Sakaraya 3:5 - ALLALA KUMƐ

⁵ Nde, Sakaraya ya a fɔ Marita wɔli-kɛlɛnu ye ko anu ni na nɛ la ka a mini ale Yasowa kunyɛ la iko fulɛ. Anu ban wo mala, anu ya kura-kurɛnu don a ma. Kɛ dama rɔ, Mari sɔnɛ nyɔ.

Sakaraya 3:5 ပူးပေါင်းရင်းမြစ်များ

Yobu 29:14

Tuma-wo-tuma, n bi ko-latelennɛ kɛla, ado n ti ko-radunɛ kɛ mɔgɛnu tɛma muk!

Bɔ-Koe-Iyipiti 29:6

I ni saraka-masɔla-wɛta fulɛ don a kunyɛ la ka sɛnɛ-fagbatarɛ kiri fulɛ wo ma.

Aiseya 3:23

anuna duruku-kɔrɔ-don wo, anuna da-lafiran-fen wo, anuna kun-makiri-kurɛ wo, anubɛ anuna kan-makɛ-kura wo, a si wo bɛɛ bi anu bolo.

Aiseya 61:10

Mari le ya a ma, ma ara sewa dɔgɔma-ma-de! Alla ya a ma, n niyi ra ara diya. Mari ara kisi-koe fɛrɛya-bɔɛ di ma ma. A ya ata nyimayɛ ma duruku-ba la. Ma manɛ iko kɔɛn-tigi min mabɛnnɛ yɔnyɔn! Ma manɛ fanan iko kɔɛn-kurɛ min makirinɛ fen-kolomɛnu na.

Isikiyɛli 42:14

Ni a taranta saraka-masɔlɛ do ye bɔla Bato-Bɔn la ka ta kata burɔ mɔgɔ-gbɛrɛnu nadɛnnɛ kan min, yanni a ni ta nyɔ, a si Marita saraka-masɔ-kurɛnu bɔ ka wonu to konko wonu na bawo kurɛ wonu sɛninyanɛ. A si a halala-kurɛnu don yanni a ni ta mɔgɛ doinu tɛma.”

Sakaraya 3:6

Mari Sɛnbɛ-Bɛɛ-Tigi ya ale Yasowa makawandi. A ko, “Ni i ya nta tɔnnu bira ka ila saraka-masɔ-wɔlɛ bɛɛ kɛ n ya min di i ma, n si a ma, i ni to nta Bato-Bɔn anubɛ a kata kun na. N si sɔn ile Yasowa ni basan nde, Mari dafɛ-melikanu na.

Sakaraya 6:11

Anu ya sɛnɛ anubɛ wodi-gbɛ minnu ma kɔ-fan la, a ko n ni wonu nadan mansaya-fulɛ la. N ni ta wo don Saraka-Masɔla-Kun-Tigi-Wɛ Yasowa kunyɛ la, Yɛhosadakila dan, kɔni.

Lankɛnimayɛ 4:10

kɛmɔgɔ mogan-ni-nani wonu si anu sa a kɔrɔ. Ale min nimayanɛ habadan, anu bi wo batola ka anuna mansaya-fulɛnu sa mansaya-sigi-fan wo kɔrɔ ka a fɔ ko,

Lankɛnimayɛ 4:4

Mansaya-sigi-fen mogan-ni-nani ye mansaya-sigi-fen kelan wola foolɛ rɔ. Kɛmɔgɔ mogan-ni-nani mayiginɛ wonu tɔ. Anu fɛrɛya-bɔnɛ kura-gbɛ la. Sɛnɛ-mansaya-fulɛ ye anu salɛnu na.