Ruti 3:15 - ALLALA KUMƐ

¹⁵ Kɔnɔ yanni a ni ta, Bowasi ya a fɔ a ye ko, “Ila kurɛ do rasa dugi ma.” Bowasi ya dɔn-fan min wuya kurɛ wo rɔ, a tora doni, a ni ke pani-nya bi-nanɛ rɔ. A ya Ruti layɛlɛ dunɛ wo la. A tara dunɛ wo la a mama wara soe!

Ruti 3:15 ပူးပေါင်းရင်းမြစ်များ

Aiseya 3:23

anuna duruku-kɔrɔ-don wo, anuna da-lafiran-fen wo, anuna kun-makiri-kurɛ wo, anubɛ anuna kan-makɛ-kura wo, a si wo bɛɛ bi anu bolo.

Aiseya 32:8

Kɔnɔ gbiliya-mɔgɛ si ko-telennɛ ladan. A si a sɔ gben, ko-telennɛla ko la.

Kalesiya 6:10

Woletɔ ma wa fɛrɛ sɔrɔn tumɛ min, ma ni ko-nyimɛ kɛ mɔgɛ bɛɛ ye kɔnɔ katarala ma na-kelen-nyɔgɛnu ma dɛnkɛninyɛ rɔ.

Ruti 3:14

A sani tora nyɔ ha banda-ka-da-pinpi ma. Yanni waan ra ni ka, Ruti ya a lasɔ bawo a ma di Bowasi ye mɔgɛ ni a lɔn ko musi do kira a kuma.

Ruti 3:16

A ke a mama ma bɔn la, a mama ya a manyinika ko, “Nfen bɔra ila tagama rɔ? Bowasi ya i bira kama?” Koe min bɛɛ mara tagama wo rɔ, Ruti ya wo dantɛgɛlɛ sa.