Sakaraya 14:10 - ALLALA KUMƐ

¹⁰ Ka a bi kantɔ-wara la Kiba soe ye kan min ha ka yigi dugula wara la Rimɔn soe ye kan min, tɛngbɛnya wo dugi mumɛ bɛɛ ra si kɛnya bɛrɛtɛ! Hali wo, Yerusalɛm soe dɔrɔn si to a gbɛ rɔ kɔnkɛ kuma. Yerusalɛm soe si a dabira tara-don-dɛ ma min tɔgɛ Bɛnyamɛ. Soe wo le ye tala sɔla furr, ha tarɛ tonke don-dɛ ma min bi a sɔ-gba-kɔrɛ rɔ. A si ta fanan ha tara-layan-bɛ do ma min tɔgɛ Hananɛli. Wo kɔma, a si ta sɔla ha mansɛla nɔnbɔ-gbɔ-yi burun-tinɛ.

Sakaraya 14:10 ပူးပေါင်းရင်းမြစ်များ

1 Mansɛnu 15:22

Mansa Esa fanan ya a lamɔɛn min kɛ ko Mansa Beyasa ara bɔ Rema soe burɔ, a ya a fɔ ala nyamanita-mɔgɔ kelen-kelan bɛɛ ye ko Mansa Beyasa ya kɔlɔma anubɛ kuri minnu ma so-latanka-fan la, anu ni wonu bi ka ta anu na, ado mɔgɔ-wo-mɔgɔ ti ke a bɔla wɔlɛ wo rɔ. Anu tara kuri wonubɛ kɔlɔma wonu na Misipa soe anubɛ Kiba soe rɔ Bɛnyamɛ nyamanɛ rɔ ka wonu ma soe wonu natanka-fan la.

2 Mansɛnu 14:13

Mansa Yɛhowasi ya Mansa Hamasa bira. Wo kɔma, ale Mansa Yɛhowasi tara bui Yerusalɛm soe ma. Anu ya soe wo tarɛ tinya ka a bi don-dɛ min tɔgɛ Ifɛrɛm ha ka ta ke don-dɛ min tɔgɛ Tonke. Anu ya wo dama sa dugi ma fugbu! Anu ya tarɛ kan tinɛ min keri ka a bi a kundi doi ma ka ta a sigi a kundi doi la, nunkan-nya kɛmɛ nani (400).

1 Ko-Kɔrɔta-Karan 4:32

Ale Simiyɔn kegeyɛ donu sigira so lolɛ donu tɔ fanan. So lolɛ wonu tɔgɛ le kɛnu na, Itam wo, En wo, Rimɔn wo, Tokɛn wo, Asan wo,

1 Ko-Kɔrɔta-Karan 6:77

Lifayi bɔnsɔn-mɔgɛ toe minnu tora, Mɛrari kebilɛ, kɔni, wonu ya soe donu sɔrɔn anubɛ kolo-fen de-nyini tinɛ minnu bi nyɔnuna foolɛnu tɔ. Anu ya minnu sɔrɔn Sɛbulɔnta nyamanɛ rɔ, soe wonu tɔgɛ le kɛnu na, Rimɔn anubɛ Tebɔ.

2 Ko-Kɔrɔta-Karan 25:23

Isirɛla Mansa Yɛhowasi ya Mansa Hamasa bira ka ta bui Yerusalɛm soe ma. Anu ya soe wo tarɛ tinya ka a bi Ifɛrɛm don-dɛ ma ha ka ta ke Tonke don-dɛ ma. Anu ya wo dama sa dugi ma dundulu! Anu ya tarɛ kan tinɛ min keri ka a bi a kerinɛ dan doi ma ka ta a sigi a kerinɛ dan doi la, nunkan-nya kɛmɛ nani.

2 Ko-Kɔrɔta-Karan 26:9

Ale Mansa Yusaya ya Yerusalɛm soe tarɛ sɔ fanka rɔ ka tenbi a fɔlɔtɛ la. A ya bondɔn-nayan-bɛ donu sɔ. A ya kelan sɔ Tonke Don-Dɛ la. A tara kelan sɔ don-dɛ la fanan min bi lɛɛ telen tɔ. A tara kelan sɔ tarɛ radura kan min.

Nihɛmaya 12:39

Ma bɔra nyɔ ka ke don-dɛ ma min tɔgɛ Ifɛrɛm. Ma tenbira nyɔ la, ma tara ke don-dɛ ma min tɔgɛ Yɛsena. Ma bɔra nyɔ, ma tara ke don-dɛ ma min tɔgɛ Yɛgɛ. Ma tenbira nyɔ fanan na, ma tara ke kan-tina-layan-bɛ ma min tɔgɛ Hananɛli. Ma tenbira nyɔ la, ma tara ke kan-tina-layan-bɛ do fanan ma min tɔgɛ Kɛmɛ. Ma bɔra nyɔ, ma tara ke don-dɛ doi ma min tɔgɛ Sagɛ. Ma tara a laban fɔɔ tarɛ don-dɛ min tɔgɛ Kandannɛnuta Don-Dɛ.

Nihɛmaya 3:1

Tarɛ sɔra nya min, wo le kɛ la. Saraka-Masɔla-Kun-Tigi-Wɛ Ilayasibu anubɛ a ta-nyɔgɔ saraka-masɔlɛnu, wonu ya tarɛ don-dɛ sɔ min tɔgɛ ko Sagɛ. Anu ya a dantɛgɛ Mari ma ka a don-dɛ latogon. Anu bara so-tarɛ ladan ka a bi kan-tina-layan-bɛ min tɔgɛ ko Kɛmɛ ka ta ke kan-tina-layan-bɛ ma min tɔgɛ Hananɛli. Anu ya tarɛ wo sɔ-kurɛ-kɛ ka a dantɛgɛ.

Aiseya 10:29

Anu bara tenbi kɔnkɔ-gbɛran la ka ta ki Kiba soe burɔ. Rema so-burɔ-mɔgɛnu kun ma ara kɔ dɔgɔma-ma-de! Kibiya soe, Mansa Sɔli sɔrɔnta kan min, nyɔ-mɔgɛ bɛɛ ara anu buri.

Aiseya 2:2

“Wati si na, Marita Bon-Sɛnimɛ sɔnɛ kɔnkɛ min kuma kɛ la, wo si ma kɔnkɔ-layan-bɛ la ka tenbi kɔnkɛ bɛɛsi la mɔgɛ bɛɛ yala. Sibolo-gbɛrɛ bɛɛ si na ke nyɔ.

Yɛrɛmaya 20:2

a ya a ma, anu ya nde, Yɛrɛmaya gbesi ka n sa banban la kantɔ-don-dɛ dafɛ min tɔgɛ Bɛnyamɛ Mari Bato-Bon-kata burɔ.

Yɛrɛmaya 30:18

Mari ko a si wole, ala mɔgɛnu nasɛgi wo halala-nyamanɛ rɔ tun. A si kinikini wo kebilɛ bɛɛ ma. Yerusalɛm soe si sɔ a gbɛ rɔ tun. Mansɛla bolɔn si sɔ a gba-kɔrɛ rɔ tun.

Yɛrɛmaya 37:13

n ke don-dɛ ma anu bi min kelela, “Bɛnyamɛ,” kɛlɛ-den-kunyɛ minnubɛ ala kɛlɛ-dannu siginɛ nyɔ, wonu ya n bira. Wo tɔgɛ le Iraya. A fa tɔgɛ le Sɛlimaya. Wo benba tɔgɛ le Hananaya. Iraya wo ko nde ye kofula Babilɔn kɛlɛ-dannu ma.

Yɛrɛmaya 38:7

Nba, Sudan kɛ do ye nyɔ min tɔgɛ Ibɛdi-Milɛki, mansɛla wɔli-kɛlɛ, kɔni. Wo ya a lamɔɛn ko anu bara n nayigi kɔlɔn rɔ. Wo ya a taran, mansɛ ye kiti-fɔɛ la don-dɛ dafɛ min tɔgɛ, “Bɛnyamɛ.”

Emɔsi 9:11

Mari ko tele wo ye nala, Mansa Dawudata bɔn min manɛ tonbɔn la, a si wo sɔ a kurɛ la. A si ala dandannu sɔ tun ka wo bɛɛ rabɛn iko a ye nya min fɔlɔ nun.

Maika 4:1

“Wati si na, Marita Bon-Sɛnimɛ sɔnɛ kɔnkɛ min kuma kɛ la, wo si ma kɔnkɔ-layan-bɛ la ka tenbi kɔnkɔ bɛɛsi la mɔgɛ bɛɛ yala. Sibolo-gbɛrɛkɛ-mɔgɛnu si na ke nyɔ.

Sakaraya 12:6

Wo wati wa ke, a ko a si Yuda bɔnsɔn-kun-tiginu ma iko tɛ wa na a labɔ sɔgɔ-ladɛnnɛ ma. Ni wo ma, a ko anu si ma iko kala-mɛlan wa a kun nabɔ bin-gbalɛ ma. Sibole minnu bi ala foolɛ rɔ, a ko Yuda kɛnu si wonu halaki kɔnɔ anu Yerusalɛm kɛnu si to anu gbɛ rɔ yiri!

Sakaraya 2:4

Min namatoe, wo ya a fɔ doi wo ye ko, “I buri tala a fɔla fen-sumannɛ wo ye ko tarɛ ti ke minina Yerusalɛm soe ma tun bawo a la si fa mɔgɛnu anubɛ kolo-fannu na penpen!

Sakaraya 8:3

A ko a si a ya-lamunun Yerusalɛm soe la ka ta a mayigi ata so-sɛnimɛ wo rɔ tun. A ko mɔgɛnu si to soe wo kelela ko Soe Min Telennɛ a ye. A ko anu si Mari Sɛnbɛ-Bɛɛ-Tigita kɔnkɛ kele ko Kɔnkɔ-Sɛnimɛ.

Yasowa 15:32

Lɛbeyoti, Silihimi, En, anubɛ Rimɔn. A damasi lakofunɛ, so mogan-ni-kɔnɔntɔ, anu dafɛ-so- nɛnu bɔnɛ a la.

Yasowa 21:17

Anu ya so-kun nanɛ minnu sɔrɔn Bɛnyamɛta nyamanɛ rɔ, wo le kɛnu na, Kibiyon wo, Kiba wo,

Kɛlɛ-Kurugbɛnu 20:45

A toe wonu ya anu buri ka ta kan tinɛ do rɔ Rimɔn farɛ dafɛ wulɛ rɔ. Wonu burimatoe ye tala nyɔ, anu ya mɔgɔ waga loli (5,000) faga anu tɔ kilɛ la tun. Isirɛla kɛlɛ-dannu tara anu sagaranna ha Kidɔm soe burɔ. Anu ya mɔgɔ waga fila faga (2,000) anu tɔ tun kilɛ wo la.

Kɛlɛ-Kurugbɛnu 20:47

Mɔgɔ kɛmɛ wɔrɔ (600) pe wonu denu kera anu burila ka ta ha Rimɔn farɛ wo dafɛ wulɛ rɔ. Karɛ nani wonu siginɛ nyɔ.

Kɛlɛ-Kurugbɛnu 21:13

Isirɛla bɔnsɔn tan-ni-kelan ya kilayɛ lata Bɛnyamɛ mɔgɛ toenu ma minnu bi Rimɔn farɛ wara la ka a fɔ anu ye ko, “A sɔgɛ ye ma la ka kɛlɛ ban ma tɛma ka to yisi-kimɛ rɔ.”