Romu 9:19 - ALLALA KUMƐ

¹⁹ Mɔgɛ do wa n manyinika ko, “Ni Alla ya wo le fɔ, n si yiliki sɔrɔn nna hakɛla ko la kama worɔ? Yon si ke Alla sako kɛlɛla?”

Romu 9:19 ပူးပေါင်းရင်းမြစ်များ

Ko-Dabirɛnu 50:20

Wole ya ko-yogomɛ sigi n na kɔnɔ Alla ya a yɛlɛma n ye a nyimɛ la alako mɔgɔ siyaman ni kanan n fɛ.

2 Ko-Kɔrɔta-Karan 20:6

A ya matarali-kɛ a kulu-mayɛlɛnɛ la, a ko, “E, ma benbanuta Mari Alla, ile Arinyɛnɛ anubɛ Duninyama-Mansɛ, i sɛnbɛ kolo. Mɔgɔ-wo-mɔgɔ ti a sɔ i kɛlɛ-koe la.

Yobu 9:19

N si n taya ka Alla fɔrɔsɛ le, wa? Ni n ya Alla kiti, yon si a kele?

Yaburi 76:10

Hali mɔgɛnuna diminyɛ, a laban si ma ile Mari ye gbiliyɛ la. Minnu kunyɛ ma to kɛlɛ rɔ, wonu si anu taya ka ladiyɛ bɛɛ kɛ i gbiliya-koe rɔ a kilɛ fɛ.

Aiseya 29:16

Koe bɛɛ rabasannɛ anu bolo. Bɔnku-dagɛ anubɛ a ladannɛ, nyamintan kolo? Hadama-dan ye fan min nadanna, wo si ke a fɔla a ladannɛ ye ko, “Ile ma n nadan.” A ti ke a fɔla a ladannɛ ye ko, “I ye min kun na, i ma wo nya lɔn.”

Daniyɛli 4:35

Fenfen ma mɔgɛnu na dugu-kole kɛ ma ale yala. A si melika anubɛ mɔgɛnu namara iko a di ale ye nya na. Mɔgɔ-wo-mɔgɔ ti ke tɔn sigila a ma, ado a ye koe minnu bɛɛsi mala, mɔgɔ-wo-mɔgɔ ti ke a manyinikala wo ma.’

Maraka 14:21

ado nde, Hadama-dan si faga iko a sɛbɛnɛ Allata kitabu rɔ nya min kɔnɔ gbalo-belebele ye mɔgɛ wo kuma, min si nde, Hadama-dan don n yogenu bolo tɔ! A fisa nun, hali mɔgɛ wo ma sɔrɔn nun!”

Kɛwɔlɛnu 2:23

Alla ya a latɛgɛ a nyɛrɛ sako fɛ ko Yisa ni don wo bolo. Wole ya a faga bawo wo sɔnta ko hakɛ-tiginu ni a gbangban kɔlɔma ma wo yala.

Romu 11:19

Kɔnɔ ni wole sibolo-gbɛrɛnu ko, “Kɔn-bolɔn kerita a la alako male ni sɔ tinɛ sɔrɔn,”

1 Kɔrɛnti 15:12

Nba, ma ye kawandilɛ kɛ bɔla min kɛ ko Kirasiti la ara wuli ka bɔ furinu tɛma, nfenna wo donu bi a fɔla ko furinu na ti wuli?

1 Kɔrɛnti 15:35

Kɔnɔ mɔgɛ do si nyinikalɛ kɛ ko, “Furinu na si wuli kama? Anu si fɛrɛ-bɔnkɛ-su-nyuman sɔrɔn?”

Yemesi 1:13

Ko-yogoma-kɛ-sɔgɛ wa mɔgɛ do bira, a kana a fɔ ko Alla le ya a sɔ wo ma-tinɛ bawo ko-yogoma-kɛ-sɔgɛ ti Alla bira, ado Alla fanan ti mɔgɔ-wo-mɔgɔ sɔ ko-yogoma-ma-tinɛ.

Yemesi 2:18

Tumado, mɔgɛ do si a fɔ ko, “Dɛnkɛninyɛ ye ile bolo kɔnɔ kɛwɔlɛnu bi nde bolo.” N si a yabi ko, “I si ila dɛnkɛninyɛ mayira nya min, ni kɛwɔlɛnu sa a fɛ, wo yira n na. N si nta dɛnkɛninyɛ yira i la nta kɛwɔlɛnu fɛ.”