Sakaraya 7:14 - ALLALA KUMƐ

¹⁴ A ko wo le ya a ma, a tara wo ranyɛnsɛn nyamani-gbɛrɛkɛnu tɔ iko fɔnyɔ wa fen ranyɛnsɛn. A ya wola nyamani-hakikɛ kɛ rakolonya. A kasaranɛ tora pɔ!

Sakaraya 7:14 ပူးပေါင်းရင်းမြစ်များ

2 Ko-Kɔrɔta-Karan 36:21

Mari ara min fɔ Nɛbi Yɛrɛmaya ye nun, wo le wara bɔ-a-la kɛ la bawo a ya a fɔ nun ko, “Yuda dugi si a sulen san bi-wɔrɔnfila kɔrɔ, ka a tɛgɛ anuna san wɔrɔnfilɛ sulanla ko ma.”

Yaburi 58:9

Yanni anu ni a lɔn, anu ma ara lanfan iko binyɛ. Anu tenbi anu niyi la, ile Alla ni anu kɛndɛ firan ita fondo-bɔɛ la.

Aiseya 17:13

Hali sibolenu bi tugula a rɔ Isirɛla kan ma wo nya, Alla wa anu makuma, anu si sɛgi anu kɔma iko fɔnyɔ wa gbangban kɔ, ni wo ma, iko tɔnkɔlɔn wa bin-gbalɛ fɔrɔn.

Aiseya 21:1

Sarakanɛ le kɛ la Babilɔn wara-koe rɔ. Kasarɛ si na firifirila iko tɔnkɔlɔn ka bɔ nyamani-makilannɛ do rɔ.

Aiseya 60:15

Lunyɛ do, i sɔgɔ labɔra anu na. Anu ya i rakolonya. Hali ka tenbi i rɔ, mɔgɔ ma a ma. Kɔnɔ a ko ka a bi bi ma, i mankan ma si to yɛlɛla. I si ma sewa tinɛ la tolon!

Aiseya 66:15

I ma Mari yen nala tɛ la a bolo? Marita kɛlɛ-dannu bi nala kirindi la anu bolo iko fɔn-digidigi-wɛ. A si a yogenu tɔrɔ ata fondo-bɔ-belebele la. A si anu tɔrɔ ta-mɛlan la.

Yɛrɛmaya 12:10

Sibolo-gbɛrɛ kun-tigi-siyaman si nta ki-fannu tinya. Anu si ki-fan wonu tatɛntɛn ka anu nunku tɔi! Anu si nna sɛnɛ-hakikɛ ma iko wula-da-rakolɔn.

Yɛrɛmaya 23:19

Marita tɔrɔyɛ si tonkore sɔ karagbɛlɛ kɛnu na iko banda-fin-fɔnyɔ. Ata fondo-bɔɛ si karagbɛlɛ wonu kunyɛ ratii pɔ,

Yɛrɛmaya 30:23

Mari diminyara dɔgɔma-ma-de ha a ya karagbɛlɛnu tɔrɔ. Tɔrɛ wo nara le iko fɔn-digidigi-wɛ. Tɔrɔyɛ wo nara anu denu kan ma iko tɔnkɔlɔn,

Yɛrɛmaya 36:19

Wo kɔma, anu ya a fɔ a ye ko, “Wobɛ Yɛrɛmaya ni wo dogon. Mɔgɔ kana wo dogon-tinɛ lɔn.”

Yɛrɛmaya 44:6

Woletɔ a ko a ya a fonde labɔn Yuda soenu anubɛ Yerusalɛm soe burɔ ka soe wonu mintan gburr! Ha bi, soe wonu bi tonbonyɛ la.

Yɛrɛmaya 5:15

Wole Isirɛla mɔgɛnu, Mari ko wo ni wo tole masɔ. A ti mɛ tun, nyamanɛ do si na wo tɔrɔ-tinɛ ka bɔ wula-yan la. A ko nyamani-kɔrɔkɔrɛ do le wo la. Mɔgɛ wonu bi kumɛ min fɔla, wo ti wonu kan ragbɛ. Wo ti ke anu kuli ragbɛla.

Yɛrɛmaya 52:30

Ata mansayɛ san mogan-ni-sawɛ ma, Nɛbusaradan tara mɔgɔ kɛmɛ wɔrɔnfila, mɔgɔ bi-nani ani loli (745) la. A bɛɛ lakofunɛ mɔgɔ waga nani mɔgɔ kɛmɛ wɔrɔ (4,600).

Isikiyɛli 12:19

A fɔ Isirɛla mɔgɛ bɛɛ ye ko kilayɛ kɛ ye bɔla wo Tigi Mari le bolo Isirɛla mɔgɛnu denu ye minnu bi anu niyi la Yerusalɛm soe burɔ. Anu si yɛrɛyɛrɛn fen-dɔn-tinɛ. Anu tenbi anu minna, anu kun ma si kɔ kilan bolo. Fenfen ti taran anuna nyamanɛ rɔ ka a tɛgɛ anuna karagbɛlɛyɛ ma.

Isikiyɛli 22:15

N si anu tanyɛnsɛn nyamanɛ bɛɛ rɔ. N si tɔn sigi anuna wunduyogoyɛ ma.

Isikiyɛli 5:10

Ka a tɛgɛ tɔrɔyɛ wo ma, denbɛnu si anuna dannu dɔn Yerusalɛm soe burɔ. Dannu fanan si anu sɔrɔnnɛnu dɔn. N si wo tɔrɔya ha ni minnu tora anu niyi la, wonu ta si nyɛnsɛn.

Daniyɛli 8:9

A kere nanɛ wonu tɔ, kelan bolɔn sɔra a ma, ado mɔgɔ nɛn-naban a yenna, i yɛ si bɛn a kere fɔlɔn na. Bolon-nɛ min sɔra a ma wo la, wo fanka tara dugula wara la anubɛ tele-bɔɛ wara la anubɛ lanyiri-nyamanɛ waralɛ rɔ, Isirɛla, kɔni.

Hoseya 9:17

Nde ye Alla min batola, wo si a ban wole, ata mɔgɛnu na bawo wo ya wo ban wo tole masɔla a la. Wo si to yilan-yilanna sibolo-gbɛrɛnu tɛma.

Yowɛli 2:3

Anu bi ki-fannu banna le iko tɛ ye bin-gbalɛ banna nya min. Mala nyamanɛ mani de anu ya rɔ iko Alla ya nakɔɛ min nadan ma benba Hadama ye. Anu ba bɔ kan min, nyɔ si ma iko wula-da-rakolɔn. Anu ti tenbi fenfen na.

Saraka-Masɔlɛnuta Tɔnnu 26:22

N si sogo-feremɛnu nana wo tɛma. Wonu si to wola dannu fagala. Anu si wola kolo-fannu kasara. N si wo madɔgɔya hali wola kila-kunyɛ na si kolonya fiyon!

Saraka-Masɔlɛnuta Tɔnnu 26:33

N si wo yogenu nana ka wo kɛlɛ ka wo bira ka ta wo la nyamanɛ siyamɛnu tɔ. Wola nyamanɛ rakolɔn si to. Wola soenu si ma iko tonbon-kɔrɛnu.

Emɔsi 1:14

Wo sɔn, wonu denu bi a mala, a ye tɛ layigila wola soe kuma, Raba, kɔni, ka anubɛ a tarɛ mintan gburr! Wo wati rɔ, sɔnkɔ-sɔnkɔ anubɛ kɛlɛ si taran nyɔ rɔ. Kɛlɛ si gbɛlɛya wo kuma iko banda-fin-fɔnyɔ.

Nehami 1:3

Mari fonde ti bɔ tiriya kɔnɔ a sɛnbɛ makawanɛ, ado a ti sɔn mɔgɔ-yilikinɛ tɔrɔbɛlɛ ni to. Mari wa a tontɛ sɔ kan min, tɔnkɔlɔn le wulila nyɔ. A tontɛ gbangban si yɛlɛma banda-kole la.

Habakuku 3:14

Anuna kɛlɛ-dannu nara ma kan ma tumɛ min iko fɔnyɔ ka ma ranyɛnsɛn, anu bara anu nyɛrɛ kɔrɔbi iko minnu bi bolo-kolɔnnu tɔrɔla dogɔn tɔ kɔnɔ ila banda-nyin-masɔgɛ donta anuna kɛlɛ-den-kunyɛ rɔ pirin!

Sɛfanaya 3:6

Mari ko ka a tɛgɛ wole, Isirɛla mɔgɛnuna ko ma, a ara sibolo-siyaman nato nun dogbe! A ya anuna soenu kasara ka anuna tarɛnu anubɛ anuna nyamani-kumafɛlɛn-tinɛnu tinya pɔ! Anuna soenu mara tonbon-bɛrɛbɛrɛ la.

Sakaraya 2:6

Wo kɔma, nde, Sakaraya ya Mari kuman-kan latenbi ala mɔgɛnu ma ko, “Mari ko a ara wo ranyɛnsɛn duninya-tonko-nanɛ bɛɛ rɔ kɔnɔ wo ni wo buri bɔla Babilɔn nyamanɛ rɔ ka sɛgi Yerusalɛm soe burɔ.

Sakaraya 8:1

Mari Sɛnbɛ-Bɛɛ-Tigi ya sarakanɛ kɛ don nde, Sakaraya bolo tun.

Sakaraya 9:14

Mari si bɔ gbɛ rɔ wole, ala mɔgɛnu kuma. Ala kalabɛn mɛnsan si ta tiila a ma iko banda-nyin-masɔgɛ. Ma Tigi Mari si kɛlɛ-buri fɛ. A si na tiriya iko fɔnyɔ min bi yɛlɛla a ma.

Tɔn-Fɔɛ-Fila-Nyɔgɛ 28:33

Wo wa ban tɔrɔ-dɛgbɛ kɛla sɛnɛ minnu na, sibolo-gbɛrɛkɛ-mɔgɛnu si na sɛnita-fan wonu bi ka ta a la anu bolo pon! Woleta tɔnɛ si ma tɔrɛ anubɛ bosɛ la.

Tɔn-Fɔɛ-Fila-Nyɔgɛ 28:49

“Mari si a ma, sibolo-gbɛrɛkɛ-mɔgɛnu si na wo tɛma ka bɔ wula-yan la pon, wo ti minnu kuman-kan lamɔɛn hali! Wonu si na kɛ wo ma iko bibinu.

Tɔn-Fɔɛ-Fila-Nyɔgɛ 28:64

“Ka a fɔlɔ duninya-tonko kelan ma ha ka a sigi a tonko-doi la, Mari si wo ranyɛnsɛn sibolo-gbɛrɛkɛ-mɔgɛnu tɛma. Wo tenbi anu tɛma, hali wo benbanu ma bɛsɛ minnu kɔ, wole si wonu kɔ. Kɔlɔma-malɛsɛnɛ anubɛ kuru-malɛsɛnɛ le wonu na.

Tɔn-Fɔɛ-Fila-Nyɔgɛ 4:27

Wo kɔma, Mari si wo ranyɛnsɛn. Wo si basan sibolo-gbɛrɛkɛnu na. Wo siyaman si faga. Wo ma ni dɔgɔya.