Sakaraya 11:14 - ALLALA KUMƐ

¹⁴ Wo kɔma, saga-lagbengben-kɔlɔma kelan min tɔgɛ “Kan kelan,” n ya wo fanan takeri alako ka a yira ko kan kelan min bi Yuda anubɛ Isirɛla tɛma, wo ara tɛgɛ anu nyɔgɔn na gbat!

Sakaraya 11:14 ပူးပေါင်းရင်းမြစ်များ

Aiseya 11:13

Isirɛla mɔgɛnu ti Yuda mɔgɛnu makeliya tun, ado Isirɛla yoge ti ma Yuda la tun.

Aiseya 9:21

Hali Manasa kegeyɛ anubɛ Ifɛrɛm kegeyɛ si anu nyɔgɔn kɛlɛ. Wati do wa ke, anu na si kofu ka Yuda kɛnu kɛlɛ. Kɔnɔ hali wo, wo ti a ma, Marita fondo-bɔɛ ni ban. Ha bi, Mari kɔɛn kɔrɔbinɛ anu tɔrɔ-koe la.

Isikiyɛli 37:22

N si anu filɛ ma sibolo kelen na Isirɛla kɔnkɔ-nyamanɛ rɔ. Mansa kelen pe si taran anu kun na. Anu ti ma sibolo fila la tun. Anu ti to nyamani-filayɛ la tun.

Sakaraya 11:6

Mari ara a fɔ ko a ti kinikini mɔgɔ-wo-mɔgɔ ma tun ata nyamanɛ kɛ rɔ. A ko ale le ya mɔgɛ wonu nadon anu nyɛrɛta kun-tigi wonuna sɛnbɛ kɔrɔ. A ko kun-tigi wonu si nyɔ tinya pɔ, ado a ti sɔn ka ala mɔgɛnu nabɔ anuna sɛnbɛ kɔrɔ mumɛ!

Sakaraya 11:7

Woletɔ minta ye sagɛ wonu na, wonu ya nde, Sakaraya ma saga-fɛ-biralɛ la sagɛ wonu ye minnu bi nala fagala. N ya saga-lagbengben-kɔlɔma fila bi. N ya kelan wo tɔgɔ sa “Diyanayɛ,” n ya doi wo tɔgɔ sa “Kan kelan.” N ya saga-fɛ-biralayɛ dabira.

Sakaraya 11:9

N ya a fɔ sagɛ wonu ye ko, “N ti wo fɛ-bira tun. Ni min bi fagala, wo ni faga. Ni min bi kasarala, wo ni kasara. Ni minnu tora, wonu ni to anu nyɔgɔn dɔnna. Tana ma wo la.”

Matiyu 24:10

Mɔgɔ siyaman si dɛnkɛninyɛ boloka wo wati rɔ. Anu si anu nyɔgɔn don anu yogenu bolo ka anu nyɔgɔn kɔn.

Maraka 3:24

Ni mɔgɛnu bi anu nyɔgɔn kɛlɛla nyamani-wo-nyamani rɔ, wo nyamanɛ ti mɛ.

Kalesiya 5:15

Kɔnɔ ni wo tora ko ladanna iko sogo-feremɛnu ka wo nyɔgɔn madumɛ ka wo nyɔgɔn dɔn, feda worɔ, wo ni a ma wo fɛrɛma, ni wo ma, wo si wo nyɔgɔn kasara pɔ!

Yemesi 3:14

Kɔnɔ ni keliya-yogomɛ ye i yisi rɔ, ado i ye koe bɛɛ bɛnna i nyɛrɛ le ma dɔrɔn, i kana i nyɛrɛ matɔgɔ ka a tɛgɛ ila hɛnkilimayɛ ma. I wara tonyɛ boloka worɔ ka foninya-yogoma-wɛ sa tele la.

Yemesi 3:16

ado keliyɛ anubɛ min bi nyinina fan bɛɛsi ma a nyɛrɛ ye, ni wonu bi kan min, sɔnkɔ-sɔnkɛ anubɛ ko-yogoma-sufa-bɛɛ ye nyɔ le.