Ruti 3:7 - ALLALA KUMƐ

⁷ Bowasi banta fen-dɔn-kɛla ka a kan lakimɛ tumɛ min, a nyagalenta ka ta a sa dɔn-fen-senda-siginɛ dafɛ. A kinɔgɔra tumɛ min, Ruti tara a fɛrɛ ma dɔidɔi! A ya Bowasila birinkan kɔrɔbi ka a rasagan a kian dugu la.

Ruti 3:7 ပူးပေါင်းရင်းမြစ်များ

Ko-Dabirɛnu 43:34

Wɔli-kɛlɛnu ya dɔn-fan min tafara anu tɛma Yusufula tebulu kuma ka a don anu bolo, anu ya Bɛnyamɛtɛ lakoloya kinyama loli ka tenbi a kɔrɔ wonutɛ la iko Yusufu ya a fɔ ala wɔli-kɛlɛ wonu ye nya min. Anu ya fen-dɔn-kɛ ka anu min kolikoli, ha anu fara pen!

2 Samuwɛli 13:28

Ale Abasalɔm ya a fɔ ala wɔli-kɛlɛnu ye ko, “Wo ni wo yɛ bɛn Aminɔ ma. Gbɛɛ wa a bira tumɛ min, n ba a fɔ wo ye, wo ni a faga. Hali wo ma kilan. Dunu sa wole kuma. Dunɛ ye nde le kuma. Wo ni wo kerinteya, hali wo ma sika.”

1 Mansɛnu 21:7

Yɛsɛbɛli ya a fɔ a ye ko, “Mansɛ le ma ile la? I yisi-kimɛ. I lasɔ. Ta fen dɔn tinɛ. Nde si Nebɔtila dugi sɔrɔn de i ye.”

Ɛsita 1:10

Ladiyɛ wo tele wɔrɔnfila nyɔgɛ ma, dolo-minyɛ ya mansɛ lasewa. A ya a fɛ-birala tɛgan mɔgɔ wɔrɔnfila kele, Mɛhuman wo, Bisita wo, Habɔna wo, Bigita wo, Abagita wo, Sitari wo, anubɛ Karakasi.

Yaburi 104:15

Ado nfan, anu si ke gbɛɛ sɔrɔnna min si a ma, anu ni sewa. I si ɔlifi-tuli fanan di anu ma alako anu ni anu yakɔrɛ mamun. I ye dɔn-fan dila anu ma alako anu ni to sɛnbɛ sɔrɔnna.

Makawandili Kumɛnu 10:19

Dɔn-fan la ye danna alako mɔgɛ ni taran a diya. Minni-fan ye minna sewa-koe le la. Kɔnɔ ni wodi ma, fenfen ti sɔrɔn.

Makawandili Kumɛnu 2:24

Min fisa, fɔ mɔgɛ ni to fen-dɔn anubɛ minnɛ kun na alako a ni a nyɛrɛ ladiya ala fen-sɔrɔnnɛ rɔ. Kɔnɔ hali wo, wo bɛɛ bɔnɛ Alla le bolo

Makawandili Kumɛnu 8:15

Woletɔ a ma to fenfen ma duninya kɛ rɔ fɔ ladiyɛtɛ. Fenfen sa fen-dɔn anubɛ minni anubɛ sewɛ kɔma. Hali i ma fen-bo-fen sɔrɔn i siyi-tele kɔrɔ Alla ye min dila i ma kɔnɔ i tenbi wɔlila, ni i ye kɛ kun na, i ye i diya.

Makawandili Kumɛnu 9:7

Woletɔ ta fen dɔn sewɛ rɔ, i ni minni-fan min i fanbolo bawo i ye min kun na, Alla ara sɔn wo ma, bi ma!

1 Kɔrɛnti 10:31

Woletɔ ni wo ye fen dɔnna, ni wo ye wo minna, ni wo ye ko-wo-ko kɛla, wo ni wo bɛɛ kɛ alako Alla ni gbiliyɛ sɔrɔn wo bɛɛ rɔ.

Ɛfɛsa 5:18

Wo kana sɔn, gbɛɛ ni wo rabunden. Yanni wo ni wo ma, wo fanɛ ni to ata Ni-Sɛnimɛ la.

Kɛlɛ-Kurugbɛnu 19:22

Anu bi nyɛrɛ-ladiyɛ wo kun na, kemini-karagbɛlɛ donu nara kurɔn mini bɔn wo ma. Anu bi dɛ matugula anu ma. Anu bi a fɔla kɛmɔgɛ wo ye ko, “Kei min donta i kuma, a labɔ ma ma. Ma ni ma sa a fɛ.”

Kɛlɛ-Kurugbɛnu 19:6

Anu kɛmɔgɔ filɛ sigira ka fen-dɔn-kɛ ka anu min. Anu ban, a biran-kei ya a madiya tun, a ko, “I yandi, bi su kelan ki n fɛ yan. N ni i ladiya.”

Kɛlɛ-Kurugbɛnu 19:9

Anu ban fen dɔnla tele rɔ, keinubɛ a fɛ-sigi-musi anubɛ ala wɔli-kɛlɛ wonu wulita. A biran-kei ko, “Wurɛla-tumɛ le wara ke kɛ la. Min fisa, ki yan bi. N ni i ladiya. A la sa mɛla finna tun. Sina i si suru tala i warɛ.”

Ruti 3:6

Ruti tara gbere ma iko a mama ya a fɔ a ye nya min.

Ruti 3:8

Su-talɛ gbɛrɛnnɛ, Bowasi kundenta, a ya a yɛlɛma, a tɛrɛnara musi la nyɔ.