Sakaraya 12:6 - ALLALA KUMƐ

⁶ Wo wati wa ke, a ko a si Yuda bɔnsɔn-kun-tiginu ma iko tɛ wa na a labɔ sɔgɔ-ladɛnnɛ ma. Ni wo ma, a ko anu si ma iko kala-mɛlan wa a kun nabɔ bin-gbalɛ ma. Sibole minnu bi ala foolɛ rɔ, a ko Yuda kɛnu si wonu halaki kɔnɔ anu Yerusalɛm kɛnu si to anu gbɛ rɔ yiri!

Sakaraya 12:6 ပူးပေါင်းရင်းမြစ်များ

Aiseya 54:3

Wo ni wo karan bawo i ma si kofu i maran anubɛ i bolo-nyimɛ rɔ. Ila dannu si sibolo-gbɛrɛnu mara. Ila dannu si sigi tonbon-kɔrɛnu tɔ.

Aiseya 9:20

Anu tara kan-bo-kan, anu si dugu-matɔnbɔn-kɛ kɔnɔ hali wo, anu buyi ti fa. Hali anu sɔrɔn-den-bɛrɛ, anu si a dɔn.

Yɛrɛmaya 30:18

Mari ko a si wole, ala mɔgɛnu nasɛgi wo halala-nyamanɛ rɔ tun. A si kinikini wo kebilɛ bɛɛ ma. Yerusalɛm soe si sɔ a gbɛ rɔ tun. Mansɛla bolɔn si sɔ a gba-kɔrɛ rɔ tun.

Hɔbadaya 1:18

Yakoba kegeyɛnu si ma iko tɛ. Ata den Yusufu fanan kegeyɛnu si ma iko ta-mɛlan, ado Isɔ kegeyɛnu si ma iko bin-gbalɛ. Kɔnɔ a ko wonu si Isɔ kegeyɛnu mintan ka anu nato dogbe! Ale Mari kuman-kan le kɛ la.

Maika 4:13

Wole Yerusalɛm kɛnu, wo ni wo lasɔ wo yogenu kɛlɛ-koe la. Mari si wo kolo gbɛlɛya iko turɛ min kere gbɛlɛ iko nɛgɛ. A kin-turi gbɛlɛyanɛ iko silɛɛ. Wole Isirɛla mɔgɛnu si wo yogenu bunden gburr! Wo ye fan minnu bila anu bolo kɛlɛ rɔ, wo si wonu natenbi duninya-tigi-Mari ma.

Sakaraya 1:16

Woletɔ a ara sɛgi Yerusalɛm soe burɔ ka kinikini wo ma. Mari Sɛnbɛ-Bɛɛ-Tigi ko wo si a Bato-Bɔn anubɛ ata soe sɔ-kurɛ-kɛ tun.

Sakaraya 11:1

Ile Lɛbanan nyamanɛ, ila dɛnu naka alako tɛ ni na sida-kɔlɔma bɛɛ mintan i rɔ.

Sakaraya 12:5

Wo si a ma, Yuda bɔnsɔn-mɔgɛnu ni to a fɔla anu nyɔgɔn ye ko anuta Mari Alla Sɛnbɛ-Bɛɛ-Tigi le ye sɛnbɛ dila mala so-karantan Yerusalɛm kɛ wonu ma.

Sakaraya 2:12

Mari si Yuda ma a halalɛ la tun ata dugu-sɛnimɛ rɔ. Yerusalɛm soe si diya a ye ka tenbi soe bɛɛ la.

Sakaraya 2:4

Min namatoe, wo ya a fɔ doi wo ye ko, “I buri tala a fɔla fen-sumannɛ wo ye ko tarɛ ti ke minina Yerusalɛm soe ma tun bawo a la si fa mɔgɛnu anubɛ kolo-fannu na penpen!

Sakaraya 9:15

Mari Sɛnbɛ-Bɛɛ-Tigi si ma wo matanka-fan la. Wo si wo kɛlɛ-nyɔgɛnu nɔ lenfiran-kuri la. Wo si gbele-gbelen kɛlɛ-kɛ-tinɛ iko gbɛɛtoe. Wo si yele labɔ wo yogenu ma. Yele si yigi anu ma iko saraka-yele ye yigila nya min saraka-mintan-tinɛ tonko nanɛ ma.

2 Kɔrɛnti 6:7

Ma ya tonya-kumɛ fɔ ka Allala sɛnbɛ yira alako ka a yira ko Allata wɔli-kɛlɛ le male la. Telenbagayɛ le mala kɛlɛ-kɛ-miran la. Ma si bui mɔgɛnu ma wo la ka ma nyɛrɛ matanka a la fanan.

Lankɛnimayɛ 20:9

Anu ta si nyɛnsɛn dugu-kole kan tinɛ bɛɛ kuma ka Allata mɔgɛnu daga tinɛ lamini anubɛ soe min keninɛ a bolo. Kɔnɔ tɛ si bɔ Arinyɛni tɔ ka anu halaki.