Ruti 2:10 - ALLALA KUMƐ

¹⁰ Ruti ya a nyɛnkin ka a madu Bowasi kɔrɔ. A ya a fɔ a ye ko, “Nfen bi nna kinikinɛ donna i yisi rɔ? Nfen bi a mala, i ye ko-nyimɛ mala nde sibolo-gbɛrɛ ye?”

Ruti 2:10 ပူးပေါင်းရင်းမြစ်များ

Ko-Dabirɛnu 18:2

A ya a yɛ lata ka kei sawa sɔnɛ yen wulɛ la. A ya anu tagbɛ tumɛ min, a burimatoe bɔra fani-bɔn la ka anu nabɛn. A ya a laburun a ma dugi ma anu kɔrɔ.

2 Samuwɛli 19:28

A bɛnta nun, i ni n fala kebilɛ bɛɛsi lato kɔnɔ hali wo, ile ara i don n dunɛ kɔrɔ ka ma de-nyini kan-tina-kelen. N tigi, a ma bɛn, n ni i manyinika ko-nyima-wo-ko-nyima ma tun.”

2 Samuwɛli 7:18

Mansa Dawuda tara Marita-Fani-Bɔn la. A ya a mayigi dugi ma nyɔ Mari yala ka a madiya ko, “E, n Tigi Mari, i wara ko-nyimɛ min bɛɛ kɛ nde ye, a ma bɛn, malebɛ nna denbayɛ ni wo sɔrɔn.

2 Samuwɛli 9:8

Mɛfibasɛti ya a madu a kɔrɔ tun. A ko, “N tigi, wulu-suyi tenbira nde la. Nfenna i ye ko-nyimɛ kɛla nde ye?”

Saraka-Masɔlɛnuta Tɔnnu 19:34

Wo ni anu bira iko wo ye wo nyɔgɔn birala nya min. Wo ni anu keni iko wo nyɛrɛ. Wo ni a lɔn yati, ko wole fanan bi sundanyɛ la Iyipiti nyamanɛ rɔ nun. Nde, wota Mari Alla ya kɛ le fɔ wo ye.

Matiyu 25:35

Kɔnkɛ ya n bira tumɛ min, wo ya dɔn-fan di n ma. N kan lagbalata tumɛ min, wo ya yi di n ma. A taranta, bɔn sa n bolo min kɛ, wo ya n yiya wo warɛ.

Luka 1:43

Ko n Mari na ara na n kɔndɔn tinɛ, ko-wɛ kɛ mara n ye kama?

Luka 1:48

bawo a ara a fonde to nde, ala yɔɔn-nɛ ko! Ka a bi bi ma, mɔgɛ bɛɛ si n kele ko duwa-dan

Romu 12:10

Wo ni wo nyɔgɔn keni a kilɛ fɛ iko na kelannu Kirasiti rɔ. Bɛɛ ni anu nyɔgɔn gbiliya ka tenbi a nyɛrɛ la.

Ruti 2:11

Bowasi ko, “Ka a bi ila kei faga-wati ma ha ka a sigi kaka la, i wara ko-nyimɛ min bɛɛsi ma i mama ye, n bara wonu namɔɛn. I ya i fa anubɛ i na boloka nya min, n bara wo lɔn. I bɔra ila nyamanɛ rɔ nya min ka na i sigi ma tɛma yan i ma mɔgɔ lɔn kan min, wo ara fɔ n ye.

Ruti 2:13

Ruti ko, “N fa, hali n sa iko ila wɔli-kɛlɛnu, i wara kuma n ye nya min kɛ la, wo ara n hɛnɛ feu! Tabarakala i ma boi!”

Ruti 2:19

A mama Neyomi wo ya a manyinika ko, “I ya kɛ dama sɔrɔn kama? I bɔra kɛ la yonna sɛnɛ rɔ? Sɛnɛ-tigi min bara hɔn i la ka, alamɛ Allata duwɛ yigira wo kuma.” Ruti ya a fɔ a ye ko, “N ya sangban-matɔnbɔn kɛ Bowasila sɛnɛ le tɔ.”

Ruti 2:2

Lunyɛ do, Ruti ya a fɔ a mama Neyomi ye ko, “N mama, a sɔgɛ ye n na, n ni ta sangban matɔnbɔn tinɛ. N lara a la ko n si mɔgɛ do taran nyɔ min si sɔn n ni bila a fɛ.” Neyomi sɔnta a ta-koe ma.

Ruti 2:9

N bara wɔli-kɛlɛnu makawandi ko anu kana i lafɛya. I kan la wa gbala tuma-wo-tuma, i ni ta i min wɔli-kɛlɛnuna yi la.”

1 Samuwɛli 25:23

Dawuda yen Abigɛli bolo, tiriyante wo rɔ, a bɔra ala sofɛlɛ kuma ka a laburun a ma Dawuda kɔrɔ.