Sakaraya 14:7 - ALLALA KUMƐ

⁷ Pinpi ti burun wo ma. Su-ni-tele, wan le rakanɛ waran! Mari kelen pe le ya kɛnu ma-wati lɔn.

Sakaraya 14:7 ပူးပေါင်းရင်းမြစ်များ

Yaburi 37:18

Minnu bi Mari sako kɛla, a si wonu fɛ-bira. Dugi si to anu bolo tɛban!

Aiseya 11:9

Kɛnu fenfen ti ko ma anu nyɔgɔn na. Anu ti anu nyɔgɔn kasara Yerusalɛm kɔnkɔ-sɛnimɛ ma. Iko kɔgɔ-yi siya nya min, nyamanita-mɔgɛnu hɛnkili ye siyayala wo nya na le.

Aiseya 24:23

Karɛ si miliya, tele si a yɛ dogon ka a tɛgɛ Mari Sɛnbɛ-Bɛɛ-Tigita gbiliyɛla ko la. A si a mayigi Yerusalɛm kɔnkɔ-sɛnimɛ kuma ka duninya mara. Kun-tiginu si ata gbiliyɛ yen anu yɛ la.

Aiseya 30:26

Wulɔn karɛ si gbɛ iko tele, ado wulɔn tele, waan si ma iko tele wɔrɔnfila tele ye nya min. Mari sɔnta ala mɔgɛ minnu tanban-koe ma, a si wonu dandan wulɔn-tele rɔ.

Aiseya 45:21

Wo na kumɛ kɛ la kiti-bɔn la. Wo fɛkalɛnu ni anu nyɔgɔn kundɛn. Koe minnu bara ma kaka, yon bara wo fɔ wo ye nun kɔrɔma la? Ale Mari Alla le ya wo fɔ, min bi ala mɔgɛnu kisila, kɔni. Alla-wo-alla sa nyɔ ale kɔma.”

Aiseya 58:10

Wo ni kɔnkɔtoenu de-nyini. Minnu bi nanparan rɔ, wo ni hina wonu na. A ko ni wo ya wonu ma, wo ye pinpi min tɛma, wo si yɛlɛma wo bolo tele la.

Aiseya 9:7

Ata mansaya-dan sa. Yisi-kimɛ le ye ata mansayɛ rɔ burubukai! A si mansayɛ kɛ a kebila Mansa Dawuda gbɛ rɔ. Ka a bi wo wati ma ha tumɛ min di Alla ye, ata mansaya-sɛnbɛ le tɔn-birɛ anubɛ telenbagayɛ la. Mari Sɛnbɛ-Bɛɛ-Tigi ara a wakila wo kɛ-koe ma.

Yɛrɛmaya 30:7

Kabana-ko-tele ye nala min nyɔgɔn ti na tun. Kɛ si ma tɔrɔya-tele la wole, Yakoba kegeyɛnu ye kɔnɔ wo kunyɛ si bɔ a rɔ.

Daniyɛli 12:4

Melika kelan wo ya a fɔ n ye tun ko, “Daniyɛli, i ni buku kɛ dɛ gbalɔn ha duninyala-ban-wati. Kɛ-wati-mumɛ bɛɛ rɔ, mɔgɛnu si to yigi-ni-yɛlɛla hɛnkili-sɔrɔn-koe rɔ.”

Hoseya 3:5

Wati ye nala, Isirɛla mɔgɛnu si anu ya-lamunun anuta Mari Alla la ka Mansa Dawuda kegeyɛ do ma anuta mansɛ la. Wo wati rɔ, anu si kilan Mari la ka to ala duwɛ sɔrɔnna.

Emɔsi 8:9

Wo wati ye nala, tele si fin tele-latelen-wati rɔ, wo kɔma, pinpi si burun wo kuma.

Matiyu 24:36

“Mɔgɔ-wo-mɔgɔ ma wo tele lɔn, ni wo ma, a wati, hali melika minnu bi Arinyɛni tɔ. Nde Allata Dan, nde fanan ma wo lɔn fɔ n Fa kelen pe, wo le ya a lɔn.

Maraka 13:32

“Koe kɛ bɛɛ si ma wati min, mɔgɔ-wo-mɔgɔ ma wo tele lɔn, ni wo ma, a wati, hali Arinyɛnitɔ-melikanu. Hali nde, Allata Dan, n ma a lɔn fɔ n Fa kelen pe, wo le ya a lɔn.

Kɛwɔlɛnu 1:7

Yisa ya a fɔ anu ye ko, “Wati wonubɛ anu kɛ-tumɛ, n Fa Alla ara wonu natɛgɛ a nyɛrɛta sɛnbɛ la. Alla sa a fɛ, wo ni wonu kɛ-tumɛ lɔn.

Kɛwɔlɛnu 15:18

Nde, Mari le ya kɛ fɔ, ado n bara mɔgɛnu nalɔn kɛ la kebi fɔlɔ.’ ”

Kɛwɔlɛnu 17:26

A ya mɔgɔ-su bɛɛ dan ka bɔ mɔgɔ kelen tɔ ka anu nasigi dugu-kole bɛɛ kuma. Ale nyɛrɛ ya anuta watinu anubɛ anuna sigi tinɛnu dan latɛgɛ kebi fɔlɔ.

Kɛwɔlɛnu 17:31

ado a ara wo tele latɛgɛ a si duninya bɛɛ kiti tɛgɛ lunyɛ min telenbagayɛ la. A ara ale Yisa yabɔ ko ale le ni mɔgɛ bɛɛ kiti a ye. A ara wo yira ma bɛɛ la ata lawuli fɛ ka bɔ furinu tɛma!”

1 Tɛsalonaika 5:2

bawo wo nyɛrɛ ya a lɔn ko Mari na-tumɛ si na iko surɔ-kankan.

Lankɛnimayɛ 11:15

Wo kɔma, melika wɔrɔnfila nyɔgɛ ya ata buri fɛ. Kuman-kan-wɛnu bɔra Arinyɛni tɔ ko, “Duninya-mansaya-sɛnbɛ ye mata Mari anubɛ ata Mɔgɔ-Yabɔnɛ bolo gbɛ, ado a si mansayɛ kɛ tolon!”

Lankɛnimayɛ 14:6

Wo kɔma, n ya melika-gbɛrɛ yen firifirila san ma pon! Habadan-kibara-nyimɛ ye a bolo a ye nala min fɔla duninya-mɔgɛ bɛɛ ye, a sibole bɛɛ anubɛ a bɔnsɔn bɛɛ anubɛ a mɔgɔ-su bɛɛ iko anuna kan faranɛ nya min.

Lankɛnimayɛ 21:23

Soe wo mako mumɛ sa tele anubɛ karɛ la bawo Allala gbiliyɛ ye malanna a burɔ. Ata lɛnpu le saga-dan la.

Lankɛnimayɛ 21:25

Soe wo dɛnu nakanɛ si taran tele bɛɛ. Anu na ti togon mumɛ bawo suyi ti ke nyɔ mumɛ!

Lankɛnimayɛ 21:3

N ya kuman-kan-ba lamɔɛn ka bɔ mansaya-sigi-fan rɔ. A ko, “Alla mayiginɛ mɔgɛnu fɛ kaka, ado a si to anu fɛ. Anu si ma ata mɔgɛnu na. Alla nyɛrɛ si taran anu fɛ ka ma anuta Alla la.

Lankɛnimayɛ 22:5

Suyi ti don nyɔ tun. Anu mako ti taran lɛnpu la, hali teleta waan la bawo Mari Alla nyɛrɛ si ma anuta waan la. Anu si mansayɛ kɛ nyɔ habadan!