Sakaraya 12:12 - ALLALA KUMƐ

^12-14 Denbaya kelen-kelennamɛ-bɛɛ si di a dan na. Mansa Dawuda kegeyɛnu wo, Netan kegeyɛnu wo, Lifayi kegeyɛnu wo, Sɛmɛyi kegeyɛnu wo, wonu dama si di. Denbaya-toe mumɛ bɛɛ si di a dan na. Bɛɛ si di anu nyɔgɔn fɛ anu dan na, kei wo, musu wo.

Sakaraya 12:12 ပူးပေါင်းရင်းမြစ်များ

2 Samuwɛli 12:1

Mari ya Nɛbi Netan sɔ Mansa Dawuda wara. Nɛbi ke nyɔ, a ya tili tɛgɛ mansɛ ye ko, “Kei fila le taranta so kelen tɔ, fen bi doi bolo, fen sa doi wo bolo.

2 Samuwɛli 5:14

Musi wonu ya dan minnu sɔrɔn a ye Yerusalɛm, wonu tɔgɛ le kɛnu na, Samowa wo, Sobabu wo, Netan wo, Silamɛni wo,

Bɔ-Koe-Iyipiti 12:30

Di-kɛ-kan bɔra Iyipiti nyamanɛ kan tinɛ bɛɛ rɔ min kɛ, mansɛ anubɛ ala mɔgɔ-banu anubɛ Iyipiti nyamanita-mɔgɛ bɛɛ ya anu kunden suyi wo rɔ. Bon-wo-bon ma to, mɔgɔ ma faga kan min.

Yɛrɛmaya 13:18

Mari ya a fɔ n ye ko n ni kɛ fɔ Yuda mansɛ anubɛ a na ye. A ko anu ni anu nasɔ anuna mansaya-waganɛ rɔ. Anuna mansaya-fulɛ si bɔ anu kunyɛ la.

Yɛrɛmaya 3:21

Mɔgɛnu si wo di-kɛ-kan lamɔɛn kɔnkɛnu kun tɛma. Wole Isirɛla mɔgɛnu bi wo dɛ sala-a-rɔ madiyali-kɛ-tinɛ. Wo sɔn ara yogoya ka a dan-natenbi. Wo ara nyina wota Mari Alla ko.

Yɛrɛmaya 31:18

Mari ko a ara Isirɛla mɔgɛnu karanton-kan lamɔɛn. Anu bi a fɔla ko, “Mari, i wara ma tɔrɔ, ado ma ara hɛnkili sɔrɔn. Ma mani de nun iko ninki-den-kolobɛlɛ. Ta ma la ma warɛ. Ma si sɛgi i ma. Tonya-bɛrɛbɛrɛ, mata Mari Alla le ile la.

Yɛrɛmaya 4:28

Nyamanita-mɔgɛnu si anu dɛ sa-a-rɔ lungbɔn! San-kole si fin. Mari ko kɛ ye mala le bawo ale ti a kuman-kan dɔn. A ara ban a latɛgɛla, ado a ti a miriya yɛlɛma.

Yowɛli 2:16

Wo wa ban mɔgɛnu nakundɛnna, wo ni anu sɛninya iko tɔn ya a fɔ nya min. Wo ni kinanu kele. Wao ni dennɛnu fanan kele. Hali minnu dɛ ye kinyɛ la, wonu fanan ni bɛn a rɔ. Hali kei min ban-san musi furula, wonubɛ ala musi ni anuna bɔn boloka ka na.

Sakaraya 12:11

Wo wati wa ke, a ko anu si di Yerusalɛm soe burɔ iko anu ya a ma nya min Hedadi-Rimɔn soe burɔ Magidɔ lɛɛ rɔ.

Matiyu 24:30

Wo kɔma, nde, Hadama-dan tamasere si bɔ gbɛ rɔ san ma. Duninya bɔnsɔn bɛɛ wa nde, Hadama-dan yen nala banda-fin-gbɛ rɔ tumɛ min sɛnbɛ anubɛ gbiliya-ba rɔ, anu si di biribiri!

Luka 3:31

Ilayakim fanan fa le Mɛlɛya la, Mɛlɛya fanan fa le Minan la, Minan fanan fa le Matata la, Matata fanan fa le Netan la, Netan fanan fa le Dawuda la,

1 Kɔrɛnti 7:5

Wo kana wo ban wo nyɔgɔn bolo fɔ ni wo sɔnta wo ma alako wo si fɛrɛ sɔrɔn ka Alla matara wati-ni kɔrɔ nya min. Wo kɔma, wo si taran wo nyɔgɔn fɛ tun alako Setanɛ kana wo kɔrɔbɔ wo nyɛrɛ birabɛlitayɛla ko la.

Lankɛnimayɛ 1:7

Wo ni wo yɛ lana! A ye nala banda-finyɛ rɔ! Mɔgɛ bɛɛ si a yen nala hali minnu ya a sɔgɔ tanbɛ la. Duninya-mɔgɛ bɛɛ si di ala ko la, ado a ye mala wo nya na le! Amina.