Sakaraya 12:10 - ALLALA KUMƐ

¹⁰ A ko a si kinikinɛ anubɛ madiyalɛ ladon Mansa Dawuda kegeyɛnu anubɛ Yerusalɛm kɛnu yisi rɔ. Anu ya min tasɔgɔ-sɔgɔ ka a faga, anu ba wo yen anu yɛ la, anu ni na to kinikinina mɔgɛ wo ma ka di wola ko la biribiri iko anuna den kelan wa faga. Anu si di iko mɔgɔ wa foo a sarɛ la.

Sakaraya 12:10 ပူးပေါင်းရင်းမြစ်များ

Ko-Dabirɛnu 45:1

Nba, Yuda ban kɛ fɔla, Yusufu ya a yen ko a ti ke a birala-a-rɔ tun ala wɔli-kɛlɛnu yala. A nyɛɛra ala wɔli-kɛlɛ wonu ma ko, “Wo ni wo bɔ yan.” Yusufu ye a nyɛrɛ rakala a kɔrɔnu na tumɛ min, mɔgɔ-gbɛrɛkɛ sa anu kurun tɔ fɔ anu gbansan!

Ko-Dabirɛnu 45:2

Yusufu dira ha Iyipiti kɛ minnu bi bɔn wola foolɛ rɔ, wonu ya a di-kɛ-kan wo lamɔɛn. Anu tora a fɔla ha mansɛla mɔgɛnu ya a lamɔɛn.

Yaburi 51:12

A ma, n ni ita kisi-ko-sewɛ sɔrɔn tun. I sako-kɛ-yisi ladon n burɔ.

Hɛnkilimaya-Kumɛnu 1:23

N tenbi wo makumala, wo ni wo tole masɔ n na. N bi nyɔ ka wo dɛnbɛ ka hɛnkili di wo ma. N bi wo makawandi-nyimɛ-kɛla alako wo ni ko-siyaman nya-yen n bolo.

Hɛnkilimaya-Kumɛnu 4:3

N den-nɛ wati min, nde le kelen pe ye den-kei la n sɔrɔnnɛnu bolo.

Aiseya 32:15

Kɔnɔ Alla si ata Sɛnbɛ layigi ma ma tun. Dugu-gbɛlɛmɛ si yɛlɛma dugu-lamonɛ la. Ki-fannu si nɔrɔn dugu-lamonɛ rɔ.

Aiseya 45:22

A ko wole duninyarɔ-mɔgɛnu, wo ni wo ya-lamunun a la, a ni wo kisi. A ko ale kelen pe le ye Allayɛ la.

Yɛrɛmaya 31:19

Mari, ma ya ma bɔ itɛ rɔ. Ma ara ma kɛ-nyanu yɛlɛma. Kebi i ya ma tɔrɔ, ma ma ke ma kunyɛ kɔrɔbila miliyɛ bolo. Ma ara miliya mala kuntanya-ko-ladan-bolenu na wo tumɛ ma dennɛ.”

Yɛrɛmaya 31:9

A ko wole, ala mɔgɛnu si sɛgi dila nyagalen bolo. Wo namato, a si wo niyi radiya. Wo ye bɔla kilɛ min fɛ, wo kan na ti gbala nyɔ. Wo ye bɔla kilɛ min fɛ, wo ti wo kian natugu nyɔ. Mari mani de wole, Isirɛla mɔgɛnu ye iko wo fa. Ala sarɛ le wole, Ifɛrɛm mɔgɛnu na.

Yɛrɛmaya 50:4

Mari ko wo wati wa na tumɛ min, a Isirɛla ka wo, a Yuda ka wo, bɛɛ si sɛgi ale anuta Mari Alla ma diyi la anu bolo.

Yɛrɛmaya 6:26

Mari ko wole, ata mɔgɛnu ni kasa-kurɛ kɛ wo ma. Wo ni wo nyɛrɛ maforongban gbangban rɔ yisi-tinyala ko la. Minnu bara lakiraya, wo ni wo dɛ sa-a-rɔ wonuna ko la. Wo ni wo dɛ bolobɔ iko mɔgɔla den kelan wa bɔ a bolo. Wo ni wo bɛɛ ma bawo kasarɛ sa mɛla kɛla wo ma.

Isikiyɛli 20:43

Anu bara anu nyɛrɛ latinya min bɛɛ ma kisimiriya-ko-ladannu tɔ, anu hɛnkili si to wonu ko wati wo le tɔ. Anu si nyima anu nyɛrɛ rɔ ka a tɛgɛ anuna ko-yogomɛnu ma.

Isikiyɛli 37:14

N si nna niyi don anu tɔ alako anu ni beli tun. Wo kɔma, n si a ma, anu ni ta sigi anuta nyamanɛ rɔ tun. Anu si a lɔn wo le ma ko Mari le nde la. Nta lanyiri le kɛ la, ado fɔ n ba a ma. Nde, Mari ara ban a fɔla.”

Isikiyɛli 39:29

N si duwa nta mɔgɛnu ye ka n niyi labɔn Isirɛla mɔgɛnu kuma, ado n ti anu boloka wo nya tun! Nde, anu Tigi Mari le wara kɛ fɔ.”

Emɔsi 8:10

Wo si wo kundɛn wola sewa-tele minnu ma, Mari si tele wonu ma di-kɛ-tele la. Mari ko a si wola sewa-siginu yɛlɛma yisi-magboya-siginu na. A si a ma, wo ni wo kunyɛ gbana ka kasa-kurɛnu don wo kan na. A si kunaya wole, Isirɛla mɔgɛnu kuma iko mɔgɔ-kɔrɔyanɛla den kelan wa sa. A si gbɛlɛya wo kuma ha wola tɔrɔya-wati da ni fa.

Sakaraya 13:9

A toe minnu bi tola anu niyi la, a si a lagbɛlɛya anu kuma alako anu ni sɛninya iko sɛnɛ anubɛ wodi-gbɛ si sɛninya tɛ rɔ nya min. Wo kɔma, ni min ya a madiya, a si a wɔlɔ matɔlɔ wo la. A si a fɔ anu ye ko atɛ le anu denu na. Anu fanan si anu sɔn a la ko anuta Alla le ale la.

Yilan-Yilan Koe 21:9

Musa fanan ya silɛɛ ladan iko duguma-fan. A ya a layɛlɛ san ma kɔlɔma la. Ni sagan-fan ya mɔgɛ min kin, wo tigi wa a yɛ layɛlɛ san ma ka duguma-fanla muninyɛ wo mafɛlɛn, wo tigi si beli.

Matiyu 24:30

Wo kɔma, nde, Hadama-dan tamasere si bɔ gbɛ rɔ san ma. Duninya bɔnsɔn bɛɛ wa nde, Hadama-dan yen nala banda-fin-gbɛ rɔ tumɛ min sɛnbɛ anubɛ gbiliya-ba rɔ, anu si di biribiri!

Matiyu 26:75

Yisa ya min fɔ Pita ye nun, a hɛnkili labirara wo ko ko, “Yanni dondɔn ni keke bi suyi kɛ rɔ, i si a fɔ kinyama sawa ko i ma n lɔn.” A bɔra luyi ma. A dira biribiri!

Yɔni 1:29

Wo banda kɛ, Yɔni ya Yisa yen nala a wara la. A ko, “Allala Saga-Dan le kɛ la, min si duninya-mɔgɛ bɛɛ hakɛ bi ka ta a la!

Kɛwɔlɛnu 10:45

Yahudiya dɛnkɛninya-mɔgɛ minnu bilara Pita fɛ ka bɔ Yapa soe burɔ, wonu kawara ko Alla ara ata Ni-Sɛnimɛ labɔn sibolo-gbɛrɛnu fanan kuma.

Kɛwɔlɛnu 11:15

Nba, n wulita kumala tumɛ min, Allata Ni-Sɛnimɛ yigira anu fanan kuma iko a yigira male kuma nya min fɔlɔ-nun.

Kɛwɔlɛnu 2:17

‘Alla ko a si min ma tele-labannu tɔ, wo le kɛ la. A ko a si ata Ni-Sɛnimɛ layigi mɔgɛ bɛɛ kuma. Mala den-keinu anubɛ mala dunmusinu si wɔlɔyiyɛ kɛ. Mala kemini-mɛsɛnu si ko-rayirɛnu yen. Mala kɛmɔgɛnu si kiyonu sa.

Kɛwɔlɛnu 2:33

A yɛlɛta ka sigi Alla kɔɛn-nyimɛ rɔ. A ya Allala Ni-Sɛnimɛ sɔrɔn iko a Fa Alla ya lanyiri kiri a ye nya min, ado Alla ara ata Ni-Sɛnimɛ wo labɔn ma kuma iko wo ye min yenna kaka ka a lamɔɛn nya min.

Kɛwɔlɛnu 2:37

Mɔgɛnu ya wo lamɔɛn tumɛ min, wo ya anu yisi tɔrɔ dɔgɔma-ma-de! Anu ya a fɔ Pita anubɛ Yisata kilayɛ doinu ye ko, “Ma na-kelen-nyɔgɛnu, ma si nfen ma gbɛ?”

Romu 8:15

Wo ti wo ma yɔɔn la min si a ma, wo kuma ni kɔ kɔnɔ a ara wo ma a diyana-dannu na. Nba, Allata Ni-Sɛnimɛ baraka rɔ, ma ye dila Alla tole tɔ ko, “N Fa! N Fa!”

Romu 8:26

Allata Ni-Sɛnimɛ fanan bara na ka male sɛnbɛbɔnɛnu dɛnbɛ wo nya na le, ado ma si madiyali kɛ minna ko la, ma ma wo lɔn. Ata Ni-Sɛnimɛ ye kurunna Alla madiya tinɛ, ma ma min fɔ-nya lɔn.

Ɛfɛsa 6:18

Wo ni to madiyali kɛla tuma-wo-tuma koe bɛɛla ko la iko ata Ni-Sɛnimɛ ye wo labilala nya min. Wo yɛ bɛnnɛ ni to. Wo kana bandan madiyali kɛla Allata mɔgɛnu ye.

Hiburunu 12:2

Ma ni la Yisa la dɛɛ bawo ale le ye mala dɛnkɛninyɛ dabirɛ anubɛ ala ban la. A ma a ban faga-koe ma kɔlɔma ma! Miliyɛ wo bɔrɔ ma taran a ye. A fonde latɛgɛnɛ sewɛ wola ko la min siginɛ a yarɔ, ado a siginɛ Alla kɔɛn-nyimɛ rɔ kaka.

Yude 1:20

Kɔnɔ wole, n diyana-mɔgɛnu, wo ni to sabatila wola dɛnkɛninya-sɛnimɛ rɔ. Wo ni madiyali kɛ Allata Ni-Sɛnimɛ baraka rɔ.

Lankɛnimayɛ 1:7

Wo ni wo yɛ lana! A ye nala banda-finyɛ rɔ! Mɔgɛ bɛɛ si a yen nala hali minnu ya a sɔgɔ tanbɛ la. Duninya-mɔgɛ bɛɛ si di ala ko la, ado a ye mala wo nya na le! Amina.

1 Samuwɛli 7:2

Marita tɔn-kenkirɛ ya san mogan de bɔ Kiriyati-Yirɔm soe burɔ. San kɛ mumɛ bɛɛ kɔrɔ, Isirɛla mɔgɛnu bi dila Mari dala anu dɛnbɛn-koe rɔ.