Ruti 2:12 - ALLALA KUMƐ

¹² Alamɛ Mari ya i sara wo la. I wara na Isirɛla mɔgɛnuta Mari Alla wara ka don a kanban kɔrɔ i kisi-koe la. Alamɛ Alla ya i sara boi!”

Ruti 2:12 ပူးပေါင်းရင်းမြစ်များ

Yaburi 17:8

A ma, n ni to tankɛ rɔ iko mɔgɛ si a yɛ matanka nya min. N sigi i kanban kɔrɔ

Yaburi 19:11

A ye hɛnkili dila, nde, ata wɔli-kɛlɛ ma. N bi a kan tola a gbɛ rɔ min kɛ, n bi barayi sɔrɔnna wo le tɔ.

Yaburi 36:7

E, Alla, ila keninteya-dannatɛgɛbɛlɛ sɔnkɔ ti sɔrɔn. Ma lakanannɛ i kanban kɔrɔ.

Yaburi 57:1

E, Alla, kinikini n ma bawo ile si n matanka. N bi i kanban kɔrɔ n matanka-koe la ha nna nyagbɛ kɛ ni bɔ n kuma.

Yaburi 58:11

Tɔ-a-la, mɔgɛnu si a fɔ ko, “Telenbagɛnu si barayi sɔrɔn yati!” Wo kɔma, anu si a fɔ ko, “Tonyɛ le wo la, yɔ! Alla ye nyɔ min bi duninya kitila.”

Yaburi 61:4

Sɔn, n ni taran ila fani-bɔn kɔrɔ tuma-wo-tuma. N nakanan i kanban kɔrɔ.

Yaburi 63:7

bawo i wara n dɛnbɛ kati! N tenbi i kanban-ninɛ la, n si siginu sa i ye.

Yaburi 91:4

A si a kanbannu burun i kuma. A kanbannu si i lakanan. Ata lanayɛ, wo le ye i lakisila.

Hɛnkilimaya-Kumɛnu 11:18

Karagbɛlɛnu si sarɛ min sɔrɔn, wo si a baya kɔnɔ mɔgɔ-telennɛta barayi bɛnta a ma.

Hɛnkilimaya-Kumɛnu 23:18

Ni wo mara, i wara-koe si to sabatila dɛɛ.

Yɛrɛmaya 31:16

Kɔnɔ Mari ko a ni a fara diyi la. Ale Resɛli ni a yɛ lafiran. A ko a ara wɔlɛ minnu kɛ ala dannu ye, a si a kɔndɔn sɔrɔn wo rɔ. Ala dan wonu si bɔ anu yogenuna nyamanɛ rɔ ka sɛgi anu halala-nyamanɛ rɔ.

Matiyu 23:37

“E, Yerusalɛm, Yerusalɛm! I ye nɛbinu fagala nun tolon! Alla ara kilayɛ minnu sɔ i wara, i ya wonu mabon kurinu na! A sɔgɛ ye n na wati siyaman ka ila mɔgɛ bɛɛ ladɛn iko sisi-denbɛ si ala dannu nadɛn a kanban kɔrɔ nya min kɔnɔ i ma sɔn n ni wo ma!

Matiyu 5:12

Wo ni sewa ka nyagalen bawo barayi-ba maranɛ wo ye Arinyɛni tɔ, ado anu ya fɔlɔ-nɛbinu bira boloko-yogomɛ-kɛ wo nya na le nun.

Matiyu 6:1

Yisa ko, “Wo wa wuli ko-nyimɛ kɛla tumɛ min, wo ni a ma wo fɛrɛma. Wo kana a ma gbɛ rɔ alako mɔgɛnu ni wo yen. Ni wo ya koe kɛnu ma gbɛ rɔ, wo ti barayi sɔrɔn wo Fa Alla bolo Arinyɛni tɔ.

Luka 6:35

Wo ni wo yogenu keni ka ko-nyimɛ kɛ anu ye. Wo ni anu dɔndɔ, hali wo ma wo hɛnkili lamiri fen-sɔrɔn-koe ma anu bolo tun. Wo si barayi-ba sɔrɔn. Alla min bi Fan Bɛɛ Kun na, wo si ma ale Allata dannu na, ado Alla ye ko-nyimɛ kɛla fisiriwɔlɛnu anubɛ wunduyogenu ye.

Kɔlɔsi 2:18

Wo kana sɔn, mɔgɔ-wo-mɔgɔ ni wo yiliki min bi a nyɛrɛ gbiliyala ko-rayen rɔ ka a famayigi foninyɛ rɔ. Wo kana don melika-bato-koe rɔ. Mɔgɔ sifa wo wasinɛ hadama-danta miriya le la fufafu!

2 Timoti 1:18

Alamɛ Mari ya a dɛnbɛ ko a ni kinikinɛ sɔrɔn Mari bolo kiti-tɛgɛ-lunyɛ! A ya n dɛnbɛ nya min Ɛfɛsa soe burɔ, i ya wo lɔn serr!

2 Timoti 4:8

Nba kaka, nta duwɛ ye n makɔnɔna. Anu si mansa-telenbagɛta fulɛ di n ma. Duninya-kiti-tɛgɛ-latelennɛ si wo di n ma tele wo ma, Mari, kɔni. A ti a di nde dɔrɔn ma fɔ min bɛɛ ye ale Mari kenina ka a na-koe makɔni.

Hiburunu 11:26

A ya a lɔn ko ka tɔrɔ Kirasitila ko la, wo tɔnɛ kolo Iyipiti nɔnfuli bɛɛ ko. A ya a yɛ sɔ barayi-natoenu na.

Hiburunu 11:6

ado mɔgɔ-wo-mɔgɔ ti ke Alla hɛnɛna dɛnkɛninyɛ kɔma bawo minnu bi nala Alla wara, wonu ni dɛnkɛninya ko Alla ye nyɔ. Anu ni la a la fanan ko minnu bi Alla nyini tinɛ, a si anuna barayi di anu ma.

Hiburunu 6:10

Alla telenta. Wo ya wo ta-nyɔgɛnu dɛnbɛ ka keninteyɛ yira anu na min kɛ, ale Alla ti nyina wo ko, ado ha bi, wo ye wo ta-nyɔgɛnu dɛnbɛna.

Ruti 1:16

Kɔnɔ Ruti ya a fɔ ko, “I kana n madiya i boloka-koe ma. I yandi, a ma, n ni ta i fɛ. I tara kan-bo-kan, nde fanan si ta i fɛ nyɔ. I ya i sigi kan-bo-kan, nde fanan si n sigi nyɔ. Ita mɔgɛnu si ma nta mɔgɛnu na. Ita Alla si ma nta Alla la.

Ruti 2:11

Bowasi ko, “Ka a bi ila kei faga-wati ma ha ka a sigi kaka la, i wara ko-nyimɛ min bɛɛsi ma i mama ye, n bara wonu namɔɛn. I ya i fa anubɛ i na boloka nya min, n bara wo lɔn. I bɔra ila nyamanɛ rɔ nya min ka na i sigi ma tɛma yan i ma mɔgɔ lɔn kan min, wo ara fɔ n ye.

Ruti 2:13

Ruti ko, “N fa, hali n sa iko ila wɔli-kɛlɛnu, i wara kuma n ye nya min kɛ la, wo ara n hɛnɛ feu! Tabarakala i ma boi!”

Ruti 4:15

A ara i mamanɛ min sɔrɔn kɛ la, i wara yigi-kurɛ sɔrɔn wo fɛ. I fɛ-biralɛ le wo la min si i niyi sa i fɛrɛ rɔ tun.”

1 Samuwɛli 24:19

Mɔgɔ yon si a yoge bira, a ni a boloka, a ma ko ma a la? I wara ko-nyimɛ min ma n ye bi, alamɛ Mari ya i sara wo la.

1 Samuwɛli 24:20

N bara a lɔn gbɛ serr, ko ile le ye mala mansɛ la Isirɛla mɔgɛnu kun na, ado mansayɛ ti bɔ ila kebilɛ la.”