Sakaraya 6:5 - ALLALA KUMƐ

⁵ A ya a fɔ n ye ko, “Kɛnu nanɛ ka bɔ duninya-tigi Mari bolo. Wonu bi tala duninya-tonko-nanɛ rɔ.”

Sakaraya 6:5 ပူးပေါင်းရင်းမြစ်များ

1 Mansɛnu 19:11

Mari ya a fɔ Nɛbi Ilaya ye ko, “Bɔ faran la. I ni i sɔ n yakɔrɔ kɔnkɛ kuma bawo n ba tenbi, i ni n mafɛlɛn.” Mari ya fɔn-belebele-wɛ lana. Kɔnkɛnu tafarata. Kurinu tatiira kɔnɔ Mari sa fɔnyɔ wo rɔ nun. Fɔnyɔ wo ratora min kɛ, dugi yɛrɛyɛrɛnta. Kɔnɔ Mari sa dugi yɛrɛyɛran wo rɔ nun.

1 Mansɛnu 22:19

Nɛbi Mɛkaya ya a fɔ a ye tun ko, “I tole masɔ Marita kumɛ la. N bara Mari mayiginɛ yen ala waganɛ rɔ Arinyɛni tɔ, ala melikanu kinkinɛ a la.

Yobu 1:6

Lunyɛ do, melikanu tara anu sɔ Alla yakɔrɔ a kɔndɔn tinɛ, mɔgɛnu fɛɛ-donnɛ fanan ye anu tɛma nun, Setanɛ, kɔni.

Yaburi 148:8

A banda-nyin-masɔgɔ wo, a banda-kolo wo, a banda wo, a duru wo, a fɔn-digidigi-wa wo, wo bɛɛ ye Mari kuman-kan birala ka a tanto.

Yaburi 68:17

N tigi ye bɔla Sinayi wulɛ rɔ ka ta a Bato-Bɔn la. A si na kirindi waga-yirika-siyaman na a bolo.

Aiseya 54:5

I Dali-Mari si ma i ye iko ila kei. A tɔgɛ le Mari Sɛnbɛ-Bɛɛ-Tigi. I kunkalɛ le Isirɛlata Alla-sɛnimɛ la. Duninya mumɛ bɛɛta Alla le ale la.

Yɛrɛmaya 49:36

A si fɔn-digidigi-wɛ latugu anu ma ka bɔ duninya-tonko-nanɛ bɛɛ rɔ. Fɔnyɔ wo si Ilam kɛ wonu tanyɛnsɛn duninya kun na. Duninya-tɛngbɛnya fenfen ti taran Ilam kɛ kɛnu ti ke kan min.

Isikiyɛli 11:22

Nima-fen-kanbannamɛ wonu gbanta anubɛ anu kian wonu. Isirɛlata Allata wan-takanɛ ye anu kuma.

Isikiyɛli 37:9

Wo kɔma, Mari ya a fɔ n ye ko, “Ile hadama-dan, nna kumɛ fɔ fɔnyɔ ye. A fɔ a ye ko a Tigi Mari ye ale fɔnyɔ lawulila ka bɔ duninya-tonko-nanɛ bɛɛ rɔ. A ni na a lafɛ furi kɛnu tɔ alako anu ni anu niyi sɔrɔn tun.”

Daniyɛli 11:4

Kɔnɔ ala mansayɛ wa wara ha ka a dan-natenbi, ala nyamanɛ wo si tala nyamani nani na kɔnɔ mansa nanɛ wonu fenfen ti ma a kebila-nyɔgɔn la. Kɔnɔ hali wo, anu ti sɛnbɛ sɔrɔn ka ke ale mansɛ rɔ.

Daniyɛli 7:10

Tɛ ye bɔla waganɛ wo kɔrɔ iko ba-yi. Melika-wulu-yirika-siyaman sɔnɛ a yakɔrɔ. Wonu bi ata wɔlɛ kɛla. Kiti-tɛgɛlɛnu ya anu sigi ka kiti-sa-bukunu dɛ laka.

Daniyɛli 7:2

Daniyɛli ko, “Nna kiyo kɛ rɔ, n ya fɔnyɔ yen bɔla duninya-tonko-nanɛ bɛɛ rɔ. A ye kɔgɔ-yi ralonkon-lankanna.

Sakaraya 4:10

A ko hali mɔgɛnu yisi tinyanta Bato-Bon-ko-wɔlɛla ko la bawo a sa tala yarɔ tiriya kɔnɔ anu ba a yen, a kun bara don Sarababulu bolo, anu si sewa dɔgɔma-ma-de!

Sakaraya 4:14

A ko, “Mɔgɔ filɛ le kɛnu na duninya-mumɛ-tigi Mari ara minnu yabɔ ka ma ala wɔli-kɛlɛnu na.”

Sakaraya 6:1

Ko-rayirɛ do kera n ye tun. Kɛ rɔ, n ya kirindi nani yen nala ka bɔ sila-kɔnkɔ fila tɛma.

Matiyu 18:10

“Wo ni a ma wo fɛrɛma, wo kana dennɛ kɛ kelen bɛrɛn nafɛya. N bi a fɔla wo ye ko anuna kandan-melikanu bi Arinyɛni tɔ. Anu bi n Fa Alla da kɔrɔ Arinyɛni tɔ wati bɛɛ. [

Matiyu 24:31

Buru-wɛ si fɛ. N si nna melikanu nata duninya-tonko-nanɛ bɛɛ rɔ. Anu si nna mɔgɔ-yabɔnɛnu nadɛn ka bɔ duninya-tonko-nanɛ bɛɛ rɔ.

Luka 1:19

Melika ya a yabi ko, “Melika Yibirila le nde la. Nde le sɔnɛ Alla yakɔrɔ. Ale le ya n sɔ i wara kibara-nyimɛ kɛ fɔ tinɛ.

Hiburunu 1:14

Niyi le melikanu na dɔrɔn. Anu bi wɔlila Alla le ye. A ya anu sɔ alako minnu bi nala kisila, anu ni to wonu dɛnbɛna.

Hiburunu 1:7

Alla ya kɛ le fɔ melikanuna ko la ko, “Nde, Alla ye wole nna melikanu mala iko fɔnyɔ. N bi wole nna wɔli-kɛlɛnu mala iko ta-mɛlan.”

Yasowa 3:11

Saraka-masɔlɛnu si ta tɔn-kenkirɛ la yi rɔ wo yarɔ ka anu sɔ nyɔ. Wole si a lɔn wo rɔ ko Mari-nimɛ ye wo tɛma.

Lankɛnimayɛ 7:1

Wo kɔma, n ya melika nani sɔnɛ yen dugu-kole-tonko-nanɛ rɔ. Dugu-kolo-fɔn-nani biranɛ anu bolo alako fɔnyɔ kana tugu dugu-kole anubɛ kɔgɔ-yi anubɛ kɔlɔmanu ma tun.