Sakaraya 7:12 - ALLALA KUMƐ

¹² ka wo yisi gbɛlɛya iko kuri bawo a ko ale Mari Sɛnbɛ-Bɛɛ-Tigi ya ala nɛbinu nana ka wo karan min ma ata Niyi baraka rɔ, wo ma sɔn wo bira-koe ma. Woletɔ ale fonde bɔnɛ.

Sakaraya 7:12 ပူးပေါင်းရင်းမြစ်များ

2 Ko-Kɔrɔta-Karan 36:13

Babilɔn mansɛ ya a ma, a ni a keli Alla tɔgɛ rɔ ko Yuda Mansa Sɛdɛkaya ni to a fɛ. Kɔnɔ ale Mansa Sɛdɛkaya murutiyara Babilɔn Mansa Nɛbukanasa ma. Wo kɔma, a ya a ban bila-koe ma Isirɛlata Mari Alla fɛ.

2 Ko-Kɔrɔta-Karan 36:16

Kɔnɔ hali wo, anu tora Allata kilayɛnu manyinina. Anu bi anu tengberenyala Marita kuma-lamɔɛn-koe ma ka ata nɛbinu mayɛlɛn. Kɔnɔ tɔ-a-la, Marita diminyɛ warata anu kuma ha anu bɔ-kunya ma sɔrɔn tun Marita diminya kɔrɔ.

Yobu 9:4

Fanka-tigi anubɛ hɛnkilimɛ le Alla la. Mɔgɔ-wo-mɔgɔ ti ke a sɔla Alla yala.

Yaburi 50:17

Wo sa sɔnna, n ni wo latelen. Wo ye wo banna nna tɔnnu na.

Bɔ-Koe-Iyipiti 7:13

Hali wo, mansɛ yisi gbɛlɛyara ka tenbi a fɔlɔtɛ la. A ya a tengberenya. A ma a tole masɔ anuna kumɛ la iko Mari ya a fɔ Musa ye nya min. (1) Yinu Yɛlɛma-Koe Yele La

Aiseya 46:12

Wole tolo-gberenu, a ko wo ni wo tole masɔ, wole min fɛ-yan ko-telennɛ la, kɔni.

Aiseya 48:4

A ko a ya a lɔn ko wo si ma tolo-gbɛlɛnu na. Wo tole gbɛlɛ iko nɛgɛ anubɛ silɛɛ.

Aiseya 6:10

Wo kɔma, a ya a fɔ n ye ko n ni a ma, fan do ni sa mɔgɛnu miriya-ya ma alako anu kana ko nya-yen. N ni a ma, anu tole ni gbere alako anu kana na ko lamɔɛn. N ni a ma, fen ni sa anu yɛ ma alako anu kana na ko ragbɛ. A ko n ni kɛnu ma alako anu kana anu ya-lamunun ale Mari la anu nakɛndɛya-koe la.

Aiseya 65:12

Mari ko ko-latɛgɛnɛ wo si ma wo ye faan la. Wo dama si wo kan panparan kan-natɛgɛlɛ ye. Ni i ya a yen, kɛ ye mala wo la bawo Mari ya wo kele min kɛ, wo ma a denkun defan! A kumara wo ye kɔnɔ wo ma wo tole masɔ a la. Koe minnu ma kin, wo ni wo fara wonu na. Wo tora wo gbɛ wonu denu da la, ado wo ma ale Mari hɛnɛ.

Yɛrɛmaya 17:1

Mari ko wole, Yuda mɔgɛnu, wo ara hakɛ minnu kɛ, wonu gbɛni de mɔgɛnu ye. A mani de iko mɔgɛ wa fen sɛbɛ nɛgɛ la farɛ ma. Wo hakɛ mani de iko anu sɛbɛra saraka-mintan-tinɛ bolon nanɛ ma.

Yɛrɛmaya 17:23

Kɔnɔ Mari ko wo benbanu ma sɔn anu tole masɔla a la hali ka ata kumɛ bira. A ko anu tengberenta. A ko Mari ara wo benbanu tɔrɔ nun kɔnɔ anu ma anu bɔ anu gbɛ dala. A ko anu ma anu tole masɔ a la mumɛ!

Yɛrɛmaya 26:19

Kɔnɔ Mansa Hɛsakaya anubɛ ala mɔgɛnu ma Nɛbi Maika faga wola ko la de, ado Mansa Hɛsakaya ya Mari gbiliya ka kuma-diyamɛnu fɔ ale Mari ye. Wo le ya a ma, Mari ya a miriya yɛlɛma Yerusalɛm kasara-koe ma. Nba, male nyɛrɛ-nyɛrɛ le ye kasarɛ lanala ma kuma gbɛ!”

Yɛrɛmaya 42:21

N bara a fɔ wo ye kɔnɔ hali wo, mata Mari Alla ya min di n ma ka a fɔ wo ye, wo tole gberenɛ ka ata tɔn wonu bira.

Yɛrɛmaya 5:3

Mari, i sa nyinina tonyɛ le ma mɔgɛnu bolo, wa? Hali i ye Yuda kɛnu gbesila, bosɛ bɔrɔ sa anu ye. Hali i ya anu tabunden, anu ti kilɛ bira. Anu tole gbɛlɛyanɛ iko farɛ. Anu ya anu ban sɛgila ile Mari ma.

Yɛrɛmaya 7:20

Ma Tigi Mari ya a fɔ ko a si ata fondo-bɔɛ labɔn kan-tinɛ kɛ ma. A hadama-den wo, a sogo wo, a kɔlɔma wo, a fui-fen wo, a si ata fondo-bɔɛ rawuya wonu dama ma. A ko ata fondo-bɔɛ si ma iko tɛ, ado mɔgɔ-wo-mɔgɔ ti ke tɛ wo ladufenna.

Isikiyɛli 11:19

N si a ma, anu sɔndɔmɛ ni sa anu nyɔgɔn kuma ka miriya-nyimɛ di anu ma. Sɔndɔmɛ min gbɛlɛyanɛ iko kuri, n si wo bɔ anu burɔ ka tɔn-bira-sɔn di anu ma.

Isikiyɛli 14:5

bawo bɛsɛ wonu bara-koe ara a ma, Isirɛla mɔgɛnu bara bɔ n bolo. Kɔnɔ n bi anu yabila nya min, wo si a ma, anu ni sɛgi n ma tun.

Isikiyɛli 2:4

Anu tole gbɛlɛ, ado anu sa n gbiliyala. Woletɔ n bi ile kilayala anu ma ko nde, wo Tigi Mari Alla ye min fɔla, i ni wo latenbi anu ma.

Isikiyɛli 36:26

N si a ma, anu sɔndɔmɛ ni sa anu nyɔgɔn kuma ka miriya-nyimɛ di anu ma. N si anuna sɔndɔma-gbɛlɛyɛ bɔ anu burɔ ka anu ma kuma-biralɛnu na.

Sakaraya 1:2

Mari Sɛnbɛ-Bɛɛ-Tigi ya a fɔ nde, Sakaraya ye ko n ni a fɔ wole, ala mɔgɛnu ye ko ale Mari fonde bɔnɛ wo benbanu kuma nun dɔgɔma-ma-de!

Sakaraya 7:7

Wo tumɛ Yerusalɛm sabatinɛ, ado a lafanɛ mɔgɛnu na, Mari ya kuma kelan kɛ le fɔ ala fɔlɔ-nɛbinu ye nun. Wo wati rɔ, mɔgɛnu sigini ma soela foolɛ dɔrɔn tɔ. Anu siginɛ tala ha Iyipiti nyamanɛ dan la anubɛ gburukulinu bi kan min tele-yigi wara la.

Matiyu 13:15

Fan do ara sa mɔgɛnu miriya ya ma. Anu bara anu tole gbere. Anu bara fan sa anu yɛ ma alako anu kana na ko ragbɛ anu yɛ la. Anu kana ko lamɔɛn anu tole la. Anu kana ko nya-yen anu hɛnkili la. Ni wonu ma ma nun, anu si anu ya-lamunun nde, Mari la anu nakɛndɛya-koe la.’

Maraka 4:12

Woletɔ (iko a sɛbɛnɛ Allata kitabu rɔ nya min), ‘Anu si to fan yenna kɔnɔ anu ti a ragbɛ. Anu si to anu tole masɔla kɔnɔ anu ti a nya-yen. Bawo ni anu ya ko ragbɛ ka a nya-yen, anu si yɛlɛma Alla wara la. A si anu makoto worɔ.’ ”

Luka 8:12

Mɔgɛ donu manɛ iko sugi min si bui kila-kole la. Mɔgɛ wo si a lamɔɛn kɔnɔ a wa a lamɔɛn nya min, Setanɛ si na worɔ ka wo fɔrɔn a yisi rɔ alako a kana dɛnkɛninya a ma ka kisi.

Kɛwɔlɛnu 28:27

Fan do sanɛ mɔgɛnu miriya-ya ma alako anu kana ko nya-yen. Anu tole gberenɛ alako anu kana na ko lamɔɛn. Fen sanɛ anu yɛ ma alako anu kana na ko ragbɛ. Ni anu ya fen yen ka ko lamɔɛn nun, tumado fɔ anu ba anu ya-lamunun n na anu nakɛndɛya-koe la.’ ”

2 Pita 1:21

Kɛnu ma bɔ anu nyɛrɛta hɛnkili rɔ! Alla ya kumɛ min don nɛbinu da rɔ, anu ya wonu denu fɔ Allala Ni-Sɛnimɛ baraka rɔ.