Sakaraya 14:17 - ALLALA KUMƐ

¹⁷ Sibole min ba a ban tala Mari Sɛnbɛ-Bɛɛ-Tigi bato-tinɛ nyɔ ka a gbiliya iko mansɛ, hali banda-kolo kelan ti bui wonuta nyamanɛ rɔ.

Sakaraya 14:17 ပူးပေါင်းရင်းမြစ်များ

Ko-Dabirɛnu 10:32

Minnu sɔrɔnta yita-kasarɛ kɔma, wonu benba le Nowa la. Bɛɛ sigira ata nyamanɛnu tɔ iko bɛɛ benba nara nya min.

Ko-Dabirɛnu 12:3

Min ba duwa i ye, nta duwɛ si to wo kuma. Min ba i danka, n si wo danka. Duninya-mɔgɛ bɛɛ si duwɛ sɔrɔn ile fɛ.”

Ko-Dabirɛnu 28:14

I bɔnsɔn si siyaya iko dugi kɛ gbangban ye nya min. I bɔnsɔn si siyaya fanan ka taran duninya-tonko-nanɛ bɛɛ rɔ. Duninya-mɔgɛnu si duwɛ sɔrɔn i bɔnsɔn fɛ.

1 Mansɛnu 17:1

Nɛbi do bɔra Tisiba soe burɔ Kaliyadi nyamanɛ rɔ. A tɔgɛ le Ilaya. Nɛbi wo tara a fɔ Mansa Ehabu ye ko, “N bi Isirɛlata Mari Alla-nimɛ min batola, n bara n keli wo tɔgɔ rɔ ko duri ti yigi, bandɛ ti na san-dande kɛ kɔrɔ Isirɛla nyamanɛ kɛ rɔ yan fɔ nde, Ilaya wa a fɔ ko bandɛ ni na.”

1 Mansɛnu 8:35

“Ni i ya filiyan sɔ kamasɔrɔn ila mɔgɛnu bara hakɛ kɛ i la, ni anu ya anu ya-lamunun kan tinɛ kɛ la ka anu sɔ anuna hakɛ la,

2 Ko-Kɔrɔta-Karan 6:26

“Ni i ya filiyan sɔ kamasɔrɔn ila mɔgɛnu bara hakɛ kɛ i la, ni anu ya anu ya-lamunun kan tinɛ kɛ la ka anu sɔ anu hakɛ la,

2 Ko-Kɔrɔta-Karan 7:13

Ni n ya yili kiri bandɛla nɛ la wo, ni n ya kondɔnnu nana ka wola ki-fannu dɔn wo, ni n ya kiraya-yogomɛ latenbi nna mɔgɛnu ma wo, n ba wonu ma tumɛ min,

Aiseya 18:7

Dugi kɛ min talanɛ bɛnu na, wati ye nala, nyamanita-mɔgɛ wonu si kɔ-fannu nana Mari Sɛnbɛ-Bɛɛ-Tigi ma, ado mɔgɛ wonu tagbɛlɛ, anu yan. Anu fɛrɛ nunkunɛ. Duninya-mɔgɛ mumɛ bɛɛ kilannɛ anu na. Anu si ta Yerusalɛm kɔnkɔ-sɛnimɛ kuma, mɔgɛnu si Mari Sɛnbɛ-Bɛɛ-Tigi bato kan min.

Aiseya 45:23

A ko tonyɛ le ata lanyiri la, a ti ma kuma-fila-fɔlɛ la. A ko a fotɛ a nyɛrɛ rɔ ko mɔgɛ bɛɛ si na anu nyɛnkin a kɔrɔ. Anu si lanyiri kiri ko anu ti bɔ a wara-ko rɔ.

Aiseya 5:6

N si a ma, nyɔ ni ma bin-gbansan la. Minnu sa gbɔla, n ti ko ma wonu na. N ti anu kɔrɔ wɔrɔ. N si a ma, gbenkinya anubɛ gbangbufe ni nyɔ bira-a-la. N si tɔn sigi bandɛla nɛ la a rɔ.”

Aiseya 60:12

A ko ni sibole min ma wɔli i ye, wonu si kasara pɔ!

Yɛrɛmaya 10:25

Ita fondo-bɔɛ rawuya sibolo-gbɛrɛnu ma. Anu ma i lɔn. Anu ti ile matara. Sibolo-gbɛrɛ wonu denu ya male, Yakoba kegeyɛnu kasara ka ma lato dogbe! Wonu denu ya mala nyamanɛ fanan kasara.

Yɛrɛmaya 14:22

Sibolo-gbɛrɛnuta bɛsɛnu si ke bandɛ lanala le, wa? San-kole si ke bandɛ lanala a nyɛrɛ ma, wa? Ade fɔ ile mata Mari Alla kelan min si wo ma. Ma yili-madiyanɛ ile kelen pe le ma. Ile le kelen pe si ko sufa kɛnu ma.

Yɛrɛmaya 14:3

Mɔgɔ-banu ba anu kɔrɔ-wɔli-kɛlɛnu nata yi-bi-tinɛ, wonu ti yi-wo-yi taran yi-denkɛ rɔ. Anu ba sɛgi anuna yi-bi-fan wonu takolɔn la, anu si anu yakɔrɛ dogon miliyɛ bolo dɔgɔma-ma-de! Anu si anu kunyɛ layigi yarabiyi bolo.

Yɛrɛmaya 14:4

Dugi bɛɛ ra si farafara bandɛ lanabɛlitayɛ bolo. Sɛni-salɛ bɛɛsi yisi ara tinya pɔ! Anu bi anu yakɔrɛ dogonna miliyɛ bolo.

Emɔsi 3:2

Mari ko wole Isirɛla mɔgɛnu di ale ye ka tenbi sibole bɛɛsi la duninya rɔ. Mari ya wole le dɔrɔn yabɔ ka wo fɛ-bira. Wo le ya a ma, wola hakɛ ara yogoya a ya la dɔgɔma-ma-de! Woletɔ a ko a fɛrɛ sa fɔ a wa wo tɔrɔ.”

Sakaraya 14:16

Sibolo-gbɛrɛ-toe minnu bi tola anu niyi la, san-bo-san, wonu si ta Yerusalɛm Mari Sɛnbɛ-Bɛɛ-Tigi bato-tinɛ ka a gbiliya iko mansɛ. Anu si Lele-Sɔɛ-Ladɛn kɛ anu nyɔgɔn fɛ.

Sakaraya 14:9

Wo wati rɔ, Mari si ma duninya-mumɛ-mansɛ la. Duninya-mɔgɛ bɛɛ si Mari kelan kele a tɔgɔ kelan la ka a bato.

Tɔn-Fɔɛ-Fila-Nyɔgɛ 11:17

Ni wo ya wo ma, Mari si diminya wo ma. A si a ma worɔ, banda ti na. Dugi si gbala kerrkerr! Hali dugi wo kin a nya su bɛɛ ma, a ti mɛ wo si faga nyɔ.

Yemesi 5:17

Nɛbi Ilaya, mɔgɛ le nun iko male. A ya Alla matara a yisi bɛɛ la ko bandɛ kana na. Bandɛ ma na dugu-kole kuma san sawa ani a tala.

Lankɛnimayɛ 11:6

Sarati ye anu bolo ka san-kole dɛ latugun. Woletɔ anu bi Allata kumɛ fɔla wati minnu tɔ, bandɛ ti na mumɛ! Sarati ye anu bolo tenkenu kuma ka anu yɛlɛma yele la. A wa diya anu ye tuma-wo-tuma, sarati ye anu bolo fanan ka dugu-kole tɔrɔ fitina-su bɛɛ la.