Sakaraya 2:11 - ALLALA KUMƐ

¹¹ Wo wati wa ke, sibolo-gbɛrɛ mɔgɔ-siyaman si yɛlɛma ka na ale Mari ma. Ale si a mayigi wo tɛma. Wo ye a lɔnna wo le ma ko ale Mari Sɛnbɛ-Bɛɛ-Tigi ya n kilaya wo ma.

Sakaraya 2:11 ပူးပေါင်းရင်းမြစ်များ

Yaburi 72:17

I ni a ma, mansɛ tɔgɛ kana tunu mumɛ! I ni a ma, a mankan ni to warala iko tele. Alamɛ sibole bɛɛ ya Alla madiya ko a ni ata duwɛ layigi anu kuma iko a ya duwɛ di mansɛ wo ma nya min. I ni a ma, anu ni to Alla matarala alako mansɛ wo sewanɛ ni to.

Bɔ-Koe-Iyipiti 12:49

Kemininya-koe kɛ, a ye dugurannu anubɛ sundannu denu kuma. A sa mɔgɔ kelen kuma.”

Aiseya 45:14

Mari ye a fɔla Isirɛla ye ko, “Iyipiti anubɛ Itiyopiya fen-kolomɛnu si ma wole Isirɛla halalɛ la. Sabiya kemini-ferengben-bɛnu si ma wola yɔɔnnu na. Anu kirinɛ si bila wo fɛ yɔlɔkɛ la. Anu si anu du wo ye ka a fɔ anu dɛ la ko, ‘Alla ye wo fɛ. Ale le kelen pe ye Alla la.’ ”

Aiseya 48:16

Wo ni wo madon n na. Wo ni wo tole masɔ kumɛ kɛnu na. (Mari Min Bi Fan Bɛɛ Kun Na, wo le ya nde sɔ ata Sɛnbɛ baraka rɔ.) Kebi wɔlɔyiya-kumɛ kɛ fɔɛ dabirɛ, n sa kumala dogɔn rɔ, ado kumɛ kɛnu sa bɔla a la n kɔma.

Aiseya 52:10

Mari si ata sɛnbɛ-sɛnimɛ lawɔli ala mɔgɛnu kisi tinɛ. Kɛ si ma duninya-mɔgɛ bɛɛ ya la.

Aiseya 52:11

Wole Bato-Bon-miran-madununɛnu, wo kana wo bole tugu fen-sɛninyabɛli fenfen na. Wo sɛninyanɛ ni bɔ gbaran rɔ. Wo ni to sɛninyɛ rɔ.

Aiseya 66:19

Minnu bara to anu niyi la, a si tamasere sa wonu ma ka wo donu nata sibolo-toenu ma. Anu si donu nata Tasisi, anubɛ Libiya, anubɛ Ludi, anubɛ Misɛki, anubɛ Rɔsi, anubɛ Tubali, anubɛ Kirisi. A si donu nata kɔgɔ-yi-dafɛ-sigilɛnu ma minnu bi wula-yan la. A ko a si anu nata mɔgɛ donu ma kan tinɛ wonu tɔ minnu ma a mankan anubɛ ata gbiliyɛ wara-koe lɔn bɛ. Anu ba ke nyɔnu tɔ, anu si ata gbiliyɛ wara-koe rakaran anu ye.

Yɛrɛmaya 16:19

E, Mari, n sɛnbɛ anubɛ n natankalɛ le ile la. Tɔrɔyɛ wa na tumɛ min, n si ta i wara n nakanan-koe rɔ. Sibolenu si bɔ duninya tonke bɛɛ rɔ ka na i wara. Anu si a fɔ ko, “Bɛsi-fuyi le ye ma benbanu bolo nun dɔrɔn! Anu bi bɛsi-fufafuyinu kɔla nun minnu ti ko nyinya anu ma.

Yɛrɛmaya 50:8

Mari ko, “Wole Isirɛla mɔgɛnu, wo ni wo buri bɔla Babilɔn nyamanɛ rɔ. Wo ni nyamanɛ boloka tiriya! Wole ni ma mɔgɔ fɔlɛ la ka bɔ nyɔ.

Isikiyɛli 33:33

Kɔnɔ ila kumɛnu ba bɔ-a-la tumɛ min, anu bi a lɔnna wo le ma ko yaga, nɛbi ye anu tɛma nun, ado anu bi mala le, yɔ!”

Maika 4:2

Anu si a fɔ ko, ‘Ma ni Marita kɔnkɛ yɛlɛ wona ka ta ke Marita Bon-Sɛnimɛ ma, Isirɛla mɔgɛnuta Alla, kɔni.’ Anu si a fɔ fanan ko, ‘Ma si tagama nya min, Mari si wo yira ma la iko a ye nyinina a ma nya min.’ Anu si a fɔ tun ko, ‘Marita karan si bɔ Yerusalɛm, a si ata mɔgɛnu karan kan min.’

Sakaraya 1:16

Woletɔ a ara sɛgi Yerusalɛm soe burɔ ka kinikini wo ma. Mari Sɛnbɛ-Bɛɛ-Tigi ko wo si a Bato-Bɔn anubɛ ata soe sɔ-kurɛ-kɛ tun.

Sakaraya 2:5

I ni a fɔ a ye fanan ko Mari nyɛrɛ ko ale si ma ta-belebele la soe wola foolɛ rɔ iko tarɛ, alako a ni a kandan. A ko ale nyɛrɛ anubɛ ata wan-takɛ si a mayigi nyɔ.”

Sakaraya 3:10

Wo tele wa ke, wole kelen-kelennamɛ-bɛɛ si a sigi-nyɔgɛ kele. Wo la wa dɛn, wonu ni nyagalen wo nyɔgɔn fɛ yisi-kimɛ rɔ. Wo wati si a taran, wola ki-fannu bara nanfa kubukubu!”

Sakaraya 8:3

A ko a si a ya-lamunun Yerusalɛm soe la ka ta a mayigi ata so-sɛnimɛ wo rɔ tun. A ko mɔgɛnu si to soe wo kelela ko Soe Min Telennɛ a ye. A ko anu si Mari Sɛnbɛ-Bɛɛ-Tigita kɔnkɛ kele ko Kɔnkɔ-Sɛnimɛ.

Sakaraya 8:8

a ko a si wo kundɛn Yerusalɛm soe burɔ. Wo si ma ata mɔgɛnu na. Ale fanan si ma wota Alla la. A ko a si mansayɛ kɛ wo kun na lanayɛ anubɛ latelan rɔ.

Malakayi 1:11

Ka bɔ tele bɔɛ ha tele-yigi, mɔgɛnu bi ale Mari gbiliyala. A ko mɔgɛnu bi isɛnti mintanna a ye ka saraka-bɛrɛnu bɔ a gbiliya-koe la.

Luka 2:32

I wara ila waan raka min si a ma, sibolo-gbɛrɛnu ni ila kilɛ yen anubɛ ka gbiliyɛ di ita Isirɛla mɔgɛnu ma!”

Yɔni 17:21

N bi madiyali kɛla ko anu bɛɛ ni ma kelen na. E, n Fa! Iko i ye nde rɔ nya min, anubɛ nde ye ile rɔ nya min, anu fanan ni taran nde rɔ wo nya le. Wo le si a ma, duninya-mɔgɛnu si la a la ko ile le ya n sɔ.

Yɔni 17:23

Nde ye anu tɔ, ile fanan bi nde rɔ. Alamɛ anu mara kelen na alako duninya-mɔgɛnu ni a lɔn ko ile le ya n sɔ. Anu ni a lɔn fanan ko i wara anu keni iko i wara nde keni nya min.

Yɔni 17:25

E, n Fa min telennɛ! Duninya-mɔgɛnu ma i lɔn kɔnɔ nde ya i lɔn. Karan-dan kɛnu bara a lɔn ko ile le ya n sɔ.

Kɛwɔlɛnu 28:28

Pɔli ko tun, “Wo ni a lɔn serr, ko Allala kisi-ko-kumɛ ara ta ke sibolo-gbɛrɛnu ma, ado wonu denu si anu tole masɔ!” [

Lankɛnimayɛ 11:15

Wo kɔma, melika wɔrɔnfila nyɔgɛ ya ata buri fɛ. Kuman-kan-wɛnu bɔra Arinyɛni tɔ ko, “Duninya-mansaya-sɛnbɛ ye mata Mari anubɛ ata Mɔgɔ-Yabɔnɛ bolo gbɛ, ado a si mansayɛ kɛ tolon!”