Sakaraya 4:7 - ALLALA KUMƐ

⁷ A ko hali fan minnu kolo iko kɔnkɛ, wo si tunu Mansa Sarababulu yarɔ yen! Wo si ma iko lɛɛ. A ko ale Sarababulu si Bato-Bɔn sɔ-kura-kɛ tun, ado ale ye Bato-Bon-kuri laban sigila tele min ma, mɔgɛnu si a fɔ ko, “Alamɛ Marita duwɛ tora a kuma.”

Sakaraya 4:7 ပူးပေါင်းရင်းမြစ်များ

Ɛsira 3:10

Wɔli-kɛlɛnu ya Bato-Bɔn kurukɛ wati min, saraka-masɔlɛnu ya anu sɔ anu sɔ tinɛnu tɔ. Anuna burinu bi anu bolo. Anu mabɛnnɛ anuna saraka-masɔ-durukinu tɔ. Esafi kebilɛ Lifayi minnu bi nyɔ, wonu sɔnɛ anuna karanyanu na anu bolo. Anu ya Mari tanto iko Mansa Dawuda ya anu nabila nya min fɔlɔn.

Yaburi 114:4

Kɔnkɛnu ya gberenya bɔ iko baa-dan. Gburukulinu ya gberenya bɔ iko saga-dan.

Yaburi 114:6

Nfen ya a to, wole kɔnkɛnu bi gberenya bɔla iko baa-dan? Nfenna wole gburukulinu bi gberenya bɔla iko saga-dan?

Yaburi 118:22

Bon-sɔlɛnu ya anu ban kuri min na ko fen ma, wo le ara ma sɛbɛna-kuru-tɔnɔnamɛ la.

Yaburi 84:11

Ma latankalɛ le Mari la, ado mala gbiliya-mansɛ le. Ala duwɛ ye ma fɛ ka kinikinɛ anubɛ gbiliyɛ di ma ma. A ti ko-nyimɛ bɔ mɔgɔ-telennɛ telen tɔ.

Aiseya 28:16

Kɔnɔ Mari ye min fɔla wo ye, wo ni wo tole masɔ wo la. A ko a ye nala bɔn min sɔla ata kɔnkɔ-sɛnimɛ kuma, a si bɔn wo kurukɛ fanka rɔ. A ko a ye kuru fɔlɔtɛ min sigila, a kuru-toe bɛɛ ye sigila sɛbɛna-kuru-tɔnɔnamɛ wo le kuma, ado min bɛɛ lanɛ kuru fɔlɔtɛ kɛ la, a ko wonu yigi ti tɛgɛ muk!

Aiseya 41:15

Wo si ma iko fui-fen-gbesi-fan, a da lasulennɛ, ado a si wɔli a kin na! Wo si kɔnkɛnu tii mɛmɛ! Gburukulinu si ma iko fui-fen-fofe.

Yɛrɛmaya 51:25

A ko Babilɔn mani de iko fara-belebele-wɛ min si duninya bɛɛ halaki. Kɔnɔ Mari ko a yoge le ale la. A ko a si a latosokoro a kɔɛn la kɔnkɛ ma ka a mintan ka anu ma gbangban la!

Maika 1:4

Kɔnkɛnu si lee a tontɛ kɔrɔ iko mɔgɔ wa kɛɛn sa tɛ rɔ. Kɔnkɔ-leenɛ wonu si to yigila folo-wɛnu tɔ iko gboron-gboronna-yi.”

Maika 4:1

“Wati si na, Marita Bon-Sɛnimɛ sɔnɛ kɔnkɛ min kuma kɛ la, wo si ma kɔnkɔ-layan-bɛ la ka tenbi kɔnkɔ bɛɛsi la mɔgɛ bɛɛ yala. Sibolo-gbɛrɛkɛ-mɔgɛnu si na ke nyɔ.

Habakuku 3:6

Ile Alla wa dan kan min, dugu si yɛrɛyɛrɛn nyɔ rɔ. Hali i wa i kolan tɔnkɔn sɔ minnu na, wonu kun ma si kɔ. Kɔnkɛ minnu bara mɛ, wonu si tii nya-kun-kelen ka ma lɛɛ la. Hali i wara i tontɛ sɔ kɔnkɛ minnu kuma nun, wonu fanan si tii mɛmɛ!

Sakaraya 4:8

Nde, Sakaraya ya Marita sarakani-gbɛrɛ lamɔɛn.

Sakaraya 4:9

A ko Sarababulu ara ban Bato-Bɔn kurunna. A ko fɔ a wa a toe laban. Mari ko a wa a kundon tumɛ min, wo ye a lɔnna wo le ma ko ale le ya n sɔ wo ma.

Matiyu 21:21

Yisa ya anu yabi ko, “Wo ni wo hɛnkili to kɛ ko! Ni dɛnkɛninyɛ ye wo bolo, ado wo ma sika, n bara min kɛ toro-kuri kɛ la, wole fanan si ke wo nyɔgɔn kɛla. Wo dɔrɔn ma, wo si ke hali ka a fɔ kɔnkɛ kɛ ye ko, ‘Bɔ yan. I ni ta bui kɔgɔ-yi rɔ.’ Wo si ma le.

Matiyu 21:42

Yisa ya a fɔ anu ye ko, “A sɛbɛnɛ Allata kitabu rɔ ko, ‘Bon-sɔlɛnu ya anu ban kuri min na, wo le ara ma sɛbɛna-kuru-tɔnɔnamɛ la. Mari nyɛrɛ-nyɛrɛ ya kɛ ma, ado wo mara kabana-ko-wɛ la ma yala!’ Ha bi, wo ma wo karan bɛ, wa?

Maraka 12:10

Wo ma Allata kitabu kan tinɛ wo karan bɛ, wa? A ko, ‘Bon-sɔlɛnu ya anu ban kuri min na, wo le ara ma sɛbɛna-kuru-tɔnɔnamɛ la.

Luka 20:17

Yisa ya anu mafɛlɛn sin, ka nyinikalɛ kɛ ko, “Allata kitabu kɛ kɔrɛ ye kama min ko, ‘Bon-sɔlɛnu ya anu ban kuri min na, wo le ara ma sɛbɛna-kuru-tɔnɔnamɛ la?’

Luka 3:5

Anu ni fole bɛɛ lafa ka kɔnkɛ anubɛ gburukuli bɛɛ tii alako anu ni ma lɛɛ la. Anu ni kila-radunɛ bɛɛ latelen ka kila-gbɔgɔsa-gbagasɛ bɛɛ manunku.

Kɛwɔlɛnu 4:11

A sɛbɛnɛ ale Yisala ko la ko, ‘Bon-sɔlɛnu ya anu ban kuri min na, wo ara ma sɛbɛna-kuru-tɔnɔnamɛ la,’

Romu 11:6

Alla ya wonu yatɔnbɔn ala hinɛ le fɛ. A ma tɛgɛ anuta kɛwɔlɛnu ma, ado ni wonu yatɔnbɔnta anuna kɛwɔlɛnu denuna ko la nun, hinɛ wo ti ma hina-bɛrɛ la feu!

Ɛfɛsa 2:20

Kilayɛnu anubɛ nɛbinu mara bon-kurukɛ-fan la min kɛ, wole ara ma a bon-dagɛ la, ado Kirasiti nyɛrɛ le bɔn wo sɛbɛna-kuru-tɔnɔnamɛ la.

1 Pita 2:7

Kuri kɛ gbiliyanɛ wole dɛnkɛninya-mɔgɛnu bolo kati! Kɔnɔ dɛnkɛninyabɛlɛnu ma a lɔn ko, “Bon-sɔlɛnu ya a fɔ kuri min ma ko fen ma, wo le ara ma sɛbɛna-kuru-tɔnɔnamɛ la.”

Lankɛnimayɛ 16:20

Dugu-yɛrɛyɛran ya a ma, yi-tɛma-dugi bɛɛ tununta yen! Kɔnkɛ bɛɛ tununta fanan yen!