Romu 9:30 - ALLALA KUMƐ

³⁰ Ma si nfen fɔ worɔ? Sibolo-gbɛrɛ minnu sa anu tayala nun ka anu nyɛrɛ latelen Alla ye, wonu denu bara telen a ye dɛnkɛninyɛ baraka rɔ.

Romu 9:30 ပူးပေါင်းရင်းမြစ်များ

Hɛnkilimaya-Kumɛnu 15:9

Karagbɛlɛ kɛ-nya ma di Mari ye kɔnɔ mɔgɛ min bi ko-latelennɛ mala, wo le di Mari ye.

Hɛnkilimaya-Kumɛnu 21:21

Mɔgɛ min bi telenbagayɛ anubɛ keninteyɛ nyinina, wo tigi si sabati ka simayɛ anubɛ gbiliyɛ sɔrɔn.

Aiseya 51:1

Mari ko telenbagaya-sɔgɛ ye wole min na, wo ni wo tole masɔ, wole minnu bi Mari-lɔn-koe rɔ, kɔni. Wo ni wo hɛnkili to wo bakuri ko. Wo mani de iko kuru-mɛsɛ minnu bɔra fara-gbaran-kɔnkɛ ma.

Romu 10:10

ado ma si telen Alla yala mala dɛnkɛninyɛ le fɛ. Ma wa Marila sereyɛ bɔ ma dɛ la, ma si kisi,

Romu 10:20

Wo kɔma, Nɛbi Aiseya ya a kerinteya wo tumɛ a ya a fɔ ko, “Minnuna ko sa Allala ko rɔ, a sɔnta ko wonu fɔlɔn ni a yen. Minnu sa a wara-koe manyinikala, a ara a nyɛrɛ yira wonu na.”

Romu 10:6

Kɔnɔ min sɛbɛnɛ Allala kitabu rɔ ka a bɛn latelen-koe ma Alla yala dɛnkɛninyɛ fɛ, wo kɛ-koe ma gbɛlɛ. A ko, “Hali i ma nyinikalɛ kɛ ko, ‘Yon si ta Arinyɛni tɔ’ ” (ka na Kirasiti la duninya kɛ rɔ).

Romu 3:5

Ni mala telenbɛlitayɛ ya Allala telenbagayɛ labɔ gbɛ rɔ, wo ye kama? Ma si nfen fɔ worɔ? Mɔgɛnu bi kɛ le fɔla, yɔ! Ni Alla ya ma yiliki, ma si a fɔ ko a ma telen, wa?

Romu 4:11

Iburayima telenta Alla yala ka a tɛgɛ ata dɛnkɛninyɛ ma. Wo kɔma, a kemininyara alako ala kemininyɛ ni ma koe kɛnu tamasere la. Woletɔ minnu bara dɛnkɛninya Alla ma, Iburayima mara wonu bɛɛsi benba la. Alla ara wonu lɔn mɔgɔ-latelennɛ la, hali anu kemininyabɛlɛ.

Romu 4:13

Alla ya lanyiri kiri Iburayima anubɛ a bɔnsɔn ye ko duninya si ma anutɛ la. Ka a fɔ ko a ya lanyiri kɛ kiri bawo Iburayima ya Allata tɔn-kitabu bira, wo ma. Kɔnɔ a kirita ala dɛnkɛninyɛla ko la. Woletɔ Alla ya a lɔn mɔgɔ-latelennɛ la,

Romu 4:22

Woletɔ Iburayimata dɛnkɛninyɛ ya a ma, Alla ya a “yatɛ mɔgɔ-latelennɛ la.”

Romu 4:9

Mansa Dawuda ya sewɛ minna ko fɔ, wo ye Yahudiyanu denu dɔrɔn ye, ka, minnu kemininyara? Wo ma de, hali kemininyabɛlɛnu, ado ma ara a fɔ nun ko Iburayimata dɛnkɛninyɛla ko la, Alla ya a yatɛ mɔgɔ-latelennɛ la.

Romu 5:1

Ma ara telen Alla ye dɛnkɛninyɛ fɛ min kɛ, yisi-kimɛ ye mabɛ Alla tɛma ma Mari Yisa, Allata-Mɔgɔ-Yabɔnɛ baraka rɔ.

Romu 9:14

Ma si nfen fɔ worɔ? Ma si a fɔ ko Alla ma telen, ba? Ade, a sa wo nya feu!

Romu 9:31

Kɔnɔ male, ata mɔgɔ-yabɔnɛ minnu tayanɛ ka telen Alla ye tɔn-birɛ fɛ nun, male ma telen Alla ye.

Kalesiya 2:16

Hali wo, ma ya a lɔn ko mɔgɔ wa dɛnkɛninya Yisa Kirasiti ma, a telennɛ le Alla yala dɛnkɛninyɛ wo fɛ worɔ. Mɔgɔ ti ke telenna tɔn-birɛ fɛ mumɛ! Male fanan bara dɛnkɛninya Kirasiti Yisa ma alako ma ni telen Alla yala mala dɛnkɛninyɛ fɛ nya min.

Kalesiya 3:24

ado tɔn wara-koe tora ma kuma alako a si ma kolo nya min ha Kirasiti ni na. A nara alako ma si telen Alla ye dɛnkɛninyɛ fɛ nya min.

Kalesiya 3:8

Allala kitabu ya a labɔ gbɛ rɔ ma ye bi ma, ko Alla si sibolo-gbɛrɛnu fanan natelen a nyɛrɛ ye dɛnkɛninyɛ fɛ. Wo le ya a ma, Alla ya kibara-nyimɛ wo fɔ Iburayima ye. A sɛbɛnɛ ko Alla si ata duwɛ kɛ duninya-mɔgɛ bɛɛ ye Iburayima baraka rɔ.

Kalesiya 5:5

Male min tonɛ Allata Ni-Sɛnimɛ baraka rɔ, Alla ara fan min lanyiri kiri, ma gbarannɛ ma nyɛrɛ la wo bɛɛ-sɔrɔn-koe la. A ya lanyiri wo kiri anu ye minnu telennɛ a ye dɛnkɛninyɛ fɛ,

Ɛfɛsa 2:12

Wo ye nya min nun fɔlɔ, wo ni wo hɛnkili to wo ko. Wo wati ya a taran, wo ma ma wɛ Kirasititɛ la. Wo ye sibolo-gbɛrɛyɛ la nun. Wo sa Allata mɔgɔ-yabɔnɛnu tɛma nun. Wo kɔma, Alla ya sarama-kan min kiri anubɛ ala mɔgɛnu tɛma, wota fenfen sa wo rɔ nun. Wo tumɛ ya a taran, Alla sa wo bolo nun, ado yigi sa wo ma mumɛ!

Filipai 3:9

N bi a fɛ, n ni tugun ale la feu! N nyɛrɛta telenbagayɛ wo fenfen sa n bolo tun. Mɔgɛ si tɔnɛ sɔrɔn koe minnu fɛ iko tɔn-birɛ, n bara n kan-kɔ sɔ wonu na. N bara telenbagayɛ min sɔrɔn Kirasiti rɔ, wo le ye n bolo kaka. Telenbagayɛ wo bɔnɛ Alla le bolo. A suli ye dɛnkɛninyɛ le tɔ.

1 Timoti 6:11

Ile Allata mɔgɛ, i ni i nyɛrɛ tanka koe wo bɛɛ ma. Telenbagayɛ wo, ka kilan Alla la wo, dɛnkɛninyɛ wo, keninteyɛ wo, munyɛ wo, dinyɛ wo, i raya kɛnu ma.

Hiburunu 11:7

Dɛnkɛninyɛ le fɛ, Nowa ya Allata kawandilɛnu namɔɛn ka a bɛn koe minnu bi nala yarɔ, a ti ke minnu yenna. A ya Allala kumɛ bira ka kulɔn ladan, anubɛ ala denbayɛ kisira min tɔ. Ata kuma-birɛ le ya a ma, Alla ya duninya bɛɛ halaki, ado Nowa ya telenbagayɛ sɔrɔn Alla bolo dɛnkɛninyɛ le fɛ.

1 Pita 4:3

ado wo ara wati min kɛ fɔlɔ-nun Alla-batobɛlɛnuta koenu kɛ tinɛ, wo ara a bɔ. Nyɛrɛ-latinya-koe wo, nata wo, gbɛɛ-minyɛ wo, kisimiriya-koe wo, yabatoyɛ wo, bɛsi-kɔ-koe wo, wo ya wola siyi duni wonu denu kɛ tinɛ nun.