Ruti 4:10 - ALLALA KUMƐ

¹⁰ Nba, min sanɛ wo kuma, Malɔn ya kɛɛ-musi min to a kɔma, Mohabu nyamanɛ dunmusi Ruti, wo ara to nde ye bi. Wo si a ma, furinɛ kɛnu bolo-fannu ni to anuna kebilɛ la. Woletɔ anu tɔgɛ ti tunu anuna kebilɛ la anubɛ anuna soe rɔ. Wole mɔgɔ-banu bara ma n sere la.”

Ruti 4:10 ပူးပေါင်းရင်းမြစ်များ

Ko-Dabirɛnu 29:27

Ni a sɔgɛ ye i la i ni a dɔgɛ Resɛli sɔrɔn, i ni a nyɔgɔn san wɔrɔnfila wɔlɛ kɛ n ye tun. Kɔnɔ a makɔni ha Liyata kɔɛn-masɔ-ladiyɛ-lɔgɔkunyɛ da ni fa. Wo kɔma, n si Resɛli fanan don i bolo.” Yakoba sɔnta kumɛ wo ma.

Ko-Dabirɛnu 38:9

Kɔnɔ Onan wo ya a lɔn ko anubɛ musi wo wa dɛn, anu bi dan minnu sɔrɔnna, wonu ti ma ale Onantɛ la. A wa a kɔrɔla musi latenbi a kɔma, a ti sɔn ka buyi sa a la. A ya a ban a kɔrɔ sugi to koe ma min kɛ,

Yaburi 109:15

Alamɛ Mari tora a mirila anu hakɛ ma ka nyina anu bara-koe la salon!

Yaburi 34:16

Kɔnɔ minnu bi karagbɛlɛyɛ kɛla, a si wonu yakɔrɔ-mamɔ woletɔ anu ba faga, mɔgɛnu si nyina anu bara-koe la tiriya!

Hɛnkilimaya-Kumɛnu 18:22

Ni kei min ya musi sɔrɔn, wo ara fen-nyima sɔrɔn. A ni a lɔn wo rɔ ko Mari ara ko-nyimɛ kɛ a ye.

Hɛnkilimaya-Kumɛnu 19:14

Mɔgɛ si bɔn anubɛ nɔnfuli sɔrɔn a na anubɛ a fa kɛɛ rɔ kɔnɔ musu-nyima-sɔrɔn, wo ye bɔla Mari le bolo.

Aiseya 48:19

Wo mamanɛnu si siyaya nun iko ba-kɛnkɛn. A ti sɔn wo halaki-koe ma nun.

Hoseya 12:12

Ma benba Yakoba ya a buri tala Mɛsopotemiya nyamanɛ rɔ. A ye nyɔ tumɛ min, yanni a ni musi sɔrɔn, a wɔlita kei do kɔrɔ ka wola sagɛnu kandan a ye.

Hoseya 3:2

Nba, nde, Nɛbi Hoseya ya wodi-gbɛ-gbu tan-ni-loli anubɛ fui-fan bɔrɔ fila bɔ Koma kunka-fanyɛ la ka ma tɛmɛ rabɛn tun.

Sakaraya 13:2

Wo wati rɔ, bɛsɛnu tɔgɛ si tunu nyamanɛ wo rɔ yen! Mɔgɔ-wo-mɔgɔ ti a miri anu ma tun! A ko a si foninya-nɛbinu wara-koe ka-a-la nyamanɛ wo rɔ. Hali bɛsi-kɔ-miriya si bɔ mɔgɛnu burɔ.

Malakayi 2:14

Wo ye a fɔla ko, “Nfenna Alla sa sɔnna mala sarakɛnu na tun?” Ni i ya a yen, Alla sa sɔnna wola sarakɛnu na bawo wobɛ wola musinu ya lanyiri min kiri wo nyɔgɔn tɛma wo tumɛ wo dennɛ, wo ara wo tinya. Wo ya lanyiri kiri Alla yala ko wo ti wola musinu boloka, ado wo makofu le musi wonu na. Wo ya lanyiri kiri Alla yala ko wo si to lanayɛ rɔ wola musi wonu ye.

Ɛfɛsa 5:25

Wole keinu, wo ni wola musinu keni iko Kirasiti ya ala mɔgɛnu keni nya min ka a nyɛrɛ niyi ni anuna ko la.

Tɔn-Fɔɛ-Fila-Nyɔgɛ 25:6

Ni a taranta, anu ya den-kei-sarɛ sɔrɔn, anu si wo tɔgɛ sa mɔgɔ-faganɛ wo la, alako a tɔgɛ kana tunu male Isirɛla mɔgɛnu tɛma.

Hiburunu 13:4

Mɔgɛ bɛɛ ni furi gbiliya. Keinubɛ musinu ni telen anu nyɔgɔn ye dɛɛ, ado Alla si sɔn-yogoma-tiginu anubɛ yɛlannu kiti.

Yasowa 7:9

Ni Kenan mɔgɛ kɛnu ya koe kɛ lamɔɛn tumɛ min, anu si na ka ma bira ka ma ban feu! Wo ti ma i tɔgɔ-tinya-koe la, wa?”

Ruti 4:9

Bowasi ya a fɔ mɔgɔ-ba wonu ye ko, “Wole ara ma sereyɛ la bi. Fan minnu bi Ilimilɛki bolo anubɛ ala den-kemini filɛ, Kaliyɔn anubɛ Malɔn bolo, n bara wo damasi san Neyomi ma bi.