Sakaraya 11:1 - ALLALA KUMƐ

¹ Ile Lɛbanan nyamanɛ, ila dɛnu naka alako tɛ ni na sida-kɔlɔma bɛɛ mintan i rɔ.

Sakaraya 11:1 ပူးပေါင်းရင်းမြစ်များ

Yɛrɛmaya 22:23

Wola mansɛla bɔn sɔra sida-fɛran minnu na ka bɔ Lɛbanan kɔnkɛnu kuma, ale mansɛ lafɛrɛnɛ sanɛ wo burɔ! Kɔnɔ dumɛ wa tagbaya a ma, a makinikininɛ si to iko nyaganɛ wa sigi tin kɔrɔ.

Isikiyɛli 31:3

Anuna nyamanɛ mani de iko Lɛbanan-sida-kɔlɔma-tapinpini-bɛ min yanyanɛ ka ke banda-finyɛ ma.

Habakuku 2:17

Gbɔngbɔn minnu bi Lɛbanan nyamanɛ rɔ, wo ara wonu manunku yerekule! Wole fanan ma ye nunkula wo nya na le yerekule! Soge minnu bi nyɔ rɔ nun, wo ara wonu ban fegba! Kɔnɔ sogenu si wole fanan kumakɔ. Wo bɛɛ ye mala ka a tɛgɛ wola mɔgɔ-fagɛ anubɛ wola wunduyogoyɛla ko la, wo ya min sigi dugu-kole anubɛ ata soenu ma.

Habakuku 2:8

Wo ara mɔgɔ-siyaman bolo-fan bi anu bolo. Kɔnɔ minnu tora anu niyi la, wonu fanan si anu tayili sara wo la. Wo bɛɛ ye mala ka a tɛgɛ wola mɔgɔ-fagɛ anubɛ wola wunduyogoyɛla ko la, wo ya min sigi dugu-kole anubɛ ata soenu ma.

Hegayi 1:8

Wo ni yɛlɛ gbɔngbɔnnu kɔrɔ ka kɔlɔmanu malɛsɛ nyɔ ka na nde, Marita Bato-Bɔn sɔ. Ni wo ya wo ma, n si gbiliyɛ sɔrɔn wo bolo. Wo si a diya don n tɔ.

Sakaraya 10:10

Minnu bi Iyipiti anubɛ Asiriya nyamanɛ rɔ, a ko a si wonu nana anu barɛ. A ko a si a ma, anu ni na sigi anu barɛ nyamanɛ rɔ tun. A ko a si anu sigi Kaliyadi anubɛ Lɛbanan nyamanɛnu tɔ. A ko nyamanɛ wo mumɛ si fa mɔgɛnu na penpen!

Sakaraya 11:2

Ile pain kɔlɔma, i ni di biribiri bawo sida-kɔlɔma-nyimɛnu bara-koe ara ka-a-la. Ile ɔki-kɔlɔma minnu bi Basan nyamanɛ rɔ, ile fanan ni di biribiri bawo gbɔngbɔn ma ara kerikeri.

Sakaraya 12:6

Wo wati wa ke, a ko a si Yuda bɔnsɔn-kun-tiginu ma iko tɛ wa na a labɔ sɔgɔ-ladɛnnɛ ma. Ni wo ma, a ko anu si ma iko kala-mɛlan wa a kun nabɔ bin-gbalɛ ma. Sibole minnu bi ala foolɛ rɔ, a ko Yuda kɛnu si wonu halaki kɔnɔ anu Yerusalɛm kɛnu si to anu gbɛ rɔ yiri!

Tɔn-Fɔɛ-Fila-Nyɔgɛ 32:22

Marita diminyɛ si ma iko tɛ wa bin-gbalɛ bira ka mintannɛ kɛ dugi kɔrɔ ha ka ta ke lakira ma. Ata diminyɛ si ki-fannu anubɛ dugu-kole mintan gburr! A si kɔnkɛnu sule mintan.