Romu 9:24 - ALLALA KUMƐ

²⁴ ado male le kelenɛ Alla bolo. Donu bɔra Yahudiyanu tɛma, donu bɔra sibolo-gbɛrɛnu fanan tɛma.

Romu 9:24 ပူးပေါင်းရင်းမြစ်များ

Ko-Dabirɛnu 49:10

Ile Yuda, i bɔnsɔn si ma wo nya na le. Mɔgɔ-wo-mɔgɔ ti sisi i sɔ tinɛ bɔla i bolo. Mansayɛ ti bɔ ile Yuda bɔnsɔn bolo ha Mansa-bɛrɛbɛrɛ si na, duninya bɛɛ si min gbiliya.

Yaburi 22:27

Sibole bɛɛ hɛnkili si to Mari ko. Anu si anu ya-lamunun Mari la duninya-tonko-nanɛ bɛɛ rɔ. Sibole bɛɛ si a bato.

Aiseya 65:1

Mari ko a ara a nyɛrɛ yira mɔgɛ donu na minnu sa a nyinina lefan! Minnuna ko sa ala ko rɔ, a sɔnta ko wonu fɔlɔn fɔlɔn ni a yen. Sibole minnu sa a batola, a ya a fɔ wonu ye ko, “Wo ma n yen? Nde le ye wo dɛnbɛna.”

Kɛwɔlɛnu 15:14

Alla hɔnta sibolo-gbɛrɛnu na nya min ka mɔgɛnu yabɔ anu tɛma alako wonu ni ma atɛ la, iko Saimon Pita ban-san le min fɔla.

Romu 10:12

a Yahudiya wo, a sibolo-gbɛrɛ wo. Ma damasi kelen. Alla kelen pe le Mari la mɔgɛ bɛɛ ye. Minnu ba Mari rakele, a si ata duwɛ layigi wonu kuma foninsereyɛ rɔ.

1 Kɔrɛnti 1:9

Alla, lanaya-tigi le. Ale le ya wo kele ka a ma, wobɛ ala dan Yisa ni ta-nyɔgɔnyɛ kɛ wo nyɔgɔn fɛ, ma Mari Yisa, Allata-Mɔgɔ-Yabɔnɛ, kɔni.

Kalesiya 3:28

Woletɔ dan-nafara mumɛ sa Yahudiyanu anubɛ sibolo-gbɛrɛnu tɛma worɔ. Hɔrɛ anubɛ yɔɔn wo, keinubɛ musinu wo, wo dama ara ma fen kelen na Yisa Kirasiti rɔ.

Kɔlɔsi 3:11

Yahudiya wo, Yahudiya ma minnu na wo, kemininya wo, kemininyabɛli wo, mɔgɔ-gbɛrɛkɛ wo, ko-lɔnbɛli wo, hɔrɔ wo, yɔɔn wo, dan-nafarɛ sa wo fenfen tɔ ni-kurɛ kɛ rɔ. Kirasiti tenbira koe kɛ bɛɛsi la, ado ale siginɛ wo bɛɛ yisi rɔ!

Hiburunu 3:1

N na-kelen-nyɔgɔ dɛnkɛninya-mɔgɛnu, Alla ara wole bɛrɛn kele ko wo ni ma atɛnu na. Woletɔ wo ni wo miri Yisa le ma. Alla ara a sɔ mala saraka-masɔla-kun-tigi-wayɛ la mala dɛnkɛninyɛ kun na, ma sɔnɛ min tɔ gben!

1 Pita 5:10

Kɔnɔ wo wa tɔrɔ wati-kundu-ni kɔrɔ, hinɛ-bɛɛ-tigi Alla min bi wo kelela ala habadan-gbiliyɛ ma Kirasiti rɔ, ale nyɛrɛ si wo kanbali ka wo sɔ-bole rabɛn gben!

Lankɛnimayɛ 19:9

Wo kɔma, melika ya a fɔ n ye ko, “Kɛ sɛbɛ. Mɔgɔ-sewanɛ le wonu na minnu kelenɛ saga-danta kɔnyɔ-masɔ-ladiyɛ wo rɔ.” Nba, melika ya a fɔ tun ko, “Allala-tonya-kumɛ le kɛnu na.”