Sakaraya 1:17 - ALLALA KUMƐ

¹⁷ Mari Sɛnbɛ-Bɛɛ-Tigi ko ala soenu si sabati tun. A ko a si wole Yerusalɛm kɛnu dɛnbɛ ka wola soe wo ma a halalɛ la tun. Kere Nani Yen-Koe

Sakaraya 1:17 ပူးပေါင်းရင်းမြစ်များ

2 Ko-Kɔrɔta-Karan 6:6

Kɔnɔ kaka, a ara Yerusalɛm soe yabɔ, wo si a bato kan min. Wo kɔma, a ya n fa Mansa Dawuda yabɔ ka a sigi mansayɛ la ata mɔgɛnu kun na.”

Nihɛmaya 11:20

Kɔnɔ Isirɛla mɔgɛ toenu anubɛ saraka-masɔla-toenu anubɛ Lifayi-toenu, wonu sigira anu halala-fannu kun na soe donu tɔ Yuda nyamanɛ rɔ.

Nihɛmaya 11:3

Mɔgɔ-toe bɛɛ sigira a benba soe burɔ Yuda nyamanɛ rɔ. Wo kɔma, saraka-masɔlɛ donu wo, anubɛ Lifayi donu wo, anubɛ Bato-Bonna-wɔli-kɛlɛ donu wo, anubɛ Silamɛnita yɔɔn bɔnsɔn wo, wonu sigira anu benba soenu tɔ Yuda nyamanɛ rɔ. Kebila-kunyɛ minnu bɔra Yuda ka ta sigi Yerusalɛm, wonu tɔgɛ le kɛnu na.

Yaburi 69:35

A si Yerusalɛm lakisi ka so-nɛnu sɔ-kura-kɛ tun Yuda nyamanɛ rɔ. Ata mɔgɛnu si sigi nyɔnu tɔ ka nyamanɛ wo bi.

Aiseya 14:1

Mari si kinikini Isirɛla mɔgɛnu ma tun ka anu ma atɛ la. A si a ma, anu ni sigi anu halala-nyamanɛ rɔ tun baff! Sibolo-gbɛrɛnu si sigi anu tɛma.

Aiseya 44:26

Kɔnɔ a ko ale nyɛrɛta wɔli-kɛlɛ wa wɔlɔyiya-kumɛ fɔ wo, ata kilayɛ wa na ata ko-rabɛnnɛ lankɛnimaya wo, a ko a si a ma, wo dama ni bɔ-a-la tɛrr! A wa a fɔ ko Yerusalɛm na si fa mɔgɛnu na tun, wo si ma le. A wa a fɔ ko Yuda nyamanita-soenu si sɔ a kurɛ la tun, a kan wo si bɔ-a-la. Soe wonu bɔtoe le tonbonyɛ la.

Aiseya 49:13

San-kole ni a dɛ sa-a-rɔ sigi sa tinɛ. Dugu-kole ni a lawɔyɔ sewɛ bolo. Kɔnkɛnu ni sigi-sɛ dabira anu sɛbɛ-kuna-wɛ la. Mari si ala mɔgɛnu nafɛrɛ ka kinikini ata mɔgɔ-tɔrɔnɛnu ma.

Aiseya 51:12

Mari ko ale le si wo sɛnbɛ don. Hadama-dan min siyi-fɛ wuru iko binyɛ, wole kilannɛ wo la nfenna gbɛ?

Aiseya 51:3

Mari ko a si kinikini Yerusalɛm soe ma, min bi tonbonyɛ la nun, kɔni. Hali ala dugi mara kɛnkɛn-dugi la, a ko a si nyɔ ma dugu-lamonɛ la a ye. Sewɛ anubɛ kɔntɔdiyɛ si taran nyɔ kati! Mɔgɛnu si baraka-bira-siginu sa ka a tanto tolon!

Aiseya 52:9

Ile Yerusalɛm so-makeri-kerinɛ, i ni a lasɔnkɔ sewɛ bolo. Mari si Yerusalɛm kunyɛ bɔ gbaran rɔ, a nyɛrɛta soe, kɔni ka ala mɔgɛnu to lafɛrɛ rɔ.

Aiseya 54:8

A ko ata fondo-bɔɛ le ya a ma, a ya a ban i la wati-kundu-ni kɔrɔ kɔnɔ a si ata habadan-kinikinɛ yira i la gbɛ! I Kunka-Mari kan le kɛ la.

Aiseya 66:13

Mari ko a yɛyɛ si to wo fɛ iko denbɛ-yɛyɛ ye tola ala dan fɛ nya min, ado Mari-yɛyɛ si to ile Yerusalɛm fɛ wo nya na le.

Yɛrɛmaya 31:13

Sunkurɔnnu si anu dɔn sewa-wati wo rɔ. Kɛmɔgɛnu anubɛ kemini-mɛsɛnu fanani si anu dɔn anu fɛ. Mari ko a si anuna yisi-magboyɛ yɛlɛma anu ye, nyagalan la. A si anuna yisi-tinyɛ ma anu ye, kɔntɔ-diyɛ la.

Yɛrɛmaya 33:13

Saga-fɛ-biralɛnu si anuna sagɛnu dan tun. Kɛ ye mala Bɛnyamɛ bɔnsɔnla nyamanɛ le tɔ anubɛ so-mɛsɛ minnu bi Yerusalɛmna foolɛ rɔ. Kɛ ye mala fanan Yuda nyamanɛ soenu tɔ anubɛ nyɔ-kɔnkɔ-nyamanɛ soenu tɔ. Anu si sagɛnu dan fanan Yuda nyamanɛ dugula soenu tɔ anubɛ gburukulinu bi nyamanɛ min tɔ.

Yɛrɛmaya 33:9

Yerusalɛm si ale Mari lasewa. A si gbiliyɛ sɔrɔn ka a wasi soe wo la. Ale Mari ko a ara min kɛ Yerusalɛm ye, sibolo-gbɛrɛnu ba a lamɔɛn a ara anu nama-a-la nya min, anu si to yɛrɛyɛrɛnna kilan bolo.

Isikiyɛli 36:33

“Nde, anu Tigi Mari ko n ba ban anu sɛninyala ka anu bɔ anu hakɛ rɔ, n si sɔn worɔ ko anu ni sigi anuna soenu tɔ tun ka anuna tonbɔnnu sɔ a kurɛ la tun.

Emɔsi 9:14

Mari ko a si ala mɔgɛnu nasɛgi anu halala-dugi ma. Anu si anuna so-tinyanɛ sɔ tun ka anu sigi nyɔ. Anu si kɔlɔmanu ki ka anu gbɔɛ dɔn. Anu si ki-fannu ki ka wo fanan dɔn.

Hɔbadaya 1:20

Isirɛla mɔgɛ minnu siginɛ kantɔ-wara la nun, wo yogenu nara anu bira ka ta anu na pon! Kɔnɔ Marita mɔgɛnu si na hɔrɔyɛ rɔ ka anu sigi kantɔ-wara la ka nyamanɛ wo nɔ. Anu si ta anu yoge kɛlɛla Finisiya nyamanɛ rɔ ka anu bira ha ka ta ke Sɛrɛfati soe burɔ. Minnu biranɛ Yerusalɛm nun, wonu fanan si na hɔrɔyɛ rɔ ka anu sigi Saradasi soe burɔ. Wonu fanan si ta Yuda nyamanɛ dugula wara la ka wonuna soenu bi anu bolo.

Sakaraya 1:14

Wo kɔma, Mari ya min fɔ, melika wo ko n ni wo rakaran wole, Isirɛla mɔgɛnu ye. A ko keninteya-belebele ye a bolo ata so-yabɔnɛ Yerusalɛmna ko la.

Sakaraya 1:18

N ya sara-ninki-kere nani yen ko-rayirɛ do rɔ tun.

Sakaraya 2:12

Mari si Yuda ma a halalɛ la tun ata dugu-sɛnimɛ rɔ. Yerusalɛm soe si diya a ye ka tenbi soe bɛɛ la.

Sakaraya 2:4

Min namatoe, wo ya a fɔ doi wo ye ko, “I buri tala a fɔla fen-sumannɛ wo ye ko tarɛ ti ke minina Yerusalɛm soe ma tun bawo a la si fa mɔgɛnu anubɛ kolo-fannu na penpen!

Sakaraya 3:2

Mari ya a fɔ ko, “Setanɛ, tonya sa i bolo. Yerusalɛm di nde, Mari ye. Yasowa kɛ ma ara tanka iko kɔlɔma anu bara min nabɔ tɛ rɔ.”

Ɛfɛsa 1:4

Yanni duninya ni dan, Alla ara ban ma yabɔla nun alako ma ni ma atɛ la Kirasiti baraka rɔ. A ya ma yabɔ ko ma ni sɛninya a yala. A sa a fɛ, fɛɛ-wo-fɛɛ ni taran ma la. Ala keninteyɛ rɔ,