Sakaraya 13:9 - ALLALA KUMƐ

⁹ A toe minnu bi tola anu niyi la, a si a lagbɛlɛya anu kuma alako anu ni sɛninya iko sɛnɛ anubɛ wodi-gbɛ si sɛninya tɛ rɔ nya min. Wo kɔma, ni min ya a madiya, a si a wɔlɔ matɔlɔ wo la. A si a fɔ anu ye ko atɛ le anu denu na. Anu fanan si anu sɔn a la ko anuta Alla le ale la.

Sakaraya 13:9 ပူးပေါင်းရင်းမြစ်များ

2 Samuwɛli 7:24

I wara male Isirɛla mɔgɛnu ma i halalɛ la tɛban! Ile Mari le mata Alla la.

Yobu 23:10

Kɔnɔ hali wo, n bi ko-wo-ko kun na, Alla kolan bɛnnɛ n ma. Ni a ya n kɔrɔbɔ, a si a lɔn ko telenbaga le nde la.

Yobu 28:1

Denkɛnu bi nyɔ, mɔgɛnu bi wodi-gbɛ sɔrɔnna kan min. Kan-tinɛnu bi nyɔ, anu si sɛnɛ layigi kan min.

Yaburi 144:15

Mɔgɔ-sewanɛ le wo mɔgɛ la, min bi duwa-sufa kɛ sɔrɔnna. Mɔgɔ-sewanɛ le wo mɔgɛ la minna Alla bɛnnɛ Mari ma.

Yaburi 43:4

Wo kɔma, n si n telen ile Allata saraka-mintan-tinɛ la. Nna sewa-kunyɛ bɛɛ bɔra ile le bolo. N si nna sɔrɔn fɔ ka i matɔgɔ-bɛti bɔ. E, Alla, nta Alla le ile la.

Yaburi 50:15

Tɔrɔyɛ wa na wo ma, ni wo ya n kele, n si wo dɛnbɛ, ado wo si n gbiliya.”

Yaburi 91:15

A ko anu ba a rakele, a si a labira. Anu tenbi yakɔrɔ-mamɔɛ rɔ, a ye anu fɛ. A ko a si anu nakisi ka a ma, anu ni gbiliyɛ sɔrɔn.

Hɛnkilimaya-Kumɛnu 17:3

Sɛnɛ anubɛ wodi-gbɛ kɔrɔ si bɔ tɛ rɔ kɔnɔ Mari le si mɔgɔ yisi kɔrɔbɔ.

Keninteya-Siginu 2:16

Ntɛ le ile, nna keminɛ la. Atɛ le nde fanan na. I ye nna baga-ferenu-diyɛ bɔla.

Aiseya 43:2

A ko ma tenbi dumɛ tɛma, a ye ma fɛ nyɔ rɔ. Ma kunyɛ ti to tɔrɔyɛ wo rɔ. Hali ma tenbi tɛ tɛma, a ko ma ti mintan. Ma kunyɛ ti to gbɛlɛyɛ wo rɔ.

Aiseya 48:10

A ko a ara wo kɔrɔbɔ tɔrɔyɛ la ka wo sɛninya iko wodi-gbɛ si sɛninya tɛ la nya min kɔnɔ ko ma bɔ a rɔ.

Aiseya 58:9

Ni wo ya Mari rakele wo wati rɔ, a si wo denkun. Ni wo dira ale Mari dala, a si a fɔ ko, “N bi yan.” Wo ni wo fara dunɛ sala wo ta-nyɔgɛnu kuma. Wo ni wo fara mɔgɔ-rafɔɛ anubɛ mɔgɔ-rakaran la.

Yɛrɛmaya 31:33

A ko sarama-kan-kurɛ min bi taranna anubɛ wole, Isirɛla mɔgɛnu tɛma, wo le kɛ la. A ko a si ata tɔnnu sɛbɛ wo yisi rɔ. Ale si ma wota Alla la. Wole si ma ata mɔgɛnu na.

Yɛrɛmaya 32:38

Wo wa ma tumɛ min, a ko anu si ma ata mɔgɛnu na, ale si ma anuta Alla la.

Yɛrɛmaya 9:6

Mari ko nde, Yɛrɛmaya siginɛ yanfanteyɛ tɛma. Foninyɛ tugunnɛ ye tala anu nyɔgɔn na. Mari ko wo ara wo ban a lɔn-koe ma.

Isikiyɛli 11:20

Wo kɔma, anu si anu telen ka nna tɔnnu bira. Anu si ma nta mɔgɛnu na. Nde fanan si ma anuta Alla la.

Isikiyɛli 14:11

N bi wo mala le woletɔ Isirɛla mɔgɛnu ti n boloka ka anu nyɛrɛ kɔsɔ anu hakɛ bolo. Nta mɔgɛ le Isirɛla mɔgɛ kɛnu na. Anuta Alla le nde la. Nde, wo Tigi Mari le wara kɛ fɔ.”

Isikiyɛli 20:38

N si hakɛ-tiginu anubɛ mɔgɔ-murutiyanɛnu wurun anu tɛma. N si anu bɔ dugi wonu tɔ anu bi kan min kaka kɔnɔ n ti sɔn anu ni sɛgi tun Isirɛla nyamanɛ rɔ. Anu si a lɔn wo le ma ko anuta Mari le nde la.

Isikiyɛli 36:28

Wo kɔma, n ya nyamanɛ min di anu benbanu ma, anu si sigi nyɔ rɔ. Anu si ma nta mɔgɛnu na. Nde fanan si ma anuta Alla la.

Isikiyɛli 37:27

N si to anu fɛ burubukai! N si ma anuta Alla la. Anu si ma nta mɔgɛnu na.

Daniyɛli 11:35

Kun-tigi-hɛnkilimɛ donu si faga kɔnɔ a toe minnu bi tola, wonu si anu sɔ anuna telenbagayɛ rɔ gben! Anu bi tola wo le kun na ha Allata wati-latɛgɛnɛ ni ke.

Daniyɛli 12:10

Hɛnkili ye minnu na, wonu si anu kɛ-nya latelen kɔnɔ mɔgɔ-karagbɛlɛnu ti ko-wo-ko nya-yen kɛ rɔ fɔ ka to anuna karagbɛlɛyɛ kun na tolon!

Yowɛli 2:32

Kɔnɔ min bɛɛ si Mari rakele anu dɛnbɛn-koe la, wonu na si kanan wulɔn, ado Yerusalɛm so-burɔ-mɔgɛ donu fanan si kisi wulɔn iko Mari ara a fɔ nya min. A ko a wa min yabɔ ka a kele, a si wo to a niyi la.

Saraka-Masɔlɛnuta Tɔnnu 26:12

N si ma wota Alla la, wole si ma nta mɔgɛnu na.

Sakaraya 10:6

Mari ko a si a ma, Yuda mɔgɛnu ta ni gbɛlɛya. A ko a si Isirɛla mɔgɛnu kunyɛ bɔ gbaran rɔ. A ko a si kinikini anu ma ka na anu na anu barɛ tun. A ko a si ma iko a ma anu kɔn tele-kelen-bɛrɛni! A ko anuta Mari Alla le ale la. Ale le si anu madiyali-kan lamɔɛn.

Sakaraya 12:10

A ko a si kinikinɛ anubɛ madiyalɛ ladon Mansa Dawuda kegeyɛnu anubɛ Yerusalɛm kɛnu yisi rɔ. Anu ya min tasɔgɔ-sɔgɔ ka a faga, anu ba wo yen anu yɛ la, anu ni na to kinikinina mɔgɛ wo ma ka di wola ko la biribiri iko anuna den kelan wa faga. Anu si di iko mɔgɔ wa foo a sarɛ la.

Sakaraya 8:8

a ko a si wo kundɛn Yerusalɛm soe burɔ. Wo si ma ata mɔgɛnu na. Ale fanan si ma wota Alla la. A ko a si mansayɛ kɛ wo kun na lanayɛ anubɛ latelan rɔ.

Kɛwɔlɛnu 2:21

ado mɔgɔ-wo-mɔgɔ wa madiyali kɛ Mari tɔgɔ rɔ, a ko wo tigi si kisi.’

Hiburunu 8:10

“Nba, mabɛ Isirɛla mɔgɛnu bi sarama-kan-kurɛ min kirila, wo le kɛ la.” Mari ko, “Wo telenu ba ke tumɛ min n si nna tɔnnu sa anu hɛnkili rɔ. N si anu sɛbɛ anu yisi rɔ. N si ma anuta Alla la. Anu si ma nta mɔgɛnu na.

Yemesi 1:12

Mɔgɔ-sewanɛ le wo mɔgɛ la min si lanayɛ kɛ kɔrɔbɔlɛ rɔ bawo ala kɔrɔbɔlɛ wa ban tumɛ min, a si barayi min sɔrɔn, wo le a niyi-bɛrɛ la. Minnu bara Alla keni, Alla ara lanyiri kiri wonu ye ko a si barayi di anu ma.

1 Pita 4:12

N diyana-mɔgɛnu, wo ye tɔrɔya-belebele min sɔrɔnna kɔrɔbɔlɛ rɔ, wo kana kawa wola ko la. Ko-kura ma wo la iko min nyɔgɔn ma duri kɛla.

Lankɛnimayɛ 21:7

Mɔgɔ-wo-mɔgɔ wa nɔlɛ kɛ, a si fan kɛnu sɔrɔn nde bolo. N si ma ata Alla la. Ale si ma nna dan la.

Lankɛnimayɛ 8:10

Wo kɔma, melika sawa nyɔgɛ ya ata buri fɛ. Lolo-wɛ buira ka bɔ san-kole rɔ. Tɛ sigira wo la iko kala-mɛlan. Bɛnu anubɛ tenke bɛɛ faranɛ sigi tina sawa la, lole wo buira wati min, a buira wonu sigi tina kelan kuma.

Lankɛnimayɛ 8:11

Lole wo tɔgɛ le, “Kunayɛ.” Yi faranɛ sigi tina sawa la, wo sigi tina kelan kunayara. Mɔgɔ siyaman fagara yi la kunayɛ bolo.

Lankɛnimayɛ 8:12

Wo kɔma, melika nani nyɔgɛ ya ata buri fɛ. Tele faranɛ sigi tina sawa la, wo sigi tina kelan tinyara anubɛ karɛ, a sigi tina sawa nyɔgɛ anubɛ lolenu sigi tina sawa nyɔgɛ. Woletɔ anu ma ke malanna. Tele ma bɔ hawa nani nyɔgɛ kɔrɔ. Karɛ fanan ma gbɛ hawa nani nyɔgɛ kɔrɔ.

Lankɛnimayɛ 8:7

Melika fɔlɔtɛ ya ata buri fɛ. Banda-kole anubɛ tɛ min yabasannɛ yele la, wonu nara dugu-kole kuma. Duninya faranɛ sigi tina sawa la, wo sigi tina kelan mintanta gburr! Duninya kɔlɔma bɛɛ faranɛ sigi tina sawa la, wo sigi tina kelan mumɛ mintanta. Bin-kurannu bɛɛ mintanta fanan.

Lankɛnimayɛ 8:8

Wo kɔma, melika fila nyɔgɛ ya ata buri fɛ. Fan min manɛ iko tɛ siginɛ kɔnkɔ-belebele min tɔ, wo lakɛra kɔgɔ-yi rɔ. Kɔgɔ-yi faranɛ sigi tina sawa la, wo sigi tina kelen yɛlɛmanta yele la.

Lankɛnimayɛ 8:9

Dali-fan min bɛɛ ye kɔgɔ-yi rɔ, wonu faranɛ sigi tina sawa la, wo sigi tina kelen fagara. Kulɔn bɛɛ faranɛ sigi tina sawa la, wo sigi tina kelan tinyara.