Sakaraya 13:8 - ALLALA KUMƐ

⁸ A ko ni a ya mɔgɔ sawa-wo-sawa taran, a si fila-fila bɔ wonu na ka anu faga.

Sakaraya 13:8 ပူးပေါင်းရင်းမြစ်များ

Aiseya 6:13

Mɔgɔ-kɔnɔntɔ wo mɔgɔ-kɔnɔntɔ, hali a tan nyɔgɛ min tora, n si wo fanan kasara. Nta mɔgɔ-yabɔnɛ minnu tonɛ kɛ, wonu si ma iko kɔlɔma-kuru-wɛ min tɛgɛnɛ dugi rɔ. Kɔnɔ kɔn-kundi min tonɛ wo la, wo si a matii ka ma Allata mɔgɛnu tamasere la.”

Aiseya 66:24

Minnu bi Mari kan ma, Mari-batolɛnu si ta wonu furinu bolokanɛ yen belenna soe kɔma. Tunbi minnu bi wonu dɔnna, wonu ti faga. Tɛ min bi furi wonu mintanna, wo ti dufen. Furi wonu mafɛlan ti a diya don mɔgɛ rɔ.

Yɛrɛmaya 30:11

A ko a si na wo kisi. Wo ranyɛnsɛnnɛ sibole min bɛɛ tɛma, a ko a si wonu dama kasara pɔ! Kɔnɔ a ti wo lato. A ko a ti wo to wo tɔrɔbɛlɛ la kɔnɔ a ko a si wo tɔrɔ iko a bɛnnɛ wo ma nya min. Mari nyɛrɛ kan le kɛ la.

Isikiyɛli 20:38

N si hakɛ-tiginu anubɛ mɔgɔ-murutiyanɛnu wurun anu tɛma. N si anu bɔ dugi wonu tɔ anu bi kan min kaka kɔnɔ n ti sɔn anu ni sɛgi tun Isirɛla nyamanɛ rɔ. Anu si a lɔn wo le ma ko anuta Mari le nde la.

Isikiyɛli 5:12

Wole Yerusalɛm kɛnu tatalanɛ sigi-tina sawa la, a tɔnkɔn kelan si to kirayɛ anubɛ kɔnkɛrɔ-soe burɔ. A tɔnkɔn kelan, wonu kundu si bɔ faan la soe kɔma. A tɔnkɔn kelan fanan ta si nyɛnsɛn kesemeren, iko fɔnyɔ wa ta fen na. N si wo sagaran faan la.

Daniyɛli 9:27

Ale kun-tigi-sɛnbɛmɛ wonubɛ mɔgɔ-siyaman si lanyiri kiri anu nyɔgɔn tɛma san wɔrɔnfila kɔrɔ. Wati wo wa tala a tɛma, a si tɔn sigi saraka-mintantɛnu anubɛ saraka doinu na. Kun-tigi wo si kisimiriya-bɛsɛ do sigi Alla Bato-Bɔn la kan-tina-sɛnimɛ rɔ. A si to nyɔ ha min ya ale bɛsɛ ladan, wo tɔrɔya-wati ni na iko Alla ya a rabɛn a ye nya min.”

Emɔsi 9:10

A ko minnu ba a fɔ ko, “Alla ti sɔn ko-wo-ko ni male dumɛ,” hakɛ-tigi wonu kunyɛ si to kɛlɛ rɔ.

Sɛfanaya 3:12

A ko fɔ mɔgɔ-famayiginɛnu dɔrɔn si to anu niyi la. Wonu denu si ta a wara anu dɛnbɛn-koe la.

Malakayi 3:5

Mari Sɛnbɛ-Bɛɛ-Tigi ko a si bɔ gbɛ rɔ wo ye ka ko-yogoma-kɛlɛnu makuma. A duru wo, a yɛlɛn wo, a foninya-sereya-fɔla wo, minnu bi wɔli-kɛlɛnu kensunyala anu sarɛnu kuma wo, a kɛɛ-musu bolo-labirala wo, a kelenni bolo-labirala wo, a sundan bolo-labirala wo, ado anu fenfen sa a gbiliyala, a si wo bɛɛ kiti!

Matiyu 22:7

Mansɛ diminyara bɛrɛkɛ! A ya ala kɛlɛ-dannu nata mɔgɔ-fagalɛ wonu faga tinɛ ka anuna soe mintan.

Maraka 13:20

Kɔnɔ Mari ara ban do bɔla tele wonu na. Ni a ma wo ma nun, mɔgɔ-wo-mɔgɔ ti kisi. Kɔnɔ Mari si do bɔ tele wonu na ala mɔgɔ-yabɔnɛnuna ko la.

Lankɛnimayɛ 16:19

Babilɔn-so-wɛ farata sigi tina sawa la. Nyamanɛ bɛɛta so-wɛnu fanan halakira. Alla ya a fonde to Babilɔn-so-belebele ko. Allata diminya-belebele ye yi-lafɛ min tɔ iko gbɛɛ, a ya a ma, Babilɔn ya a min wo la.