Sakaraya 4:14 - ALLALA KUMƐ

¹⁴ A ko, “Mɔgɔ filɛ le kɛnu na duninya-mumɛ-tigi Mari ara minnu yabɔ ka ma ala wɔli-kɛlɛnu na.”

Sakaraya 4:14 ပူးပေါင်းရင်းမြစ်များ

1 Mansɛnu 17:1

Nɛbi do bɔra Tisiba soe burɔ Kaliyadi nyamanɛ rɔ. A tɔgɛ le Ilaya. Nɛbi wo tara a fɔ Mansa Ehabu ye ko, “N bi Isirɛlata Mari Alla-nimɛ min batola, n bara n keli wo tɔgɔ rɔ ko duri ti yigi, bandɛ ti na san-dande kɛ kɔrɔ Isirɛla nyamanɛ kɛ rɔ yan fɔ nde, Ilaya wa a fɔ ko bandɛ ni na.”

Ɛsira 5:2

Silatiyɛlila den Sarababulu anubɛ Yɛhosadakila den Yasowa ya anuna kumɛ lamɔɛn tumɛ min, anu donta Bato-Bon-sɔɛ rɔ tun. Nɛbi mɔgɔ filɛ wonu fanan tugunta anu na wɔlɛ wo rɔ.

Yaburi 110:4

Mari nyɛrɛ ya lanyiri kiri, ado a ti wo tinya muk! A ko ale mansɛ si ma saraka-masɔlɛ la habadan iko Mɛlikisidaki.

Yaburi 2:6

A ko ale ara ata mansɛ yabɔ. A ya a sigi ata kɔnkɔ-sɛnimɛ kuma Yerusalɛm soe burɔ.

Yaburi 89:20

I ko i wara ila wɔli-kɛla Dawuda ma mansɛ la, ado i wara dantɛgɛ-tuli kɛ wo salɛ rɔ.

Bɔ-Koe-Iyipiti 29:7

I ni dantɛgɛ-tuli do bi ka a kɛ a kunyɛ rɔ, ka a dantɛgɛ nde, Mari ma.

Bɔ-Koe-Iyipiti 40:15

ka tuli kɛ anu fanan kunyɛ rɔ iko i ya a ma anu fa la nya min. Anu fanan si nta saraka-masɔ-wɔlɛ kɛ. I wara tuli min kɛ anu kunyɛ rɔ kɛ la, wo si a ma, anu si to saraka-masɔ-wɔlɛnu kɛla n ye ha tumɛ min di nde, Alla ye.”

Aiseya 5:1

N tenbi sigi sala, wo ni wo tole masɔ n na. Sigi kɛ ye sala n diyana-mɔgɛ anubɛ ala ki-fan denuna ko la. Nakɔɛ do ye n diyana-mɔgɛ bolo nun. A ye dugu-nyimɛ rɔ kɔnkɛ ma.

Aiseya 54:5

I Dali-Mari si ma i ye iko ila kei. A tɔgɛ le Mari Sɛnbɛ-Bɛɛ-Tigi. I kunkalɛ le Isirɛlata Alla-sɛnimɛ la. Duninya mumɛ bɛɛta Alla le ale la.

Yɛrɛmaya 49:19

Mari ko a si a ma, Idɔm kɛnu ni anu buri iko yarɛ wa bɔ Yorodan-ba-gbɔngbɔn rɔ ka ta a kun nabɔ kolo-fen de-nyini-tinɛ ma. Wo kɔma, Mari wa mɔgɛ min yabɔ, wo le ye Idɔm kɛnuna nyamanɛ wo marala. Mari ko ale Mari nyɔgɔn sa nyɔ. Yon si a kɔgɔ raka a ye? Kun-tigi yon si ke a rasɛla?

Saraka-Masɔlɛnuta Tɔnnu 8:12

Wo kɔma, a ya tuli kɛ Aruna salɛ rɔ ka a dantɛgɛ Mari ma.

Maika 4:13

Wole Yerusalɛm kɛnu, wo ni wo lasɔ wo yogenu kɛlɛ-koe la. Mari si wo kolo gbɛlɛya iko turɛ min kere gbɛlɛ iko nɛgɛ. A kin-turi gbɛlɛyanɛ iko silɛɛ. Wole Isirɛla mɔgɛnu si wo yogenu bunden gburr! Wo ye fan minnu bila anu bolo kɛlɛ rɔ, wo si wonu natenbi duninya-tigi-Mari ma.

Sakaraya 6:13

A ko wo le ye Bato-Bɔn sɔla, ado bolɔn wo fanan si gbiliyɛ sɔrɔn iko mansɛ ye a sɔrɔnna nya min ka mansayɛ kɛ ala mɔgɛnu kun na. Ale mansɛ si ma saraka-masɔlɛ la ka sigi mansaya-waganɛ rɔ. Yisi-kimɛ si taran sɔ-tina filɛ kɛnu tɔ.

Sakaraya 6:5

A ya a fɔ n ye ko, “Kɛnu nanɛ ka bɔ duninya-tigi Mari bolo. Wonu bi tala duninya-tonko-nanɛ rɔ.”

Luka 1:19

Melika ya a yabi ko, “Melika Yibirila le nde la. Nde le sɔnɛ Alla yakɔrɔ. Ale le ya n sɔ i wara kibara-nyimɛ kɛ fɔ tinɛ.

Tɔn-Fɔɛ-Fila-Nyɔgɛ 10:8

Wo wati rɔ, Mari ya Lifayi bɔnsɔn-mɔgɛnu yabɔ ko anu ni tɔn-kenkirɛ wo fɛ-bira. Anu si ma saraka-masɔlɛnu na. Anu si to Mari anubɛ mɔgɛnu tɛma ka duwa anu ye Mari tɔgɛ rɔ. Wɔli-su wo le anu bolo ha bi.

Yasowa 3:11

Saraka-masɔlɛnu si ta tɔn-kenkirɛ la yi rɔ wo yarɔ ka anu sɔ nyɔ. Wole si a lɔn wo rɔ ko Mari-nimɛ ye wo tɛma.

Yasowa 3:13

Saraka-masɔlɛnu ba anu kian sɔ yi rɔ tumɛ min, yi wo si gbala. Yorodan-ba-yi la si dɛn anu nyɔgɔn kuma,”

Lankɛnimayɛ 11:4

Nɛbi filɛ wonu, ɔlifi-kɔlɔma filɛ anubɛ lɛnpu filɛ le wonu na. Kɛnu denu sɔnɛ Duninya-Mumɛ-Tigi-Mari yakɔrɔ.

1 Samuwɛli 10:1

Samuwɛli ya dantɛgɛ-tuli do bi ka a kɛ Sɔli kunyɛ rɔ ka a sunbu. A ko, “Mari ara ile le yabɔ ka ma mansɛ la Isirɛla mɔgɛnu kun na. I si mansayɛ kɛ Marita mɔgɛnu kun na ka anu matanka anu yogenu ma minnu bi anuna foolɛ rɔ. I wa bɔ n dafɛ bi, i si kemini fila taran Resɛli kanbɛ dafɛ Sɛlɛsa soe kɔma Bɛnyamɛta nyamani-dan la. Kemini filɛ wonu si a fɔ i ye ko, ‘I ye sofɛlɛ minnu nyinina nun, wonu bara yen.’ Anu si a fɔ tun ko, ‘I fa hɔnni ma sofɛlɛ wonu wara-koe la tun. A hɔnnɛ ile le wara-koe la gbɛ bawo tuma-wo-tuma, a ye a fɔla ko a ma a lɔn a si min ma ala dan wara-koe rɔ. Wo bɛɛ wa ma tumɛ min, wo le ye a yirala i la ko Mari le wara i yabɔ ka i ma mansɛ la.’

1 Samuwɛli 16:1

Mari ya a fɔ Samuwɛli ye ko, “Ile yisi-tinyanɛ si to Sɔlila ko la ha tumɛ nyamintan? N bara n ban ala mansayɛ ma nun Isirɛla kun na. Dantɛgɛ-tuli do bi. I ni ta a la i bolo Bɛtalehɛm. I si kei do taran nyɔ min tɔgɛ Yɛsi. N bara ala dan do yabɔ ko a ni ma mansɛ la.”