Sakaraya 5:4 - ALLALA KUMƐ

⁴ Mari Sɛnbɛ-Bɛɛ-Tigi ko dankɛ wo si don wonuna bɔnnu na ka a bon-kɔlɔmanu keri anubɛ a bon-kuri minnu siginɛ anu nyɔgɔn kuma. Digi Yen-Koe

Sakaraya 5:4 ပူးပေါင်းရင်းမြစ်များ

Yobu 18:15

Anu si munku-gbɛ nyɛnsɛn ala fani-bɔnla foolɛ rɔ alako ala kirayɛ ra kana nyɛnsɛn. A ara bɔn min to, nyɔ wa diya min ye, wo si ta sigi nyɔ.

Yobu 20:26

A ara min bɛɛsi lamara a nyɛrɛ ye, wo dama si tinya. Hadama-dan ma tɛ min nadɛn, wo si anubɛ ala denbayɛ mintan gburr!

Yobu 8:15

Mɔgɛ wa a lɛngbɛn yalanyalan-yili wo rɔ, wo si a sɛnbɛ bira, wa? Mɔgɛ wa a dun yesekara-kolo kelan la, wo si a dɛnbɛ a lasɔla?”

Yobu 8:22

Ila ko-gboyanɛ minnu ye, a si wonu nayarabi. Kɔnɔ karagbɛlɛnuna bɔnnu si kasara pɔ!

Hɛnkilimaya-Kumɛnu 3:33

Mari si dankɛ ladon karagbɛlɛnuna bɔn la kɔnɔ a si duwɛ layigi mɔgɔ-telennɛnu barɛ.

Aiseya 24:6

Woletɔ Alla ara dugi danka ka mɔgɛnu sara anuta ko-yogomɛla ko la. Minnu bara to anu niyi la, donu bi tola bɔla wonu na.

Yɛrɛmaya 2:26

Ni mɔgɛ ara kankan bira kankanya-kɛ-tinɛ, a si miliya, ado wole Isirɛla mɔgɛnu fanan bara miliya wo nya na le. A mansa wo, a kun-tigi wo, a saraka-masɔla wo, a nɛbi wo, wo bɛɛ ara miliya tɛrr!

Hoseya 4:2

A ko wo ye mɔgɛnu dankala. Wo sa wola lanyirinu natɔnbagayala. Wo ye mɔgɔ-fagɛ kɛla, wo ye kankanyɛ kɛla, wo ye yɛlɛnyɛ kɛla. Wo ara wunduyogoyɛ dan-natenbi. Yanni do ni kimɛ, wo ara do faga.

Hoseya 4:3

Woletɔ a ko wola dugi ra ye gbalala le todo! Fan min bɛɛ ye a rɔ, wo bɛɛ si faga. A sogo wo, a koni wo, a yɛgɛ wo, a ko wo bɛɛ la si to dogbe!

Emɔsi 3:10

“Mari ko wo si a yen, anu bi anuna bon-hakikɛnu nafala kankanya-fannu na. Anu bi buila mɔgɛnu ma ka fan wonu bi anu bolo. Anu ma telenbagaya-kilɛ lɔn muk!

Sakaraya 5:3

Wo kɔma, a ya a fɔ n ye ko dankalɛ sɛbɛnɛ a rɔ min si bui nyamanɛ bɛɛ rɔ. Min sɛbɛnɛ a tɔnkɔn doi rɔ ko minnu si kankanyɛ kɛ, wo bɛɛ la si to nyamanɛ rɔ. Min sɛbɛnɛ a tɔnkɔn doi fanan tɔ ko min bɛɛsi ye foninyɛ fɔla gboroli-kɛ-tinɛ, wonu fanan na si to nyamanɛ rɔ dogbe!

Sakaraya 8:17

A ko wo kana wo miri ko-yogomɛ ma wo nyɔgɔn tɔgɔ rɔ. A ko wo kana foninyɛ fɔ gboroli-kɛ-tinɛ bawo foninya-fɔɛ wo, telenbɛlitayɛ wo, wunduyogoyɛ wo, a ko wonu gbo a ye.

Malakayi 3:5

Mari Sɛnbɛ-Bɛɛ-Tigi ko a si bɔ gbɛ rɔ wo ye ka ko-yogoma-kɛlɛnu makuma. A duru wo, a yɛlɛn wo, a foninya-sereya-fɔla wo, minnu bi wɔli-kɛlɛnu kensunyala anu sarɛnu kuma wo, a kɛɛ-musu bolo-labirala wo, a kelenni bolo-labirala wo, a sundan bolo-labirala wo, ado anu fenfen sa a gbiliyala, a si wo bɛɛ kiti!

Tɔn-Fɔɛ-Fila-Nyɔgɛ 28:16

“Wola soenu anubɛ wola wɔli-kɛ-tinɛnu si dankɛ sɔrɔn.

Tɔn-Fɔɛ-Fila-Nyɔgɛ 7:26

Anuna bɛsɛ wonu sɔgɛ la ni bɔ wo la lass bawo anu bi Marila dankɛ le kɔrɔ. Ni wo ya bɛsɛ kɛ do bi ka na a la wola bɔnnu na, dankɛ min bi anu kuma, wo si wole fanan bira.

Yasowa 9:20

Ma si min ma, wo le kɛ la. Ma si anu kɛndɛ to iko ma ya lanyiri kiri nya min. Ni ma ya anu tinya, Mari si ma tɔrɔya.