Sakaraya 1:12 - ALLALA KUMƐ

¹² Wo kɔma, Marita melika kumara Mari Sɛnbɛ-Bɛɛ-Tigi ye. A ko, “A ara san bi-wɔrɔnfila bɔ dɛgɛdɛgɛ, i fonde bɔnɛ Yerusalɛm soe anubɛ soe doinu kuma Yuda nyamanɛ rɔ. I fonde bɔnɛ si to kɛnu kuma ha muntuma?”

Sakaraya 1:12 ပူးပေါင်းရင်းမြစ်များ

2 Ko-Kɔrɔta-Karan 36:21

Mari ara min fɔ Nɛbi Yɛrɛmaya ye nun, wo le wara bɔ-a-la kɛ la bawo a ya a fɔ nun ko, “Yuda dugi si a sulen san bi-wɔrɔnfila kɔrɔ, ka a tɛgɛ anuna san wɔrɔnfilɛ sulanla ko ma.”

Yaburi 102:10

bawo ita fondo-bɔɛ ara n bi ka n nafili a rɔ pirr!

Yaburi 102:13

I si i lakɔɛnma ka kinikini Yerusalɛm soe ma. A wati ara ke ka kinikini a ma. Wati-yabɔnɛ ara ke, yɔ!

Yaburi 69:5

E, Alla, n hakɛnu dogonni ma ile ma. Ile ma fili nna kuntanyɛ ma.

Yaburi 74:10

E, Alla, ma yogenu si to yɛlɛnna i ma ha tumɛ nyamintan? Anu si to i mamɔɛnna le, wa?

Yaburi 79:5

Mari, i fondo-bɔnɛ si to ma kuma tolon, wa? I fonde si to bɔni ma kan ma iko tɛ tenbi kikɔlɛ la, wa?

Makawandili Kumɛnu 3:3

Mɔgɔ-faga-wati ye nyɔ, a dandan-wati ye nyɔ. Fen-wayan-wati ye nyɔ, a sɔ-wati ye nyɔ.

Aiseya 47:6

Mari ko ale diminyanɛ male ata Isirɛla mɔgɛnu ma nun. Ma biranɛ a bolo iko ata ma ma la. A ko a ara ma kunyɛ don Babilɔn kɛnu bolo, ado anu ma kinikini ma ma. A ko hali mala kɛmɔgɛnu, anu bi wonu natofi-tafila.

Aiseya 63:9

A ko ala mɔgɛnu ba tɔrɔyɛ sɔrɔn, ale fanan bara tɔrɔ. A ara a nyɛrɛta melika sɔ anu kisi tinɛ. Mari le ya anu kisi ka a tɛgɛ ata nyimayɛ anubɛ ata keninteyɛ ma. A ko kebi fɔlɔ a ya anu banba.

Yɛrɛmaya 12:4

Nyamanɛ kɛ si to diyi kun na ha muntuma? Nyamanɛ kɛ bin-nafɔsɔnɛ ni to ha muntuma? Ka a tɛgɛ mɔgɛnuna karagbɛlɛyɛ ma, sogenu anubɛ konanu bara ban fagala. N yogenu bi a fɔla ko, “Ma wara-koe ye nya min, ma ma la a la ni Alla ye wo kalama.”

Yɛrɛmaya 15:17

Nyama tenbi yɛlɛn anubɛ diyɛ kun na wati min, nde mako sa anu na. N sigira n dan na bawo ile le ya kilɛ yira n na. I wara n burɛ lafa yisi-bɔɛ la ka a tɛgɛ anu sɔn-yogomɛ ma.

Yɛrɛmaya 29:10

Mari ko Babilɔn si to sɛnbɛ rɔ san bi-wɔrɔnfila kɔrɔ. San bi-wɔrɔnfilɛ wo wa ban tumɛ min, Mari ko a si na wo wara Babilɔn nyɔ. A si ala lanyiri latɔnbagaya ka sɛgi wo la Yerusalɛm wulɔn.

Yɛrɛmaya 30:18

Mari ko a si wole, ala mɔgɛnu nasɛgi wo halala-nyamanɛ rɔ tun. A si kinikini wo kebilɛ bɛɛ ma. Yerusalɛm soe si sɔ a gbɛ rɔ tun. Mansɛla bolɔn si sɔ a gba-kɔrɛ rɔ tun.

Daniyɛli 12:6

Mɔgɔ filɛ wo mɔgɔ kelen ya melika linɛn-kura-gbɛ-tigi wo manyinika min bi yi wo kuma. A ko, “Kabana-koe kɛ damasi ye nala mala wati nyamintan?”

Habakuku 1:2

E, Mari, n si to i rakelela n dɛnbɛn-koe la ha wati nyamintan? Ma ye nyinina ita dɛnbɛnɛ ma karagbɛlɛnuna ko la kɔnɔ i sa ma denkunna.

Sakaraya 1:8

N ya Marita melika yen siginɛ so-wulan la gbɔfɛ kuma lɛɛ rɔ, ado so sawa sɔnɛ a kɔma. Kelan wulennɛ. Kelan mapusennɛ. Kelan gbɛnɛ. A laburilɛ siginɛ so sawɛ wonu na.

Sakaraya 7:5

A ko n ni a fɔ saraka-masɔlɛnu anubɛ mɔgɛ bɛɛ ye ko anu ya sunyɛ don min kɛ ka di a karɛ loli nyɔgɛ anubɛ a karɛ wɔrɔnfila nyɔgɛ ma san bi-wɔrɔnfilɛ kɛ kɔrɔ, anu ma wo kɛ ale Mari ye.

Hiburunu 7:25

ado minnu bi nala Alla ma Yisa baraka rɔ, ale le si ke wonu nakisila feu, bawo a ye a kɛndɛ la habadan! A ye Alla madiyala wonu ye tɛban!

Lankɛnimayɛ 6:10

Anu gbele-gbelenta kan-ba la ko, “Ma Mari Sɛnbɛ Bɛɛ Tigi, sɛninya-tigi anubɛ tonya-tigi le ile la! I si duninya-mɔgɛ bɛɛ kiti ka anu tɔrɔ ma faga-koela ko la tumɛ nyamintan?”