Sakaraya 2:8 - ALLALA KUMƐ

⁸ Mɔgɔ-wo-mɔgɔ ya wole gbesi, a ara fan gbesi min di ale Mari ye iko a yɛ.” Mari Sɛnbɛ-Bɛɛ-Tigi ya sarakanɛ kɛ don n bolo sibolo-gbɛrɛnuna ko la minnu ya ala mɔgɛnu bira.

Sakaraya 2:8 ပူးပေါင်းရင်းမြစ်များ

Ko-Dabirɛnu 20:6

Alla ya a fɔ ale mansɛ wo ye kiyo wo rɔ ko, “Ɔnde, n ya a lɔn i wara kɛ ma i yisi-gbɛnɛ la. Woletɔ n ma sɔn i ni i bole tugu ale Sira la ka hakɛ kɛ nde la.

2 Mansɛnu 24:2

Mari ya a ma, nyamani-kun nani mɔgɔ-kurɔn donu wulita Yuda nyamanita-mɔgɛnu kan ma iko Mari ya a fɔ ala wɔli-kɛla nɛbinu ye nya min nun. Kurun do bɔra Babilɔn, do nara ka bɔ Siriya nyamanɛ rɔ, do nara ka bɔ Mohabu nyamanɛ rɔ, anubɛ do nara ka bɔ Amon nyamanɛ rɔ.

Yaburi 17:8

A ma, n ni to tankɛ rɔ iko mɔgɛ si a yɛ matanka nya min. N sigi i kanban kɔrɔ

Hɛnkilimaya-Kumɛnu 7:2

Ni i ya a ma iko n bara a fɔ i ye nya min, i siyi-fɛ si yanya. I ni a ma i fɛrɛma. I ni nna kumɛnu bira iko i si i yɛ fɛ-bira nya min.

Aiseya 49:19

Ile Yerusalɛm soe, ila nyamanɛ ara tinya ka ma tonbɔn la kɔnɔ minnu bi nala sigila nyɔ gbɛ, nyɔ ra si dɔgɔya anu ma tun. Anu denu minnu ya i tinya, anu si ta i ma wula la pon!

Yɛrɛmaya 12:14

Mari ya a fɔ nde, Yɛrɛmaya ye ko sibolo-gbɛrɛ-karagbɛlɛ minnu si nyamanɛ bi ata Isirɛla mɔgɛnu bolo, a ye kɛ le sigila wonu ma. A ko a si anu wurun anuna nyamanɛ rɔ ka anu nakɛ a rɔ iko a si Yuda mɔgɛnu wurun anu tɛma nya min.

Yɛrɛmaya 27:7

Ale mansɛ wo, ala dan wo, a mamanɛ wo, nyamanɛ bɛɛ si mansɛ wonu sako kɛ ha ale fananna nyamanɛ bu-wati ni ke. Wo wati wa ke, ale fananta mɔgɛnu kunyɛ si don mansa-gbɛrɛkɛnu bolo min sɛnbɛ kolo aletɛ ko.

Isikiyɛli 25:12

“Nde, wo Tigi Mari ko Idɔm nyamanita-mɔgɛnu fanan bara tayili-sara-yogomɛ min kɛ Yuda mɔgɛnu na, wo ara a ma, Idɔm kɛnu bara to yiliki-banbɛlɛ kɔrɔ.

Isikiyɛli 25:15

“Nde, wo Tigi Mari ko Filisitinu bara anu tayili sara anu yogo-kɔrɔkɔrɛnu, Yuda kɛnu na min kɛ, ado anu ya anu halaki ka anu serendi yisi-bɔɛ bolo,

Isikiyɛli 26:2

“Ile hadama-dan, Taya so-burɔ-mɔgɛnu bi anu diyala-a-la ko Yerusalɛm ara tinya pɔ! Anu bi a fɔla ko Isirɛla nyamanɛ min mara duninya bɛɛ yilaya-dɛ la nun, wo ara tinya. Anu ko anu denu si Isirɛla gbɛ bi gbɛ!

Isikiyɛli 26:20

N si Taya kɛnu layigi lakira ka anu kofu nyɔ-dugurɛn-kɔrɛnu ma. N si a ma, anu ni to dugu-kɔrɔ-soe wo rɔ tolon! Anubɛ furinu si to kirabɔla anu nyɔgɔn fɛ lakira nyɔ. Mɔgɔ-wo-mɔgɔ ti sigi Taya soe burɔ tun. Anu ti sɔ-tina fenfen sɔrɔn tun mɔgɔ-nimɛnu tɛma.

Isikiyɛli 35:5

“Isirɛla yogo-fin-bɛ le Idɔm mɔgɛnu na bawo anu sɔnta ko sibolo-gbɛrɛnu ni Isirɛla mɔgɛnu faga anu tɔrɔ-wati rɔ, ado anu tɔrɔ-wati-laban anuna hakɛla ko la, anu ya anu yɛ gbala anu na dɔrɔn.

Isikiyɛli 36:11

A mɔgɔ wo, a ninki wo, n si a ma, wo bɛɛ ni yiri tun bui! Anu si siyaya ka tenbi a fɔlɔtɛ la. N si a ma, anu ni sigi nyɔ lafɛrɛ rɔ iko anu bi nyɔ nya min kɔrɔma la. N si anu nasabati ka tenbi a fɔlɔtɛ la. Wo kɔma, anu si a lɔn ko Mari le nde la.

Isikiyɛli 38:11

A ko ale Kɔgi si a latɛgɛ ko a ni bui Isirɛla nyamani-kimanɛ wo ma min nafɛrɛnɛ, ado tarɛ minini ma nyamanɛ wo soenu ma.

Isikiyɛli 38:14

Woletɔ n Tigi Mari ya n sɔ Mansa Kɔgi wara ka kilayɛ kɛ fɔ a ye. A ko ale Marita mɔgɛnu tenbi lafɛrɛ rɔ, ale Mansa Kɔgi si wo rayen. A si wuli

Emɔsi 1:11

“Mari ko wole Idɔm mɔgɛnu, wo ara hakɛ dan-natenbi, ado a si wo tɔrɔ, yɔ! Wo ara wola kɛlɛ-kɛ-mirannu bi ka wo na-kelen-nyɔgɔ Isirɛla mɔgɛnu manɛgɛn. Wo ma sɔn kinikinina anu ma mumɛ! Wola diminyɛ ma sɛgi kɔma.

Emɔsi 1:13

“Mari ko wole Amon nyamanita-mɔgɛnu, wo ara hakɛ dan-natenbi, ado a si wo tɔrɔ, yɔ! Wo ye wola nyamani-kuma-kɛlɛ kɛla tumɛ min, wo ya ko-yogoma-siyaman ma hali ka nyaganɛ-kolomɛnu buyi rafara Kaliyadi nyamanɛ rɔ.

Emɔsi 1:9

“Mari ko wole Taya kɛnu, wo ara hakɛ dan-natenbi, ado a si wo tɔrɔ, yɔ! Wo ara ta so-kun-siyaman mɔgɛnu bira boloko-yogomɛ-kɛ ka anu mayira Idɔm nyamanita-mɔgɛnu ma. Wo ya lanyiri min kiri wo nyɔgɔn tɛma, wole ma wo kan wo latɔnbagaya.

Maika 4:11

“Nyamani-siyamɛ-mɔgɛnu si anu kun nayigi wole, Isirɛla mɔgɛnu kɛlɛ-koe ma. Anu si belenna a fɔla ko, ‘Fɔ ma wa Yerusalɛm soe kɛ tinya pɔ! Fananta ma ma soe kɛ tinyanɛ yen, ma yisi ti kimɛ.’

Maika 5:6

Nimirɔdi ya Asiriya nyamanɛ min dabira, ma si nyɔ-mɔgɛnu nɔ mala kɛlɛ-kɛ-fannu na. Asiriya mɔgɛnu ba na bui ma ma tumɛ min, mala kun-tigi-wɛ wonu si ma kisi anu masibɛ ma.

Maika 7:10

Ma yogenu ba a yen, Mari ara ma dɛnbɛn tun ka ma lasɔ, anu si miliya ka a tɛgɛ anu darɔ-kan ma. Anu denu denu ya ma manyini ko, “Mata Mari Alla wo ye mintɔ?” Kɔnɔ ma si ma yoge wonu tinyanɛ yen. Anu si ma iko bore, mɔgɛnu bi minnu tatɛntɛnna.

Habakuku 2:17

Gbɔngbɔn minnu bi Lɛbanan nyamanɛ rɔ, wo ara wonu manunku yerekule! Wole fanan ma ye nunkula wo nya na le yerekule! Soge minnu bi nyɔ rɔ nun, wo ara wonu ban fegba! Kɔnɔ sogenu si wole fanan kumakɔ. Wo bɛɛ ye mala ka a tɛgɛ wola mɔgɔ-fagɛ anubɛ wola wunduyogoyɛla ko la, wo ya min sigi dugu-kole anubɛ ata soenu ma.

Habakuku 2:8

Wo ara mɔgɔ-siyaman bolo-fan bi anu bolo. Kɔnɔ minnu tora anu niyi la, wonu fanan si anu tayili sara wo la. Wo bɛɛ ye mala ka a tɛgɛ wola mɔgɔ-fagɛ anubɛ wola wunduyogoyɛla ko la, wo ya min sigi dugu-kole anubɛ ata soenu ma.

Sɛfanaya 2:8

Mohabunu anubɛ Amonnu bi Mari Sɛnbɛ-Bɛɛ-Tigita mɔgɛnu mayɛlan min kɛla, a ko a ara wo lamɔɛn. A ko anu bi anu nyɛrɛ matɔgɔla ko anu si ala mɔgɛnuna dugi bi anu bolo.

Sakaraya 2:11

Wo wati wa ke, sibolo-gbɛrɛ mɔgɔ-siyaman si yɛlɛma ka na ale Mari ma. Ale si a mayigi wo tɛma. Wo ye a lɔnna wo le ma ko ale Mari Sɛnbɛ-Bɛɛ-Tigi ya n kilaya wo ma.

Sakaraya 2:9

A ko ale nyɛrɛ-nyɛrɛ si wonu kɛlɛ. A ko minnu bi yɔɔnyɛ la anu kɔrɔ nun, wonu si anu denu fanan bira. N kan kɛnu ba bɔ a la tumɛ min, bɛɛ si a lɔn worɔ ko ale Mari Sɛnbɛ-Bɛɛ-Tigi le ya nde, Sakaraya sɔ.

Sakaraya 8:5

A ko mɔgɔ si tolon-kannu namɔɛn soe tonke bɛɛ rɔ dennɛnu bolo tun.

Malakayi 3:1

Mari Sɛnbɛ-Bɛɛ-Tigi ko a ye ala kilayɛ lanala min si kilɛ rabɛn a ye. Wo kɔma, wo ye wo Tigi min nyinina, wo si na a Bato-Bɔn la tiriya! Kilayɛ min yen-sɔgɔ-bɛrɛbɛrɛ ye wo la, wo si na ka a nyɛrɛta sarama-kan wara-koe fɔ.

Matiyu 25:40

“Nde, mansɛ si anu yabi ko, ‘Wo ni wo hɛnkili to kɛ ko! Min dɔgɔ nta mɔgɛnu tɛma, wo ya wo ma wo mɔgɔ kelen na, wo ya a ma nde le la wo la!’

Matiyu 25:45

“Nde, mansɛ si anu yabi ko, ‘Wo ni wo hɛnkili to kɛ ko! Min dɔgɔ nta mɔgɛnu tɛma, wo ma wo ma wo la min kɛ, wo ma a ma nde le la wo la!’

Yɔni 14:26

N Fa Alla ye nala min sɔla n tɔgɔ rɔ wo dɛnbɛn tinɛ, Allata Ni-Sɛnimɛ, kɔni, ale le si wo karan koe bɛɛ la. N bara min bɛɛ fɔ wo ye, a si wo hɛnkili labila wo bɛɛ ko.

Yɔni 17:18

Iko i ya nde sɔ duninya kɛ rɔ nya min, nde fanan bi anu sɔla duninya kɛ rɔ wo nya le.

Kɛwɔlɛnu 9:4

Sɔli buira dugi ma. A ya kuman-kan lamɔɛn. Wo ye a fɔla a ye ko, “Sɔli! Sɔli! I ye n tɔrɔla nfenna?”

Tɔn-Fɔɛ-Fila-Nyɔgɛ 32:10

“Mari ya wo benbanu taran yilan-yilanna wula-da-rakolɔn le tɔ min ma kin. A ya wo fɛ-bira ka wo matanka iko a niyi.

2 Tɛsalonaika 1:6

ado minnu bi wole tɔrɔla, yoe ye Alla bolo ka wonu fanan tɔrɔ.

1 Yɔni 4:14

Ma ara a yen ka a fɔ doinu ye ko ma Fa Alla ara ala dan, Yisa lana alako a ni ma duninya kisilɛ la.