Sakaraya 6:12 - ALLALA KUMƐ

¹² A ko n ni ale Mari Sɛnbɛ-Bɛɛ-Tigita kumɛ latenbi Yasowa ma ko mɔgɔ kelen bi nala anu bi min kelela ko Kɔlɔma-Bolɔn. Wo si a matii ka Bato-Bɔn sɔ ale Mari ye.

Sakaraya 6:12 ပူးပေါင်းရင်းမြစ်များ

2 Samuwɛli 7:13

Wo le ye n bato-bɔn sɔla. N si a ma, mansayɛ ti bɔ ala bɔn la mumɛ!

Ɛsira 3:10

Wɔli-kɛlɛnu ya Bato-Bɔn kurukɛ wati min, saraka-masɔlɛnu ya anu sɔ anu sɔ tinɛnu tɔ. Anuna burinu bi anu bolo. Anu mabɛnnɛ anuna saraka-masɔ-durukinu tɔ. Esafi kebilɛ Lifayi minnu bi nyɔ, wonu sɔnɛ anuna karanyanu na anu bolo. Anu ya Mari tanto iko Mansa Dawuda ya anu nabila nya min fɔlɔn.

Ɛsira 3:8

Isirɛla mɔgɛnu ke Yerusalɛm wo san kelen karɛ kelen tenbinɛ, a karɛ fila nyɔgɛ ma, anu ya Bato-Bon-sɔɛ dabira. Silatiyɛlila den Sarababulu wo, Yɛhosadakila den Yasowa wo, saraka-masɔlɛnu wo, Lifayinu wo, anubɛ mɔgɔ-birani-kɔrɔ-toe minnu nara Yerusalɛm soe burɔ, anu dama ya wɔlɛ dabira. Lifayi kei min bɛɛsi sɔrɔn ara ke san mogan rɔ ka tenbi wo la, anu ya wonu ma Mari Bato-Bon-kumafɛlɛnnɛnu na.

Aiseya 11:1

Dawudata mansaya-bɔn manɛ iko kɔlɔma min tɛgɛnɛ a la, a kɔn-kundi tonɛ dugi rɔ. Iko kɔn-kundi wo ye a matiila nya min, mansɛ do si fɛrɛn Dawuda kegeyɛ rɔ wo nya na le.

Aiseya 4:2

Wati ye nala, Mari si a ma, fui-fannu anubɛ ki-fannu ni to sabatila. Isirɛla mɔgɛ toe minnu bi tola, wonu si nyagalen ka a tɛgɛ ki-fan wonu sabati-nya ma nyamanɛ wo rɔ.

Aiseya 53:2

A luruba-lurubɛ Alla yala iko ki-fen-hakikɛ min suli ye dugu-gbalanɛ rɔ. Kɔnɔ hadama-dan yɛ-bɔ-kunya-wo-kunya sa a la. A yen-nya si a ma, a mafɛlɛn-sɔgɛ ti mɔgɛ bira.

Yɛrɛmaya 23:5

Mari ko wati ye nala, a ye mɔgɔ-telennɛ do yabɔla Mansa Dawuda kegeyɛ rɔ min si ma mansɛ la. Mansɛ wo si mansayɛ kɛ hɛnkili la ka ko-latelennɛ kɛ nyamanɛ kan-tinɛ bɛɛ rɔ.

Yɛrɛmaya 33:15

Wo wati rɔ, a si Mansa Dawuda kegeyɛ do ma mansa-latelennɛ la. Wo si to ko-telennɛ kɛla nyamanɛ wo kan tinɛ bɛɛ rɔ.

Isikiyɛli 41:1

Wo kɔma, ko-rayirɛ wo rɔ, kei wo tara n na Bato-Bɔn bon-bɛ konko-wɛ la, Sɛnima-Tinɛ, kɔni. A ya nyɔ-don-dɛ wo suman, a kɔnɛ, nunkan-nya tan, a da-gbengbela-birɛ, nunkan-nya wɔrɔ-wɔrɔ, ka bɔ a don-dɛ da-gbengbe wo ma, ka ta dandan doi ma nunkan-nya loli le a fan filɛ la. A ya Sɛnima-Tinɛ nyɛrɛ fanan suman. A lɔngbɔn bɛnta nunkan-nya bi-nani ma, a kɔnɛ bɛnta nunkan-nya mogan ma.

Emɔsi 9:11

Mari ko tele wo ye nala, Mansa Dawudata bɔn min manɛ tonbɔn la, a si wo sɔ a kurɛ la. A si ala dandannu sɔ tun ka wo bɛɛ rabɛn iko a ye nya min fɔlɔ nun.

Maika 5:5

Ata mansayɛ si yisi-kimɛ lana Isirɛla mɔgɛnu tɛma. Asiriya kɛnu ba na bui mala nyamanɛ kɛ ma tumɛ min ka mala soenu tarɛ-dɛ keri, ma si mala kɛlɛ-kurugbɛnu nata anu kɛlɛ tinɛ.

Sakaraya 13:7

Mari Sɛnbɛ-Bɛɛ-Tigi ya a fɔ ala faan ye ko a la ni wuli a wɔli-kɛ-nyɔgɛ saga-fɛ-biralɛ kan ma. A wa ban a fagala, ala sagɛnu ta si nyɛnsɛn. Mari ko a si bui ala mɔgɛnu ma, ala sagɛnu, kɔni.

Sakaraya 3:8

Ile Yasowa min bi saraka-masɔla-kun-tigi-wayɛ la anubɛ i ta-nyɔgɔ-saraka-masɔlɛnu, wo ni wo tole masɔ. Ko-nyimɛ min bi nala mala yarɔ, wole le wo tamasere la. N si nta Mansa-yabɔnɛ lawuli worɔ, nta wɔli-kɛlɛ, kɔni.

Sakaraya 8:9

Mari Sɛnbɛ-Bɛɛ-Tigi ko wa wo kerinteya. Nɛbinu ya kumɛ minnu fɔ Bato-Bɔn kurukɛ wati rɔ nun a kurɛ la, wo ye kuma kelan wo le lamɔɛnna kaka.

Matiyu 16:18

N bi i tɔgɛ sala Pita. Wo kɔrɛ le farɛ. N si nta chɔchi sɔ farɛ wo kuma. Hali sayɛ ti nɔ-ko sɔrɔn a ma mumɛ!

Matiyu 26:61

Anu ko, “Kei kɛ ko a si ke ka Alla-Bato-Bɔn wayan ka a sɔ tun tele sawa kɔrɔ.”

Maraka 14:58

Anu ko, “Ma ya a lamɔɛn a ye a fɔla ko mɔgɛnu bara Alla-Bato-Bɔn kɛ min sɔ, a si wo wayan. Tele sawa kɔma, a si a kurɛ sɔ tun, mɔgɔ ma min sɔ.”

Maraka 15:29

Mɔgɔ-tenbimatoenu ya anu kunyɛ radɔn Yisa ma ka a lafɛya. Anu ko, “Ile. I ko i si Alla-Bato-Bɔn wayan ka a sɔ tun tele sawa kɔrɔ,

Maraka 15:39

Kɛlɛ-den-kun-tigi min sɔnɛ kɔlɔma da kɔrɔ nun, Yisa gbele-gbelenta nya min a niyi bɔ tinɛ, wo ya wo yen. A ko, “Allatalata dan nyɛrɛ le kɛ la nun serr!”

Luka 1:78

bawo mata Alla, kinikini anubɛ hina-tigi le. Ma kisilɛ ye nala ma wara la iko sun-tele-tiyi.

Yɔni 1:45

Filipi ya Nataniyɛli yen. A ya a fɔ a ye ko, “Musa ya mɔgɛ minna koe sɛbɛ tɔn-kitabu rɔ, ma ara wo yen, ado nɛbinu fanan ya wola koe sɛbɛ. A tɔgɛ le Yisa, Yusufula dan ka bɔ Nasarɛti soe burɔ.”

Yɔni 19:5

Yisa bɔra luyi ma. Anu ya mansaya-fulɛ min nadan wɔnɛ la, wo donnɛ a salɛ la anubɛ duruki-yalawulan ye a kan na. Pailɛti ya a fɔ anu ye ko, “Wo ma a yen?”

Kɛwɔlɛnu 13:38

“Nba, n na-kelen-nyɔgɛnu, wo dama ni a lɔn serr, ko Yisa si ke wo hakɛnu makotola. Musata tɔnnu ti ke wo bɔla wola hakɛ-yɔɔnyɛ rɔ. Wo ni a lɔn ko min bɛɛ dɛnkɛninyanɛ Yisa ma, wonu bara hɔrɔya hakɛ bɛɛ ma.

Kɛwɔlɛnu 17:31

ado a ara wo tele latɛgɛ a si duninya bɛɛ kiti tɛgɛ lunyɛ min telenbagayɛ la. A ara ale Yisa yabɔ ko ale le ni mɔgɛ bɛɛ kiti a ye. A ara wo yira ma bɛɛ la ata lawuli fɛ ka bɔ furinu tɛma!”

1 Kɔrɛnti 3:9

Allata wɔli-kɛ-nyɔgɛnu denu bi ma dama la. Allata sɛnɛ le wole la. Ado nfan, Allata bɔn le wo la fanan.

Hiburunu 10:12

Kɔnɔ Kirasiti ara saraka kelen pe bɔ hakɛla ko la ka dan wo ma! Wo ban, a ya a mayigi Alla kɔɛn-nyimɛ rɔ.

Hiburunu 7:24

Kɔnɔ Yisa ye a kɛndɛ la habadan! Woletɔ ala saraka-masɔ-wɔlɛ la ti tenbi mɔgɔ-gbɛrɛ ma,

Hiburunu 7:4

Wo ni wo miri Mansa Mɛlikisidakila gbiliya-makawanɛ ma, a ye nya min! Ma benba Iburayima ya fan min bɛɛ sɔrɔn kɛlɛ rɔ, wo ya wo bɛɛ yaka di a ma.

Hiburunu 8:3

Saraka-masɔla-kun-tigi-wɛ bɛɛta wɔlɛ ye min na, wo le ka kɔ-fannu anubɛ sarakɛnu masɔ Alla ye. Woletɔ fɔ fan do ni taran mata saraka-masɔla-kun-tigi-wɛ fanan bolo a si min bɔ.