Ruti 1:13 - ALLALA KUMƐ

¹³ ha anu si koloya? Nna dannu, ko-bɛnnɛ ma wo la. Wo ya a lɔn ko wo ti ke kɛ mala. Mari ara a kan-kɔ sɔ n na. N kinikininɛ wole ma bawo nna tɔrɔyɛ ara sigi wole fanan ma.”

Ruti 1:13 ပူးပေါင်းရင်းမြစ်များ

Ko-Dabirɛnu 38:11

Yuda ya a fɔ a mama-nyaganɛ wo ye ko, “I ni to furunya-musuyɛ la i fa warɛ ha nna den Sela ni koloya.” Yuda kilannɛ a kuma alako ala den Sela kana faga iko a kɔrɔ-keinu mara nya min. Temara tara ka a sigi a fa warɛ.

Yobu 19:21

N diyana-mɔgɛ, a bɛnta, wo ni kinikini n ma. Alla kɔɛn ara n gbesi dugi la.

Yaburi 32:4

Mari, su-ni-tele, i ye n tɔrɔla nun. N sɛnbɛ ara ban fegba iko yi wa gbala telemɛ rɔ.

Yaburi 38:2

I wara n madumɛ ila kalabɛnnu na nun. I kɔɛn ara n gbesi dugi la.

Tɔn-Fɔɛ-Fila-Nyɔgɛ 2:15

Mari fonde bɔnɛ tora wo fanu kuma ha mala kɛlɛ-dan labantore wo fagara.

Kɛlɛ-Kurugbɛnu 2:15

Isirɛla mɔgɛnu ba ta kɛlɛ-kɛ-tinɛ tuma-wo-tuma, Mari fɔlɔn bi anu kan ma iko a ara a dakan don anu ye nya min nun. Isirɛla mɔgɛnu kɔndɔfilita pirikali!

Ruti 1:12

Wo sɛgi wo warɛ bawo n bara kɔrɔya. Nde ti sigi kei wara tun. Hali fɛrɛ taranta n ma ka den-keinu sɔrɔn bi suyi rɔ, wo si ke wo nyɛrɛ lamarala anu ye

Ruti 1:14

Anu donta diyi-kɛ rɔ tun. Ɔrapa ya a lasɔ. A ya a mama sunbu ka a fɔ a ye ko, “Ma tele, yo.” A sɛgira ala mɔgɛnu bara. Kɔnɔ Ruti ma sɔn a mama bolokala.

Ruti 1:21

N bi bɔla yan tumɛ min, fen-siyaman bi n bolo kɔnɔ hɛɛ, Mari ara n bolo-kolon-gbɛ lana yan. Nfen bi a tola, wo ye n kelela ko, ‘Neyomi?’ Nba, Allatala ara a ban nde la ka yakɔrɔ-mamɔɛ kɛ lana nde kuma.”

1 Samuwɛli 5:11

Wonu ya Filisitinuna so-kun lolɛ wonu mansɛnu kele tun ka anu kundɛn. Anu ya a fɔ mansɛ wonu ye ko, “Wo ni Isirɛla mɔgɛnuna tɔn-kenkirɛ lasɛgi anu ma alako a kana na mabɛ mala denbayɛnu nato.” Ɛkirɔn soe mɔgɛ bɛɛsi kumakɔra bawo Alla ye anu tɔrɔla belebele-wɛ-kɛ.