Sakaraya 2:13 - ALLALA KUMƐ

¹³ Bɛɛ ni a rade Mari yala bawo a ye bɔla ata kan-tina-sɛnimɛ rɔ ka na.

Sakaraya 2:13 ပူးပေါင်းရင်းမြစ်များ

2 Ko-Kɔrɔta-Karan 30:27

Saraka-masɔlɛnu anubɛ Lifayinu duwara mɔgɛnu ye Mari tɔgɛ rɔ. Anuna matarali-kan wo kera Mari ma a warɛ Arinyɛni tɔ.

Yaburi 11:4

Mari ye mansayɛ la ata Bato-Bon-sɛnimɛ la. A kolan ye mɔgɛ bɛɛ la. Anu bi min bɛɛ kun na, a ya wo bɛɛ lɔn.

Yaburi 46:10

Alla ko wo ni wo fara kɛlɛ la. Wo ni a lɔn ko Alla le ale la. A ye sibole bɛɛ anubɛ duninya kun na.

Yaburi 68:5

Alla min siginɛ a Bato-Bon-sɛnimɛ la, a kolan sanɛ kelennɛnu anubɛ kɛɛ-musinu fɛ.

Yaburi 78:65

Kɔnɔ tɔ-a-la, Mari kundenta iko a ye kinɔgɛ le tɔ nun. A manɛ iko kei-ragbɛlɛ wa baan min, wo ye kerinteyala nya min.

Aiseya 14:2

Mɔgɔ-siyaman si Isirɛla mɔgɛnu dɛnbɛ alako Mari ya anu barɛ min di anu ma nun, anu ni sɛgi nyɔ tun. Mɔgɔ-sibolo-siyaman si taran Isirɛla mɔgɛnu bolo yɔɔnyɛ la. Minnu bi Isirɛla mɔgɛnu birala kɔrɔma la nun, anu denu fanan si wonu bira. Minnu bara Isirɛla mɔgɛnu niyi ragbɛrɛn anu ma nun, Isirɛla mɔgɛnu fanan si wonu mara.

Aiseya 19:16

Wati ye nala, Iyipiti kɛnu si anu famayigi iko musinu. Anu ba a yen ko Mari Sɛnbɛ-Bɛɛ-Tigi ara a kɔɛn kɔrɔbi anu kan ma, anu si yɛrɛyɛrɛn kilan bolo.

Aiseya 41:1

Alla ko, “Wole wula-yanna-mɔgɛnu, wo ni wo tole masɔ n na. Wo ni wo rabɛn wola kitinu nata-koe la kiti-bɔn la. Wo si fɛrɛ sɔrɔn nyɔ le ka kuma. Ma ni ma ladɛn ka a lɔn ni yoe ye min bolo.

Aiseya 51:9

Mari, i yandi, kunden. I ni ma dɛnbɛ. Ita sɛnbɛ lawɔli ka ma kisi. Wɔli iko i duruta a mala kɔrɔma la nya min. Ile le ya ninkinankɛ ratɛgɛtɛgɛ fɔlɔ nun.

Aiseya 57:15

Alla-gbiliyanɛ min bi san ma pon, min sɛnima, ado a ye nyɔ habadan, wo ko ale mayiginɛ kan-tina-sɛnimɛ le tɔ san ma pon! A ko hali wo, mɔgɔ-famayiginɛ minnu bara nimisa, a si taran wonu tɛma. A ko minnu famayiginɛ, a si ni kurɛ di wonu ma. Minnu nimisanɛ, a si wonu niyi kurakuraya.

Aiseya 57:5

Wo si wola bɛsɛnu hɛnɛ sɔn-yogoyɛ le la kɔlɔma-kuru-wɛnu kɔrɔ. Wo ye wola dannu fagala ka anu ma sarakɛnu na fara-gbaran anubɛ farannu na.

Aiseya 63:15

Mari, i kolan layigi ma ma dugi ma. I tenbi ita sɛninya-tina-makawanɛ rɔ, i miri ma ma. Ita keninteya-belebele-wɛ ye mintɔ? Nfenna i ye ita keninteyɛ anubɛ ita kinikinɛ dogonna ma ma?

Yɛrɛmaya 25:30

Mari ko nde, Yɛrɛmaya ni a kuman-kan kɛ bɛɛ rakaran wole, ata mɔgɛnu ye ko ale Mari bɔrɔndɔ-bɔrɔndɔ-kan si bɔ Arinyɛni tɔ. A si san-sɛran nabɔ san-kole kɔma pon! A si bɔrɔndɔ-bɔrɔndɔ ala mɔgɛnu ma. A si yerelen tɛgɛ iko konima-dannu. A si kuma duninya-mɔgɛ bɛɛ ma.

Habakuku 2:20

Mari ye a warɛ Arinyɛni tɔ. I tenbi a yakɔrɔ, mɔgɛ bɛɛ ni a sigi-a-la don!

Sɛfanaya 1:7

Marila kiti-tɛgɛ-tele ara gbɛrɛn ma ma wona, woletɔ mɔgɛ bɛɛ ni a sigi-a-la Mari ye don! Mari ara a rabɛn ka male ata mɔgɛnu ma sarakɛ la. A ara ma yogenu kele ma kan ma alako wonu ni na ma bolo-fannu bi ma bolo Yuda nyamanɛ rɔ.

Sɛfanaya 2:9

Isirɛlata Mari Sɛnbɛ-Bɛɛ-Tigi ya a keli ko a si Mohabunu anubɛ Amonnu kasara iko a ya Sɔdɔm kɛnu anubɛ Kɔmɔra kɛnu kasara nya min. A ko a si a ma, dɔn-fen ti ma-a-la anuna nyamanɛ wo rɔ muk, fɔ wɔnɛ anubɛ kɔgɛ gbansan! A ko ata mɔgɛ minnu bi tola anu niyi la, wonu si ta bui Mohabunu anubɛ Amonnu ma ka anu bolo-fannu anubɛ anuna nyamanɛ bi anu bolo.

Sɛfanaya 3:8

Kɔnɔ Mari ko wo ni a makɔnɔ tun! Lunyɛ do, fɔ a wa sibole bɛɛ kiti. Mari ko a ara ban a latɛgɛla ko a si sibole bɛɛsi ladɛn alako anu ni ata diminyɛ-sɛnbɛ lɔn. A ko ata diminyɛ wo si ma tɛ la min si duninya mumɛ halaki.

Sakaraya 4:9

A ko Sarababulu ara ban Bato-Bɔn kurunna. A ko fɔ a wa a toe laban. Mari ko a wa a kundon tumɛ min, wo ye a lɔnna wo le ma ko ale le ya n sɔ wo ma.

Sakaraya 6:15

A ko minnu bi wula-yan la pon, wonu si na wo dɛnbɛ Mari Bato-Bon-sɔɛ la. A ko Bato-Bɔn kun ba don tumɛ min, wo ye a lɔnna wo le ma ko Mari Sɛnbɛ-Bɛɛ-Tigi ya nde, Sakaraya sɔ wo ma. Kɛnu si ma, ni wo ya wota Mari Alla kan to a gbɛ rɔ.

Romu 3:19

Nba, ma ya a lɔn ko minnu bi Allata tɔn wara-koe kɔrɔ, tɔn-kitabu kɛ sɛbɛra wonu denu ye. Wo sɛbɛnɛ alako mɔgɛna masigima-fɔɛ ni ban ka duninya-mɔgɛ bɛɛ lana Allala kiti kɔrɔ,

Romu 9:20

Yon bi ile la ka Allala kumɛ sɔsɔ? Bɔnku-dagɛ ti ala sɔlɛ manyinika ko, “Nfenna i wara n nadan ka?”

Tɔn-Fɔɛ-Fila-Nyɔgɛ 18:21

“Wo si to kɔndɔfili rɔ wo rɔ, ni nɛbi do ya kumɛ do fɔ min ma bɔ-a-la. Wo si a lɔn kama worɔ ko kumɛ wo bɔra Alla le bolo?

Tɔn-Fɔɛ-Fila-Nyɔgɛ 18:22

Ni nɛbi kɛ ye kumala Alla tɔgɛ le tɔ kɔnɔ a kuman-kan sa bɔla-a-la, wo si a lɔn worɔ ko kumɛ wo ma bɔ Alla bolo. Nɛbi wo ya a sakorɔ-kumɛ le fɔ. Wo kana kilan mɔgɔ-sufa wonu na.”

Tɔn-Fɔɛ-Fila-Nyɔgɛ 26:15

Mari, i kolan layigi Isirɛla mɔgɛnu ma ka bɔ Arinyɛni tɔ ka ma mafɛlɛn. Iko i wara lanyiri kiri ma benbanu ye nya min, i ni ita duwɛ layigi male kuma anubɛ nyamani-hakikɛ kɛ i wara min di ma ma kɛ la.’