Sakaraya 7:11 - ALLALA KUMƐ

¹¹ A ko kɔnɔ wo ma sɔn wo tole masɔla a kuman-kan wo la. A ko wo ya wo tole gbere

Sakaraya 7:11 ပူးပေါင်းရင်းမြစ်များ

2 Ko-Kɔrɔta-Karan 33:10

Mari ara mansɛ anubɛ ala mɔgɛnu makawandi nun kɔnɔ hali wo, anu ma anu tole masɔ a la.

Nihɛmaya 9:17

Anu ma sɔn anu tole sigila ita kumɛ kɔrɔ. I wara kabana-koe min bɛɛ ma anu ye nun kɔrɔma la, anu nyinara wonu ko salon! Anu bilara anu kun-telenmɛ fɛ ka anuna kun-tigi yabɔ min si anu kunyɛ don yɔɔnyɛ rɔ tun iko anu taranta nya min Iyipiti. Kɔnɔ kinikini-mansɛ le ile la. Anu di i ye, ado i si ko-nyimɛ kɛ anu ye. I fonde ti bɔ anu kuma yona. Ila kinikinɛ kolo anu bara la, ado i ma anu boloka mumɛ!

Nihɛmaya 9:26

“Kɔnɔ ita mɔgɛnu murutiyara i ma ka i kan bɔ a gbɛ rɔ. Anu ya anu kan-kɔ sɔ ila tɔn la. Nɛbi minnu ya anu makawandi, anu ya wonu faga bawo wonu bi anu makawandila ko anu ni sɛgi i ma. Tuma-wo-tuma, i lafɛyanɛ anu bolo.

Nihɛmaya 9:29

I ya anu makawandi alako anu ni ila tɔnnu bira kɔnɔ anu ya anu kan-kɔ sɔ ila tɔn la, ado anu niyi-sɔrɔn-kunyɛ le tɔn-birɛ la. Anu ya anu ban i bolo pat!

Bɔ-Koe-Iyipiti 10:3

Musa anubɛ Aruna tara mansɛ wara ka a fɔ a ye ko, “Hiburunuta Mari Alla ya a fɔ ko ile si i nyɛrɛ famayigi ale ye wati mintan? I ni ata mɔgɛ kɛnu boloka alako anu ni ta a bato tinɛ.

Aiseya 28:12

Mari ye lafɛrɛ anubɛ ko-nyimɛ dila wo ma nun kɔnɔ wo ya wo ban wo la a bolo.

Aiseya 46:12

Wole tolo-gberenu, a ko wo ni wo tole masɔ, wole min fɛ-yan ko-telennɛ la, kɔni.

Aiseya 6:10

Wo kɔma, a ya a fɔ n ye ko n ni a ma, fan do ni sa mɔgɛnu miriya-ya ma alako anu kana ko nya-yen. N ni a ma, anu tole ni gbere alako anu kana na ko lamɔɛn. N ni a ma, fen ni sa anu yɛ ma alako anu kana na ko ragbɛ. A ko n ni kɛnu ma alako anu kana anu ya-lamunun ale Mari la anu nakɛndɛya-koe la.

Aiseya 65:12

Mari ko ko-latɛgɛnɛ wo si ma wo ye faan la. Wo dama si wo kan panparan kan-natɛgɛlɛ ye. Ni i ya a yen, kɛ ye mala wo la bawo Mari ya wo kele min kɛ, wo ma a denkun defan! A kumara wo ye kɔnɔ wo ma wo tole masɔ a la. Koe minnu ma kin, wo ni wo fara wonu na. Wo tora wo gbɛ wonu denu da la, ado wo ma ale Mari hɛnɛ.

Yɛrɛmaya 11:10

Ado nfan, a ko wo benbanu ya hakɛ minnu kɛ, wole fanan bi wonu denu gbɛ latugunna. Wo benbanu ya anu ban anu tole masɔla a la. Anu bilara bɛsɛnu fɛ ka wonu kɔ. A ko Isirɛla mɔgɛnu anubɛ Yuda mɔgɛnu bara sarama-kan tinya wo benbanu anubɛ Alla ya min kiri anu nyɔgɔn tɛma.

Yɛrɛmaya 13:10

A ko wole, kalabantenu sa sɔnna wo tole masɔla ata makawandili-kan la. Wola tolo-gbɛlɛyɛ le ye a mala, wo ye wo nyɛrɛ diyana-koenu mala. Wo ye bɛsɛnu kɔla, woletɔ wo ye mala iko kufama kɛ. Wo ti ko-wo-ko nyinya mɔgɛ ma.

Yɛrɛmaya 17:23

Kɔnɔ Mari ko wo benbanu ma sɔn anu tole masɔla a la hali ka ata kumɛ bira. A ko anu tengberenta. A ko Mari ara wo benbanu tɔrɔ nun kɔnɔ anu ma anu bɔ anu gbɛ dala. A ko anu ma anu tole masɔ a la mumɛ!

Yɛrɛmaya 17:27

Ni wo ya wo tui ka to dunɛnu madununa Sulen-Tele ma ka tenbi anu na Yerusalɛm don-dɛnu na, Mari ko a si ta fitinɛ layigi Yerusalɛm don-dɛnu na min ti dufen muk! Hali wola kan-tina-latankanɛnu si mintan gburr!

Yɛrɛmaya 19:15

Mari Sɛnbɛ-Bɛɛ-Tigi, Isirɛlata Alla ko a si kasarɛ lana Yerusalɛm anubɛ a dafɛ-soenu ma. A ti mɛ tun. A ye kɛ fɔla le bawo wo ara wo yisi gbɛlɛya ka wo tengberenya.

Yɛrɛmaya 35:15

A ko a ara mɛ ala wɔli-kɛlɛnu sɔla wo wara ala nɛbinu, kɔni, alako wo ni wo fara karagbɛlɛyɛ la ka don ko-latelenni-kɛ rɔ. Anu ya wo lasɛgi bɛsi-kɔ-koe ma alako wo ni a laban nyamanɛ kɛ rɔ, a ya min di wobɛ wo benbanu ma, kɔni. Kɔnɔ a ko hali wo, wo ti wo tole masɔ a la ka a kan to a gbɛ rɔ.

Yɛrɛmaya 36:31

Ale mansɛ wo, a kegeyɛ wo, ala mɔgɔ-ba wo, Mari ko a si anu dama tɔrɔ tɛrr ka a tɛgɛ anu hakɛ ma. Ale mansɛ wo, a Yerusalɛm ka wo, anubɛ a Yuda kɛ toe wo, a ko anu do-wo-do ma anu tole masɔ ata kawandili-kan la. Woletɔ a ara kasarɛ min wara-koe fɔ tɛrr, a ye nala wo sigila anu ma.

Yɛrɛmaya 42:21

N bara a fɔ wo ye kɔnɔ hali wo, mata Mari Alla ya min di n ma ka a fɔ wo ye, wo tole gberenɛ ka ata tɔn wonu bira.

Yɛrɛmaya 44:16

“I ye min bɛɛ fɔla Mari tɔgɛ rɔ, ma ti ma tole masɔ wo la muk!

Yɛrɛmaya 5:21

wole hɛnkilibɔnɛ kun-takolɔnnu, yɛ ye wo bolo kɔnɔ wo ti fen yen. Tole ye wo bolo kɔnɔ wo ti ko lamɔɛn.

Yɛrɛmaya 5:3

Mari, i sa nyinina tonyɛ le ma mɔgɛnu bolo, wa? Hali i ye Yuda kɛnu gbesila, bosɛ bɔrɔ sa anu ye. Hali i ya anu tabunden, anu ti kilɛ bira. Anu tole gbɛlɛyanɛ iko farɛ. Anu ya anu ban sɛgila ile Mari ma.

Yɛrɛmaya 7:24

Kɔnɔ a ko wo benbanu ma sɔn anu tole masɔla a la. Anu tole gbɛlɛ nun. Anu taranta anu nyɛrɛ diyana-koenu denu mala. Anu ma to tala yarɔ fɔ ka to sɛgila anu kɔma.

Yɛrɛmaya 7:26

Kɔnɔ a ko wo benbanu ma sɔn anu tole masɔla nɛbi wonu na ka anu kuman-kan bira. Kɔnɔ wole karagbɛlɛ ka tenbi wo benbanu na.

Yɛrɛmaya 8:5

Nfenna wole, Yuda kɛnu bi samala, wa? Nfenna wole, Yerusalɛm kɛnu sa wo sɛgila kilɛ ma? Wo lanɛ foninyɛnu denu na, wota bɛsɛnu, kɔni. Wo ya wo ban sɛgi-koe ma.

Isikiyɛli 14:5

bawo bɛsɛ wonu bara-koe ara a ma, Isirɛla mɔgɛnu bara bɔ n bolo. Kɔnɔ n bi anu yabila nya min, wo si a ma, anu ni sɛgi n ma tun.

Isikiyɛli 3:7

Ni Isirɛla mɔgɛnu ma anu tole masɔ i la, i kana tɛrɛna wo la bawo anu ma anu tole masɔ nde fɔlɔn na. Anu dama tole gbɛlɛ, ado anu sa n gbiliyala.

Isikiyɛli 5:6

Kɔnɔ Yerusalɛm mɔgɛnu bara murutiya nna tɔnnu ma. Wo ara a yira n na ko anu wunduyogo sibole doinu ko. Tɔn-tinya di anu ye ka tenbi sibolo-gbɛrɛ doinu na minnu bi anuna foolɛ rɔ. Yerusalɛm mɔgɛnu bara anu kan-kɔ sɔ nna tɔnnu na. Anu ma sɔn nna tɔnnu birala mumɛ!’

Daniyɛli 9:5

“Kɔnɔ male ara hakɛ kɛ ka ko-yogomɛ anubɛ karagbɛlɛyɛ ladan. I ya min fɔ ma ye, ma ara ma ban wonu na. I ya ko-telennɛ-kilɛ min yira ma la, ma ara ma kan-kɔ sɔ wo la ka bila ma nyɛrɛta kilɛ fɛ.

Hoseya 4:16

Wole, nta mɔgɛnu tengberenyanɛ iko sofɛlɛ. N ti ke wole, sofɛlɛnu nagbengbenna binyɛ ma iko saga-dannu.

Sɛfanaya 3:2

Yerusalɛm kɛnu sa anu tole masɔla Mari la. Anu ti sɔn ka kolo a ma. Anu ma anu yigi sa Mari rɔ. Anu ti a matara anu dɛnbɛn-koe la.

Sakaraya 1:4

Mari ko wo kana wo benbanu kɛ-nya bi. A ko wati do ara tenbi nun, a ya ata nɛbinu sɔ anu bara alako anu ni anu fara ko-yogoma-kɛ la kɔnɔ anu ma anu tole masɔ a la ka a kan to a gbɛ rɔ.

Matiyu 13:15

Fan do ara sa mɔgɛnu miriya ya ma. Anu bara anu tole gbere. Anu bara fan sa anu yɛ ma alako anu kana na ko ragbɛ anu yɛ la. Anu kana ko lamɔɛn anu tole la. Anu kana ko nya-yen anu hɛnkili la. Ni wonu ma ma nun, anu si anu ya-lamunun nde, Mari la anu nakɛndɛya-koe la.’

Kɛwɔlɛnu 7:51

“Wole yisi-gbɛlɛnu! Wo yisi manɛ iko sibolo-gbɛrɛnutɛ. Wo tengberenyanɛ Allala kumɛ lamɔɛn-koe rɔ! Wo ye Allata Ni-Sɛnimɛ kɛlɛla tuma-wo-tuma iko wo benbanu ya a ma nya min!

Kɛwɔlɛnu 7:57

Anu gbele-gbelenta ka anu bole digin anu tolenu tɔ. Anu dama kɛra a ma tiriya!

Hiburunu 12:25

Wo ni a ma wo fɛrɛma worɔ. Alla wa kuma, wo kana wo tengberenya wo lamɔɛn-koe ma. Minnu ya anu ban nun wo lamɔɛn-koe ma, wonu denu ma kisi. Nba, min bi kumala ma ye ka bɔ Arinyɛni tɔ, ni ma ya ma tengberenya wola kuma-bira-koe ma, male si kisi kama worɔ gbɛ?