Romu 9:29 - ALLALA KUMƐ

²⁹ Iko Aiseya ya a fɔ nya min fɔlɔ-nun, a ko, “Ni Mari Sɛnbɛ-Bɛɛ-Tigi ma mɔgɛ donu to anu kɛndɛ la nun, ma si kasara nun pɔ iko Sodom anubɛ Kɔmɔra soenu mara nya min.”

Romu 9:29 ပူးပေါင်းရင်းမြစ်များ

Aiseya 1:10

Ile Yerusalɛm soe, ila kun-tiginu anubɛ ila mɔgɛnu mani de iko Sɔdɔm anubɛ Kɔmɔratɛnu bi nya min nun. Mari ye min fɔla wo ye, wo ni wo tole masɔ wo la. Mata Allata karan kɛ ye nala min fɔla ma ye, wo ni wo hɛnkili to wo ko.

Aiseya 1:9

Ni Mari Sɛnbɛ-Bɛɛ-Tigi ma mɔgɛ donu to anu kɛndɛ la nun, fɔ Yerusalɛm soe wa kasara nun pɔ! A ni ma iko Sɔdɔm anubɛ Kɔmɔra soenu mara nya min nun.

Aiseya 13:19

Hali Babilɔn kɛ kin so-siyaman ko, a mɔgɛnu wasinɛ wola ko la, Mari ko a si Babilɔn tii mɛmɛ, iko a ya Sɔdɔm anubɛ Kɔmɔra tii nya min.

Aiseya 6:13

Mɔgɔ-kɔnɔntɔ wo mɔgɔ-kɔnɔntɔ, hali a tan nyɔgɛ min tora, n si wo fanan kasara. Nta mɔgɔ-yabɔnɛ minnu tonɛ kɛ, wonu si ma iko kɔlɔma-kuru-wɛ min tɛgɛnɛ dugi rɔ. Kɔnɔ kɔn-kundi min tonɛ wo la, wo si a matii ka ma Allata mɔgɛnu tamasere la.”

Yɛrɛmaya 49:18

Kasarɛ min nyɔgɔn sigira Sɔdɔm anubɛ Kɔmɔra anubɛ anu dafɛ-soenu ma, wo nyɔgɔn si na sigi Idɔm kɛnu fanan ma. Hadama-den fenfen ti sigi nyɔ tun! Mari kan le kɛ la.

Yɛrɛmaya 50:40

Koe min sigira Sɔdɔm anubɛ Kɔmɔra anubɛ nyɔ-dafɛ-so-mɛsɛnu ma, wo nyɔgɔn si sigi Babilɔn kɛnu ma. Mɔgɔ ti sigi nyɔ tun. Mari kan le kɛ la.

Nimisa Koe 3:22

Wo le iko Marita keninteya-dan-natɛgɛbɛlɛ anubɛ ata kinikinɛ min ti ban.

Nimisa Koe 4:6

Nta mɔgɛnuna tɔrɔyɛ ara tenbi Sɔdɔm soetɛ la. Alla nyɛrɛ le ya soe wo halaki tiriya, mɔgɔ ma de!

Emɔsi 4:11

Mari ko ale le ya wole, Isirɛla mɔgɛ donu kasara iko a ya Sɔdɔm anubɛ Kɔmɔra soenu tɔrɔ nya min. Mɔgɔ-toe minnu tora anu niyi la, wonu mani de iko ta ma sɔgɔ kundi. Kɔnɔ hali wo, wo ma sɔn sɛgila Mari ma.

Sɛfanaya 2:6

Wola nyamanɛ min bi kɔgɔ-yi dafɛ, wo si ma sagɛ de-nyini-tinɛ la saga-wɔrɛnu siya kan min.

Tɔn-Fɔɛ-Fila-Nyɔgɛ 29:23

Wola sɛni sa tinɛnu si ma kɔgɔ-dugi la. Fenfen ti ma-a-la wo bolo. Hali binyɛ ti ma-a-la nyɔ. Wola nyamanɛ si ma iko Sɔdɔm wo, Kɔmɔra wo, Adima wo, anubɛ Sebom mara nya min. Marita fondo-bɔ-belebele kɛra min kɛ, a ya soe wonu tinya.

Yemesi 5:4

Mɔgɛ minnu wɔlita wo ye wola sɛnɛnu tɔ, wo ya wonu kensunya. Alla ara wola yasere-masa-kan lamɔɛn. Nba, minnu ya wola fui-fan tɛgɛ ka a ladɛn wo ye, wonu di-kɛ-kan ara ke Mari Alla Sɛnbɛ Bɛɛ Tigi tole rɔ!

2 Pita 2:6

Alla ya Sɔdɔm anubɛ Kɔmɔra soenu kiti ka anu halaki tɛ la. A ya anu ma misalɛ la min si ma ko-yogoma-kɛlɛnu na ka wo yira anu na yarɔ.

Yude 1:7

Wo ni wo hɛnkili to Sɔdɔm anubɛ Kɔmɔra anubɛ anu dafɛ-soenu ko. Nyɔ-mɔgɛnu ya a ma iko melikanu ya a ma nya min. Anu ya yɛlɛnya-su kɛ min ma daga mumɛ! Anu bi tɔrɔla habadan-tɛ le tɔ alako anu ni ma misali-bɛrɛ la mɔgɛ bɛɛ ye.