Sakaraya 6:11 - ALLALA KUMƐ

¹¹ Anu ya sɛnɛ anubɛ wodi-gbɛ minnu ma kɔ-fan la, a ko n ni wonu nadan mansaya-fulɛ la. N ni ta wo don Saraka-Masɔla-Kun-Tigi-Wɛ Yasowa kunyɛ la, Yɛhosadakila dan, kɔni.

Sakaraya 6:11 ပူးပေါင်းရင်းမြစ်များ

2 Samuwɛli 12:30

Mansa Dawuda ya anuna mansɛla mansaya-fulɛ bi a kunyɛ la ka a don a nyɛrɛ salɛ la. Fulɛ wo, sɛnɛ le wo la. Kuru-da-gbɛlɛnu sanɛ a ma tala. Ala gbiliyɛ anubɛ fui-fan bɔrɔ-talɛla gbiliyɛ rakɛn de. Wo kɔma, kɛlɛ ya fan minnu bira, a ya wo siyaman bi.

Ɛsira 10:18

Sibolo-gbɛrɛkɛ-musi ye saraka-masɔlɛ minnu bolo, wonu tɔgɛ le kɛnu na. Yɛhosadakila den Saraka-Masɔla Yɛsuwa wo, anubɛ a na-kelen-nyɔgɔ mɔgɔ nanɛ, Meyaseya anubɛ Ɛliyesa anubɛ Yaribu anubɛ Kɛdalaya.

Ɛsira 3:2

Yɛhosadakila den Yasowa wo, a ta-nyɔgɔ-saraka-masɔlɛnu wo, Siyatiyɛlila den Sarababulu wo, Sarababulu na-kelen-nyɔgɛnu wo, wonu ya Isirɛlata Allata saraka-mintan-tinɛ ladan. Anu ya wo ladan alako anu ni ke saraka mintanna a kuma iko Allata mɔgɛ Nɛbi Musa ya a sɛbɛ tɔn-buku rɔ nya min nun.

Yaburi 21:3

Ile Mari ya mala mansɛ sɛnibɔ ka bɔ kɛlɛ rɔ duwa-belebele la. I ya mansaya-fulɛ sigi a kunyɛ la min nadannɛ sɛnɛ la.

Bɔ-Koe-Iyipiti 29:6

I ni saraka-masɔla-wɛta fulɛ don a kunyɛ la ka sɛnɛ-fagbatarɛ kiri fulɛ wo ma.

Bɔ-Koe-Iyipiti 39:30

Anu ya sɛnɛ ladan ka a ma fagbatara! Anu ya a sɛbɛ sɛnɛ wo ma ko, “Dantɛgɛnɛ Mari Ma.”

Keninteya-Siginu 3:11

Wole Yerusalɛm sunkurɔnnu, wo na Mansa Silamɛni yen. A na le ya mansaya-fulɛ don a salɛ la. A ya mansaya-fulɛ kɛ di a ma ala kɔnyɔ-masɔ-ladiyɛla ko la, a nyagalen-tele rɔ, kɔni.

Saraka-Masɔlɛnuta Tɔnnu 8:9

Musa ya saraka-masɔla-kun-tigiya-fulɛ wo bi ka a don Aruna salɛ la. A ya sɛnɛ-fagbataranɛ kiri ala fulɛ yarɔ. Sɛnɛ wo si a yira mɔgɛnu na ko ale dantɛgɛnɛ Mari ma. Musa ya wo dama ma iko Mari ya a fɔ a ye nya min nun.

Hegayi 1:1

Pasiya nyamanɛ donta Mansa Dariyasi bolo, wo san kelen a fila nyɔgɛ, a karɛ wɔrɛ, tele fɔlɛ ma, Mari ya sarakanɛ kɛ don nde Nɛbi Hegayi bolo wo wati rɔ ka a fɔ Yuda nyamani-tigi anubɛ saraka-masɔla-kun-tigi-wɛ ye. Nyamani-tigi wo tɔgɛ le Sarababulu. A fa tɔgɛ le Siyalitiyɛli. Saraka-masɔla-kun-tigi-wɛ wo fanan tɔgɛ le Yasowa. A fa tɔgɛ le Yɛhosadaki.

Hegayi 1:14

Mari ya nyamani-tigi anubɛ saraka-masɔla-kun-tigi-wɛ anubɛ Isirɛla mɔgɛ toe bɛɛ lakerinteya a Bato-Bon-wɔlɛ ma. Dariyasila mansayɛ san fila, a karɛ wɔrɛ, tele mogan-ni-nanɛ ma, Isirɛla mɔgɛnu ya anuta Mari Alla Sɛnbɛ-Bɛɛ-Tigita Bato-Bon-sɔɛ dabira wulɔn.

Hegayi 2:4

Ile Sarababulu, i kana hɔn. N bi i fɛ. Saraka-Masɔla-Kun-Tigi-Wɛ Yasowa, i sɛbɛ don. Wole Isirɛla mɔgɛ bɛɛsi, wo ni wo sɛbɛ don ka wo raya.

Sakaraya 3:1

Ko-rayirɛ do fanan tɔ tun, Mari ya Saraka-Masɔla-Kun-Tigi-Wɛ Yasowa yira n na. A sɔnɛ Mari yakɔrɔ melikala muninyɛ rɔ. Setanɛ sɔnɛ ale Yasowa bolo nyimɛ wara la. Yasowa tɔgɔ-tinya-sɔgɛ ye a la anu bolo.

Sakaraya 3:5

Nde, Sakaraya ya a fɔ Marita wɔli-kɛlɛnu ye ko anu ni na nɛ la ka a mini ale Yasowa kunyɛ la iko fulɛ. Anu ban wo mala, anu ya kura-kurɛnu don a ma. Kɛ dama rɔ, Mari sɔnɛ nyɔ.

Sakaraya 6:14

A ko mansaya-fulɛ wo si to Mari Bato-Bɔn la alako mɔgɛnu ni to anu mirila Hɛladayi anubɛ Tobaya anubɛ Yɛdaya anubɛ Yosaya ma.

Hiburunu 2:9

Kaka, ma ye Yisa le yenna mansayɛ kɛla bonyɛ anubɛ gbiliyɛ rɔ ka a tɛgɛ ata saya-tɔrɔyɛ ma. Melikanu tenbira a la nun wati-kundu-ni kɔrɔ alako a si faga mɔgɛ bɛɛ ye nya min Allata hinɛ baraka rɔ.

Lankɛnimayɛ 19:12

A yɛ mani de iko ta-mɛlan. Mansaya-fulɛ siyaman bi a kunyɛ la. Mɔgɔ-wo-mɔgɔ ma tɔgɛ min lɔn bɛ fɔ ale nyɛrɛ, wo le sɛbɛnɛ a ma.

Lankɛnimayɛ 6:2

N ya so-gbɛ do yen. Min siginɛ a kuma, kalabɛn ye wo bolo. Alla ya mansaya-fulɛ di wo ma. A bɔra iko mɔgɛ min duruta nɔlɛ kɛla.