Sakaraya 2:6 - ALLALA KUMƐ

^6-7 Wo kɔma, nde, Sakaraya ya Mari kuman-kan latenbi ala mɔgɛnu ma ko, “Mari ko a ara wo ranyɛnsɛn duninya-tonko-nanɛ bɛɛ rɔ kɔnɔ wo ni wo buri bɔla Babilɔn nyamanɛ rɔ ka sɛgi Yerusalɛm soe burɔ.

Sakaraya 2:6 ပူးပေါင်းရင်းမြစ်များ

Ko-Dabirɛnu 19:17

Melika wonu tara anu nabɔ soe kɔma tumɛ min, melika doi ya a fɔ anu ye ko, “Wo ni wo buri yɛlɛla kɔnkɛ kuma alako wo ni kisi. Kɔnɔ wo kana wo yɛ lasɛgi wo kɔma ka mɛ lɛɛ rɔ.”

Yaburi 44:2

I ya Alla-lɔnbɛlɛnu gben anu yarɔ nya min, anu bara wonu fɔ ma ye. I ya nyamanɛ wo ma ila mɔgɛnu halalɛ la. I ya sibolo-gbɛrɛ doinu fanan tɔrɔ nya min, anu ya wo fanan fɔ ma ye. I ya a ma, ita mɔgɛnu sabatira.

Aiseya 48:20

A ko wole, ata mɔgɛnu, wo ni wo tiriya bɔla Babilɔn. Wo ni a lasɔnkɔ sewɛ bolo kan tinɛ bɛɛ rɔ. Wo ni a fɔ mɔgɛ bɛɛ ye duninya rɔ ko Mari ara wole, ata wɔli-kɛla Isirɛla mɔgɛnu kisi.

Aiseya 55:1

Mari ko ni minnu kan lagbalanɛ, wonu ni na anu min. Ni wodi sa minnu bolo, wonu ni na dɔn-fen bi tinɛ. Wo ni na nonɛ anubɛ min-kɛ-fan min, wo ti fenfen bɔ.

Yɛrɛmaya 1:14

Mari ya a fɔ n ye tun ko, “Kasarɛ si bɔ kantɔ-wara la. Kasarɛ si ke mɔgɛ bɛɛ ma nyamanɛ kɛ rɔ.

Yɛrɛmaya 15:4

A ko a si a ma, wole Yuda kɛnu si ma mɔgɔ-makawanɛ la duninya-mɔgɛ bɛɛ ye. Mari ko a si kɛ ma ka a tɛgɛ Yuda Mansa Hɛsakayala den Mansa Manasa sɔn ma Yerusalɛm soe burɔ.

Yɛrɛmaya 3:18

Wole Isirɛla mɔgɛnu anubɛ Yuda mɔgɛnu si na wo nyɔgɔn fɛ ka bɔ biralɛ rɔ kantɔ-findan ma. Wo si sɛgi wola nyamanɛ rɔ ale Mari ya min di wo benbanu ma ka nyɔ ma anu halala-nyamani-bɛrɛbɛrɛ la.

Yɛrɛmaya 31:10

Wole nyamani-gbɛrɛkɛ-mɔgɛnu, wo ni wo tole masɔ Mari kan la. Wo ni kilayɛ kɛ lake yi-kɔgɔma-mɔgɛnu ma. Ale Mari ko a ara ata mɔgɛnu tanyɛnsɛn kɔnɔ a si anu kundɛn tun. A si anu fɛ-bira iko saga-kandannɛ si ala sagɛnu fɛ-bira nya min.

Yɛrɛmaya 31:38

Mari ko wati ye nala, ka a bi Hananɛli kan-tina-layan-bɛ ma ka ta ke don-dɛ ma min tɔgɛ “Tonke,” nyɔ mumɛ bɛɛ si sɔ tun ka ma ale Marita so-kunbɛ la, Yerusalɛm soe, kɔni.

Yɛrɛmaya 31:8

A si bɔ wo la kantɔ-wara la. A si wo kundɛn ka bɔ duninya-tonko-nanɛ bɛɛ rɔ. Fiyɔnnu anubɛ namarɛnu si taran wo tɛma. Donu kolomɛ ye wo rɔ. Donu buyi la ara maga. Wo siyaman si na duk!

Yɛrɛmaya 50:8

Mari ko, “Wole Isirɛla mɔgɛnu, wo ni wo buri bɔla Babilɔn nyamanɛ rɔ. Wo ni nyamanɛ boloka tiriya! Wole ni ma mɔgɔ fɔlɛ la ka bɔ nyɔ.

Yɛrɛmaya 51:45

Mari ko Isirɛla mɔgɛnu ni bɔ anu burila Babilɔn. Anu ni anu buri Marita fondo-bɔ-wɛ kɛ kɔrɔ.

Yɛrɛmaya 51:50

Mari ya a fɔ ala mɔgɛnu ye Babilɔn nyamanɛ rɔ ko, “Wo ara sayɛ masangba min kɛ, wo kana fenfen makɔni. Wo ta! Hali wo fɛ-yan wo warɛnu na, wo kana nyina nde, Mari ko anubɛ Yerusalɛm soe.

Yɛrɛmaya 51:6

Anu burumatoe ni bɔ Babilɔn nyamanɛ rɔ. Anu ni anu buri alako anu niyi la ni kisi. Anu kana faga, anu tɔgɛ ni to Babilɔn kɛnuna hakɛ la. Mari ko a si a tayili sara anu na iko a bɛnta, a ni a ma nya min.

Isikiyɛli 11:16

“Ta nde, Marita kumɛ fɔ i na-kelen-nyɔgɔ mɔgɔ-biranɛ wonu ye. A fɔ anu ye ko nde le ya anu tanyɛnsɛn ka anu nata wula-yannu na sibolo-gbɛrɛnu tɛma. A fɔ anu ye ko hali anu bi kan-tinɛ minnu tɔ wo la, n bi anu fɛ nyɔnu tɔ, ado anu si n bato nyɔnu tɔ.

Isikiyɛli 17:21

Ala kɛlɛ-den-tagbɛlɛmɛnu kunyɛ si to kɛlɛ rɔ. Ni min kunyɛ ma to kɛlɛ wo rɔ, wonu ta si nyɛnsɛn kan-tinɛ bɛɛ rɔ. Wo ye a lɔnna wo le ma ko nde, Mari kan le kɛ la.

Isikiyɛli 5:10

Ka a tɛgɛ tɔrɔyɛ wo ma, denbɛnu si anuna dannu dɔn Yerusalɛm soe burɔ. Dannu fanan si anu sɔrɔnnɛnu dɔn. N si wo tɔrɔya ha ni minnu tora anu niyi la, wonu ta si nyɛnsɛn.

Isikiyɛli 5:12

Wole Yerusalɛm kɛnu tatalanɛ sigi-tina sawa la, a tɔnkɔn kelan si to kirayɛ anubɛ kɔnkɛrɔ-soe burɔ. A tɔnkɔn kelan, wonu kundu si bɔ faan la soe kɔma. A tɔnkɔn kelan fanan ta si nyɛnsɛn kesemeren, iko fɔnyɔ wa ta fen na. N si wo sagaran faan la.

Daniyɛli 11:4

Kɔnɔ ala mansayɛ wa wara ha ka a dan-natenbi, ala nyamanɛ wo si tala nyamani nani na kɔnɔ mansa nanɛ wonu fenfen ti ma a kebila-nyɔgɔn la. Kɔnɔ hali wo, anu ti sɛnbɛ sɔrɔn ka ke ale mansɛ rɔ.

Emɔsi 9:9

A ko a wa a fɔ tumɛ min, Isirɛla mɔgɛnu ta si maga iko nyɔɛ wa kɛ fɛrɛ rɔ nya min. A ko a si anubɛ sibolo doinu funfan anu nyɔgɔn fɛ alako a yogenu si bɔ a kɛndɛnu ya la nya min.

Sakaraya 1:16

Woletɔ a ara sɛgi Yerusalɛm soe burɔ ka kinikini wo ma. Mari Sɛnbɛ-Bɛɛ-Tigi ko wo si a Bato-Bɔn anubɛ ata soe sɔ-kurɛ-kɛ tun.

Matiyu 24:31

Buru-wɛ si fɛ. N si nna melikanu nata duninya-tonko-nanɛ bɛɛ rɔ. Anu si nna mɔgɔ-yabɔnɛnu nadɛn ka bɔ duninya-tonko-nanɛ bɛɛ rɔ.

Maraka 13:27

N si nta melikanu nata duninya-tonko-nanɛ bɛɛ rɔ. Anu si nna mɔgɔ-yabɔnɛnu nadɛn ka bɔ duninya kan tinɛ bɛɛ rɔ.

Tɔn-Fɔɛ-Fila-Nyɔgɛ 28:64

“Ka a fɔlɔ duninya-tonko kelan ma ha ka a sigi a tonko-doi la, Mari si wo ranyɛnsɛn sibolo-gbɛrɛkɛ-mɔgɛnu tɛma. Wo tenbi anu tɛma, hali wo benbanu ma bɛsɛ minnu kɔ, wole si wonu kɔ. Kɔlɔma-malɛsɛnɛ anubɛ kuru-malɛsɛnɛ le wonu na.

Lankɛnimayɛ 18:4

Wo kɔma, n ya kuman-kan-gbɛrɛ lamɔɛn bɔla Arinyɛni tɔ. A ye a fɔla ko, “Nna mɔgɛnu, wo bɔ! Wo ni bɔ a fɛ feu! Wo kana kofu a ma ata hakɛ rɔ alako wo kana tɔrɔyɛ sɔrɔn a fɛ!

Ruti 4:1

Bowasi tara anuna kundɛn tinɛ soe tarɛ-don-dɛ dafɛ. A ya a sigi mɔgɔ-banu tɛma nyɔ. Kei min gbɛrɛnta Ruti benba Ilimilɛki ma ka tenbi Bowasi la, wo tenbimatoe, Bowasi ya wo kele, a ko, “N bɔ, na i mayigi yan de!”