Sakaraya 12:11 - ALLALA KUMƐ

¹¹ Wo wati wa ke, a ko anu si di Yerusalɛm soe burɔ iko anu ya a ma nya min Hedadi-Rimɔn soe burɔ Magidɔ lɛɛ rɔ.

Sakaraya 12:11 ပူးပေါင်းရင်းမြစ်များ

2 Mansɛnu 23:29

Mansa Yosaya ye ala mansayɛ la wati min, Iyipiti Mansa Niko nara ala kɛlɛ-dannu na Yufereti bɛ dala Asiriyanu madɛnbɛ tinɛ kɛlɛ rɔ. Ale mansɛ tara kilɛ tɛgɛ tinɛ Iyipiti kɛlɛ-dan wonu ma Magidɔ soe burɔ. Iyipiti mansɛ ya a yen nyɔ min kɛ, a ya a faga. A kunyɛ tora kɛlɛ rɔ nyɔ le.

2 Ko-Kɔrɔta-Karan 35:22

Kɔnɔ Mansa Yosaya yisi sɔnɛ a kɛlɛ-koe la sokesoke! Mansa Niko ara Allata kumɛ min fɔ a ye wo la, ale Mansa Yosaya ma a wɔlɔ matɔlɔ wo la. A ya a nyɛrɛ mayɛlɛma ka ta Niko kɛlɛ tinɛ Magidɔ lɛɛ rɔ.

2 Ko-Kɔrɔta-Karan 35:24

A ye kirindi min tɔ nun, anu ya a bɔ wo rɔ ka a sa ala kirindi doi rɔ ka ta a la Yerusalɛm. A fagara nyɔ le. Anu ya a togon mansɛnuna kaburu-soe la. Yuda nyamanita-mɔgɛnu anubɛ Yerusalɛm kɛnu dira ala ko la.

Sakaraya 12:12

Denbaya kelen-kelennamɛ-bɛɛ si di a dan na. Mansa Dawuda kegeyɛnu wo, Netan kegeyɛnu wo, Lifayi kegeyɛnu wo, Sɛmɛyi kegeyɛnu wo, wonu dama si di. Denbaya-toe mumɛ bɛɛ si di a dan na. Bɛɛ si di anu nyɔgɔn fɛ anu dan na, kei wo, musu wo.

Matiyu 24:30

Wo kɔma, nde, Hadama-dan tamasere si bɔ gbɛ rɔ san ma. Duninya bɔnsɔn bɛɛ wa nde, Hadama-dan yen nala banda-fin-gbɛ rɔ tumɛ min sɛnbɛ anubɛ gbiliya-ba rɔ, anu si di biribiri!

Lankɛnimayɛ 1:7

Wo ni wo yɛ lana! A ye nala banda-finyɛ rɔ! Mɔgɛ bɛɛ si a yen nala hali minnu ya a sɔgɔ tanbɛ la. Duninya-mɔgɛ bɛɛ si di ala ko la, ado a ye mala wo nya na le! Amina.

Lankɛnimayɛ 16:16

Nba, nyina-yogomɛ wonu ya mansɛ wonu madɛn kan tinɛ wo rɔ min tɔgɛ Hiburu-kan rɔ, “Aramagɛdon.”