Sakaraya 10:1 - ALLALA KUMƐ

¹ Wo ni Mari matara ko a ni bandɛ lana a tumɛ rɔ, ado Mari ye a mala, bandɛ ye nala. Ale le ye bandɛ lanala hadama-dan ye alako ki-fannu ni ma-a-la wɔli-kɛ-tinɛnu tɔ.

Sakaraya 10:1 ပူးပေါင်းရင်းမြစ်များ

1 Mansɛnu 17:1

Nɛbi do bɔra Tisiba soe burɔ Kaliyadi nyamanɛ rɔ. A tɔgɛ le Ilaya. Nɛbi wo tara a fɔ Mansa Ehabu ye ko, “N bi Isirɛlata Mari Alla-nimɛ min batola, n bara n keli wo tɔgɔ rɔ ko duri ti yigi, bandɛ ti na san-dande kɛ kɔrɔ Isirɛla nyamanɛ kɛ rɔ yan fɔ nde, Ilaya wa a fɔ ko bandɛ ni na.”

Yobu 29:23

Nna kumɛ si anu nasewa iko bandɛ si sɛni-salɛ lasewa nya min.

Yaburi 104:13

I ye yi labɔla san-kole rɔ ka kɔnkɛnu yi sa. Duninya lafanɛ ita duwɛ la.

Yaburi 135:7

A si banda-finyɛ lana ka bɔ dugu-dan la. A ye san-sɛran anubɛ bandɛ lanala. A si fɔn-barɛ dɛ laka duninya kuma.

Yaburi 65:9

I ye dugi fɛ-birala bandɛ la. I ye a mala, mala dugi ye nɔrɔnna sɛnita-fannu kɔrɔ kati! I ye yi-worɔnnu nafala yi la. I ye duninya lafala ki-fannu na.

Yaburi 72:6

Alamɛ mansɛla mansayɛ ya ala mɔgɛnu munanfaga iko banda-yi ye ki-fannu nasabatila nya min.

Hɛnkilimaya-Kumɛnu 16:15

Ni mansɛ sewara i la, i niyi ra si diya i ma. Ala sewɛ wo si diya mɔgɛ ye iko banda-kun-fɔlɛ wa bui dugi ma.

Aiseya 30:23

Kɔnɔ wo wa wola fui-fannu fui tumɛ wo rɔ, Mari si bandɛ lana alako anu ni nanfa kubukubu! Binyɛ si boroko-baraka wola kolo-fannu ye.

Aiseya 44:3

A ko nyamanɛ min kan lagbalanɛ, a si yi di nyɔ ma. A si a ma, yi ni siyaya mala nyamanɛ rɔ. A ko a si ata Sɛnbɛ di mala dannu ma duk! A si duwɛ di mala kebilɛnu ma.

Aiseya 5:6

N si a ma, nyɔ ni ma bin-gbansan la. Minnu sa gbɔla, n ti ko ma wonu na. N ti anu kɔrɔ wɔrɔ. N si a ma, gbenkinya anubɛ gbangbufe ni nyɔ bira-a-la. N si tɔn sigi bandɛla nɛ la a rɔ.”

Yɛrɛmaya 10:13

A nɛn-naban kumala, bandɛ si tugu. A si a ma, banda-yi la ni dɛn dagɛ rɔ ka bɔ duninya kan-tinɛ bɛɛ rɔ. A si san-sɛran anubɛ bandɛ lana. A si fɔnyɔ labɔ ala fɔn-barɛnu tɔ.

Yɛrɛmaya 14:22

Sibolo-gbɛrɛnuta bɛsɛnu si ke bandɛ lanala le, wa? San-kole si ke bandɛ lanala a nyɛrɛ ma, wa? Ade fɔ ile mata Mari Alla kelan min si wo ma. Ma yili-madiyanɛ ile kelen pe le ma. Ile le kelen pe si ko sufa kɛnu ma.

Yɛrɛmaya 5:24

Wo sa a fɔla wo nyɔgɔn ye ko, “Ma ni kilan mata Mari Alla la wona. Ale le ye bandɛ lanala ma ye a tumɛ rɔ. Ale le ye a mala, ma ye mala fui-fannu tɛgɛla a tumɛ rɔ.”

Yɛrɛmaya 51:16

A nɛn-naban kumala, banda si tugu. A si a ma, banda-yi la ni dɛn kan-tina bɛɛ rɔ. A tenbi bandɛ lanala, san ye sɛrɛnna. A si ala fɔn-barɛ dɛ laka.

Isikiyɛli 34:26

“N si duwa anu ye, ado anu si taran nna kɔnkɔ-sɛnimɛla foolɛ rɔ. Anu makoe wa bila bandɛ la tuma-wo-tuma, n si bandɛ lana anu ye.

Isikiyɛli 36:37

“Nde, i Tigi Mari si sɔn Isirɛla mɔgɛnu ni n madiya tun. N si a ma, anu ni to siyayala iko saga wɔrɛ.

Hoseya 10:12

Wo ni dugu-kurɛ rasin wo nyɛrɛ ye ka telenbagayɛ ki a rɔ. Tɔ-a-la, wo si duwɛ tɛgɛ a rɔ iko wo ye tɔnɛ min sɔrɔnna wo nyɛrɛ latenbi rɔ nde, Mari ma. Wo ya-lamunun-wati ara ke nde, wota Mari la. Wo kɔma, n ni to nna duwɛ labɔnna wo ma.

Hoseya 6:3

Ma ni ma sɛbɛ don Mari lɔn-koe ma alako a ni to sɛgila ma ma tun iko sun-tele-tiyi ye nala sɔgɔma-wo-sɔgɔma nya min. A si to sɛgila ma ma tun iko samɛ min bi donna san-bo-san.”

Emɔsi 4:7

Ni wo ya a yen kɔnkɔ-fitinɛ nara, Mari ko ale le ya wo beli banda-yi la. A ya bandɛ lana soe donu tɔ, a ya donu beli a la. A ya bandɛ lana sɛnɛ donu tɔ, a ya donu beli a la.

Maika 5:7

Isirɛla mɔgɛ toe minnu bi tola, wonu si bui ma yogenu ma tiriya iko bandɛ si bui dugi ma nya min bawo wo tungu sigini ma mɔgɛ la fɔ Mari.

Yɔni 16:23

Wo tele wa ke tumɛ min, wo ti n manyinika ko-wo-ko la. N bi tonyɛ fɔla wo ye, wo wa n Fa Alla tara ko-wo-ko la n tɔgɔ rɔ, a si wo kɛ wo ye.

1 Kɔrɛnti 3:6

Nde le ya sugi fui, Apalasi ya a yi sa kɔnɔ Alla le ya a ma, a fɛrɛnta ka sabati.

Tɔn-Fɔɛ-Fila-Nyɔgɛ 28:23

San-kole ma si tɛgɛ. Wola dugi si gbɛlɛya iko fara-kole.

Yemesi 5:7

Nba, n na-kelen-nyɔgɛnu, wo ni wo muin ha Mari ni na. Wo ni sɛni-salɛta munyu-nya mafɛlɛn. A ye ala sɛnɛ makɔnɔna munyu-ba rɔ, ha a ni banda-yi-kun-fɔlɔtɛ anubɛ a laban sɔrɔn. A ye a fɛ, ala ki-fannu ni ma-a-la ka nanfa.