Ruti 1:20 - ALLALA KUMƐ

²⁰ Neyomi ya a fɔ ko, “Wo ka a fɔ n ma tun, ‘Neyomi’ min kɔrɛ le ‘kun-nadiyɛ.’ Wo ni a fɔ n ma le gbɛ ko, ‘Mara’ min kɔrɛ le ‘kun-nagboyɛ.’ Bawo Allatala ara kun-nagboyɛ di nde ma.

Ruti 1:20 ပူးပေါင်းရင်းမြစ်များ

Ko-Dabirɛnu 17:1

Burama sɔrɔn ya san bi-kɔnɔntɔ ani san kɔnɔntɔ (99) bɔ tumɛ min, Mari bɔra a ye gbɛ rɔ ka a fɔ a ye ko, “Alla Sɛnbɛ-Bɛɛ-Tigi le nde la. I telen n ye. I ni n sako kɛ.

Ko-Dabirɛnu 43:14

Alamɛ Alla Sɛnbɛ-Bɛɛ-Tigi ya a ma, wola kinikinɛ ni don mansɛla kandɛ wo rɔ alako a ni wo na-kelen-nyɔgɛ doi wo boloka ka anubɛ Bɛnyamɛ lasɛgi n ma. Ni Alla ko n bi foola le nna dan kɛnu na, a fɛrɛ sa fɔ n ba foo anu na!”

Yobu 11:7

Ile si ke Allata gbundinu lɔnna, wa? Ile si ke Alla Sɛnbɛ-Bɛɛ-Tigi hɛnkili nya-yenna?

Yobu 19:6

Wo ma a lɔn ko Alla gbɛ le kɛ la, wa? Wo le wara yili lasigi ka n bira.

Yobu 5:17

Mɔgɔ-sewanɛ le wo mɔgɛ la Alla ye min natelenna. Alla Sɛnbɛ-Bɛɛ-Tigi tenbi mɔgɛ kolola, a yisi ka bɔ Alla kan ma.

Yobu 6:4

Alla Sɛnbɛ-Bɛɛ-Tigi ara n bon kalabɛnnu na, ado kalabɛn wonu marɛ ara n bira. Alla ara ko-gbɛlɛmɛnu nana n kan ma ha n kun ma ara kɔ.

Yobu 9:18

Hali ka n niyi lafɛ doni-bɛrɛni, a ti sɔn. A ara ndeta kun-nagboyɛ latenbi a dan kun na.

Yaburi 73:14

E, Alla, i wara a ma, n bi tɔrɔla tele-wo-tele. I ye n tagbesila sɔgɔma-wo-sɔgɔma.

Yaburi 88:15

Kebi n dennɛ, nde ma fenfen lɔn tɔrɔyɛ kɔma, ado n bi lakira bonda-dɛ le la tolon! Nna tɔrɔyɛ ara n tabɔ.

Bɔ-Koe-Iyipiti 15:23

Tɔ-a-la, anu kera yi do ma min kunayanɛ kelele! (Woletɔ anu ya nyɔ kele ko Yi-Kuna.)

Bɔ-Koe-Iyipiti 6:3

Nde, Alla Sɛnbɛ-Bɛɛ-Tigi ara n nyɛrɛ yira Iburayima anubɛ Isiyaka anubɛ Yakoba la kɔnɔ n ma n nyɛrɛ tɔgɛ ratɛgɛ anu ye ka a fɔ ‘MARI,’ n habadan-tɔgɛ wo, kɔni.

Aiseya 38:13

N bi kila dila dumɛ bolo. A mani de iko yarɛ le ye n kolo ratii tinɛ. N miri ko Alla ye n niyi ban tinɛ le.

Hiburunu 12:11

Ma tenbi kolole kɔrɔ, a ti ma sewɛ la ma ye wo wati kɔrɔ. A gbɛlɛ, ado a si ma ladiminya. Kɔnɔ tɔ-a-la, min bara a munyu kolole wo kɔrɔ, wonu si yisi-kimɛ sɔrɔn bawo wonu bi ko-latelennɛ le kɛla.

Lankɛnimayɛ 1:8

Mari Alla min bi yan kaka, a ye nyɔ kebi fɔlɔ, ado a ye nala le, Sɛnbɛ-Bɛɛ-Tigi, kɔni, wo ye a fɔla ko a fɔlɔtɛ anubɛ a laban le ale la.

Lankɛnimayɛ 21:22

N ma Alla-Bato-Bɔn yen soe wo burɔ bawo Mari Alla Sɛnbɛ Bɛɛ Tigi anubɛ saga-dan le Alla Bato-Bonyɛ la.