”

Sakaraya 7:4

Woletɔ Mari Sɛnbɛ-Bɛɛ-Tigita sarakanɛ nara n ma.

Sakaraya 7:6

A ko fanan, anu taranta anu de-nyinina anubɛ minni kɛla, anu ya wo kɛ anu nyɛrɛta sewɛla ko la.

Sakaraya 8:19

A ko wo ye sunyɛ min donna san karɛ nani, anubɛ karɛ loli, anubɛ karɛ wɔrɔnfilɛ anubɛ karɛ tan ma, wonu si ma wola ladiya-ladɛn-karɛnu na Yuda kɛnu ye. Kɔnɔ a ko fɔ tonyɛ anubɛ yisi-kimɛ ni diya wo ye.

Matiyu 23:5

Anu si anuna ko-nyimɛ bɛɛ kɛ alako mɔgɛ ni anu yen dɔrɔn! Allala kumɛ min sɛbɛnɛ ata kitabu rɔ, anu bi wo mala lɛsimɔgɛnu na ka wonu kiri anu telɛnu anubɛ anu bolenu ma. Wonu mafɛlɛn! Anuna duruku-yan bunsannu yanyɛ-nya fanan mafɛlɛn!

Matiyu 6:16

“Wo wa sunyɛ don tumɛ min, wo kana wo yakɔrɛ sa-a-rɔ iko nyɛrɛ-mayiralɛnu si a ma nya min. Anu kɛnɛna anu nyɛrɛ makinikinina alako mɔgɛnu ni a lɔn ko anu bi sunyɛ le tɔ. Wo ni wo hɛnkili to kɛ ko! Anu bara ban anu sarɛ sɔrɔnna feu!

Matiyu 6:2

“Ni i ye a fɛ ka bolo-kolɔn kɔ, i kana a mayon alako mɔgɛ bɛɛ ni i yen mɔgɛ kɔla iko nyɛrɛ-mayiralɛnu. Wonu denu si wo ma Yahudiya-dina-bɔnnu na anubɛ barɛnu tɔ bawo anu bi a fɛ, mɔgɛnu ni anu matɔgɔ. Wo ni wo hɛnkili to kɛ ko! Wonu bara ban anu sarɛ sɔrɔnna feu!

Matiyu 6:5

“Wo tenbi madiyali kɛla, wo kana a ma iko nyɛrɛ-mayiralɛnu! A di wonu ye ka madiyali kɛ anu kulu-mayɛlɛnɛ la Yahudiya-dina-bɔnnu na anubɛ sere tɛma alako mɔgɛnu ni anu yen. Wo ni wo hɛnkili to kɛ ko! Anu bara ban anu sarɛ sɔrɔnna feu!

1 Kɔrɛnti 10:31

Woletɔ ni wo ye fen dɔnna, ni wo ye wo minna, ni wo ye ko-wo-ko kɛla, wo ni wo bɛɛ kɛ alako Alla ni gbiliyɛ sɔrɔn wo bɛɛ rɔ.

2 Kɔrɛnti 5:15

Ale Yisa fagara mɔgɛ bɛɛ ye, woletɔ minnu belinɛ, wonu kana beli anu nyɛrɛ ye tun fɔ ka beli ale ye min fagara anu ye, ado a wulita anu ye fanan.

Kɔlɔsi 3:23

Wo ye wɔlɛ min bɛɛ kɛla, wo ni wo ma wo yisi bɛɛ la iko wo ye wɔlila Mari ye nya min. Wo sa a mala mɔgɔni-gbuyi ye.