Ruti 4:12 - ALLALA KUMƐ

¹² Iko Yakobala den-kei Pɛrɛsi yirita nya min Tema ya minnu sɔrɔn, alamɛ Alla ya den-siyamɛ di wobɛ Ruti ma wo nya na le.”

Ruti 4:12 ပူးပေါင်းရင်းမြစ်များ

Ko-Dabirɛnu 38:29

A ya a bole anubɛ yesekarɛ ladon tumɛ min, doi fɔlɔn sɔrɔnta. Tinkɔrɔ-sigilɛ ya a fɔ ko, “Ile ara ma yarɔ-sɔlɛ la ka i bɔ to kɔma!” Woletɔ anu ya ale tɔgɔ sa Pɛrɛsi bawo tɔgɛ wo kɔrɛ le iko mɔgɔ wa a fɔ, “Yarɔ-sɔlɛ.”

Ko-Dabirɛnu 46:12

Yakobala den Yuda wo tara ala den-kei mɔgɔ sawɛ la a bolo, Sela wo, Pɛrɛsi wo, anubɛ Sera. Kɔnɔ Pɛrɛsi wo tara ala den-kei mɔgɔ fila la a bolo, Hɛsirɔn anubɛ Hamula. Kɔnɔ Yudala den-kei mɔgɔ filɛ, Ɛra anubɛ Onan, wonu fagara Kenan nyamanɛ rɔ.

1 Ko-Kɔrɔta-Karan 2:4

Yuda ya den-kei fila gbɛrɛ sɔrɔn, Pɛrɛsi anubɛ Seraha. Ala den Ɛrala musi Tamara le ya dan wonu sɔrɔn.

Malakayi 2:15

Alla ma wobɛ wola musinu ma fen kelen de la, wa? Nfenna Alla ya kɛ ma? A ya kɛ ma le alako wo ye dan minnu sɔrɔnna, wonu ni ma ale Alla-halalɛ la. Wo do-wo-do kana lanyiri kɛ tinya wola musinu bara la.

Matiyu 1:3

Yuda anubɛ Temara ya Pɛrɛsi anubɛ Seraha sɔrɔn. Pɛrɛsi ya Hɛsirɔn sɔrɔn. Hɛsirɔn ya Rama sɔrɔn.

Ruti 4:18

Pɛrɛsi kebila-mɔgɛ le kɛnu na ka a dabira ale Pɛrɛsi ma ha ka ta a sigi Dawuda la. Pɛrɛsi ya Hɛsirɔn sɔrɔn Hɛsirɔn ya Rama sɔrɔn Rama ya Aminadabu sɔrɔn Aminadabu ya Neson sɔrɔn Neson ya Salaman sɔrɔn Salaman ya Bowasi sɔrɔn Bowasi ya Obɛdi sɔrɔn Obɛdi ya Yɛsi sɔrɔn Yɛsi ya Dawuda sɔrɔn.

1 Samuwɛli 2:20

Saraka-Masɔla-Kun-Tigi-Wɛ Ilayi si duwa Ɛlakena anubɛ ala musi, Hana ye wo wati le tɔ. A si a fɔ Ɛlakena ye ko, “Alamɛ Mari ya den di ila musi kɛ ma ila den Samuwɛli kɛ gbɛ rɔ bawo i wara kɛ dantɛgɛ Mari ma.” Wo kɔma, anu si sɛgi anu barɛ.