Ruti 4:9 - ALLALA KUMƐ

⁹ Bowasi ya a fɔ mɔgɔ-ba wonu ye ko, “Wole ara ma sereyɛ la bi. Fan minnu bi Ilimilɛki bolo anubɛ ala den-kemini filɛ, Kaliyɔn anubɛ Malɔn bolo, n bara wo damasi san Neyomi ma bi.

Ruti 4:9 ပူးပေါင်းရင်းမြစ်များ

Ko-Dabirɛnu 23:11

“Nba, n tigi, i wɔlɔ matɔlɔ n kan la. N si faran wo di i ma anubɛ nna dugi min bi faran wola foolɛ rɔ. N si nyɔ di i ma mɔgɛ kɛ bɛɛ yala bi. I si ila furi togon nyɔ.”

Ruti 1:2

a tɔgɛ Ilimilɛki. Ɛfarati kebila-mɔgɛ do le. Kei wonubɛ ala musi anubɛ ala den-kemini filɛ tara anu sigi Mohabu nyamanɛ rɔ kɔnkɔ sa kan min. Ala musi wo tɔgɛ le Neyomi. Anuna den-kemini filɛ wonu tɔgɛ le Malɔn anubɛ Kaliyɔn.

Ruti 4:10

Nba, min sanɛ wo kuma, Malɔn ya kɛɛ-musi min to a kɔma, Mohabu nyamanɛ dunmusi Ruti, wo ara to nde ye bi. Wo si a ma, furinɛ kɛnu bolo-fannu ni to anuna kebilɛ la. Woletɔ anu tɔgɛ ti tunu anuna kebilɛ la anubɛ anuna soe rɔ. Wole mɔgɔ-banu bara ma n sere la.”